Joel 1:2 - Kaqchiquel Bible

² Tiwak'axaj k'a rix achi'a' ri k'o iq'ij, chuqa' tiwak'axaj rix chi'iwonojel ri ixk'o chupan re ruwach'ulew Judá. ¿K'o kami k'uluwachitajineq chupan re q'ij re'? ¿K'o kami k'uluwachitajineq pa kiq'ijul ri qate-qatata'?

Joel 1:2 Iomraidhean Croise

Wuj Richin ri Achin Job 12:12

Kan tikanoj na'oj kik'in ri e rijita'q taq achi'a' chik. Chupan ri juna' e kiq'axalon chik, k'o k'iy na'oj ruya'on kan chike.

Wuj Richin ri Achin Job 15:10

Tatzu' chiqakojol roj ek'o winaqi' ri seq chik ri rusumal taq kiwi' y ek'o achi'a' ri kan janila chik k'iy kijuna'. Kan más k'o chik kijuna' ke chuwech ri atata'.

Wuj Richin ri Achin Job 21:7

¿Achike kami roma toq ri winaqi' ri maneq Dios chikiwech, más yeyaloj yek'ase'? Kan yerijix na el jebel y jebel yebe pa jotol.

Wuj Richin ri Achin Job 8:8

Tak'utuj k'a chike ri winaqi' ri achike xkiq'axala' ri sol winaqi' ri xeq'ax yan, kan taquqa' rij ri xkiq'axala' rije'.

Wuj Richin Bix Chire ri Dios 49:1

Tiwak'axaj k'a chi'iwonojel rix tinamit, kan tiya' ixikin chi'iwonojel rix winaqi', richin chijun ruwach'ulew;

Wuj Richin ri Isaías 34:1

Rix winaqi' richin chijun ruwach'ulew, kan kixjel-pe richin niwak'axaj. Rix tzobaj winaqi' kan jebel tiya' ixikin. Tiwak'axaj k'a rix ri ixk'o pa taq ronojel ruwach'ulew.

Wuj Richin ri Isaías 7:17

Jak'a ri Jehová xtuteq-pe pan iwi' tijoj-poqonal ri kan man jun bey itz'eton-pe, kan k'a ja toq ruch'aron-pe-ri' ri tinamit Israel qik'in roj ri aj-Judá. Re' nel chi tzij ri tijoj-poqonal ri xtiberuya' ri rey richin Asiria pan iwi'.

Wuj Richin ri Jeremías 30:7

Kan xtinaqajub k'a pe jun q'ij richin q'axo'n. Kan man jun chik k'a q'ij q'axineq achi'el ri q'ij ri' y ri q'ij ri' kan richin bis kichin ri e rijatzul kan ri Jacob, jak'a yin Jehová kan xkixinkol k'a.

Wuj Richin ri Jeremías 5:21

Tiwak'axaj k'a rix ri maneq iwetamabal y ri man jun niq'ax chiwech. K'o runaq' taq iwech y man yixtzu'un ta, k'o ixikin y man yixak'ex ta.

Dn 12:1

Xtapon k'a ri ruq'ijul, y xtipe k'a ri ángel Miguel, ri chajinel richin ri atinamit. Ri q'ij ri' kan q'ij k'a richin q'axo'n, y kan man jun bey k'a banatajineq-pe keri', pa rutikeribel janipe' ek'o-pe ri winaqi', k'a toq xtapon ri q'ij ri'. Y chupan k'a ri q'ij ri' ri atinamit rat kan xkekolotej k'a chuwech ri tijoj-poqonal konojel ri tz'ibatel kibi' chupan ri wuj.

Os 4:1

Chi'iwonojel rix winaqi' ri ix rijatzul kan ri Israel, kan tiwak'axaj k'a ri ruch'abel ri Jehová. Rija' kan nuch'ojij k'a chike ri winaqi', ri ek'o chupan re ruwach'ulew re'. Roma kan maneq k'a qitzij banonri'il kik'in; chuqa' maneq ri retamabal ri Dios kik'in.

Os 5:1

Ri Jehová nubij: Rix sacerdote kan tiwak'axaj k'a ri xtinbij. Tinamit Israel, kan tiya' k'a ixikin chire ronojel re', rix ri ix aj pa rachoch ri rey kan tiwak'axaj k'a. Ronojel ri q'atoj-tzij ri xtiberuya' ri Dios, kan pan iwi' k'a rix xtiqaqa-wi ronojel. Rix xa kan xixok k'a jun pikbel chupan ri tinamit Mizpá, achi'el jun ya'l ri rik'il, keri' xiben pa ruwi' ri juyu' Tabor.

Joel 1:14

Ke'iwoyoj konojel ri winaqi' ri ek'o chuwech re ruwach'ulew re'; tibij chike richin man yewa' ta. Ke'imolo' ri e rijita'q taq achi'a' ri k'o kiq'ij; tiya' rutzijol chi k'o jun molojri'il chupan ri rachoch ri Jehová ri qa-Dios, tik'utuj chire richin yojruto'.

Joel 2:2

Ri q'ij ri', jun q'ij richin q'equ'm, jun q'ij richin sutz' y richin muj. Toq xkepe ri e etzelanel qichin kan xkepe achi'el jun nimalej tzobaj sak'. Y rije' kan xketz'et xkebiyin anineq pa ruwi' ronojel taq juyu', achi'el nitz'et toq nibiyin ri saqil pa ruwi' taq juyu' toq niseqer-pe. Man jun bey kitz'eton ri qate-qatata', ni man jun bey xtitz'et koma ri qijatzul.

Am 3:1

Rix winaqi' israelita tiwak'axaj ri xtinbenbij chiwe: Ri ojer kan xenkol-pe pan Egipto ri iwati't-imama'.

Am 4:1

Rix ixoqi' aj-Samaria, kan janila ix ti'oj, achi'el ri wákix ri ek'o pa ruwach'ulew Basán. Rix kan janila ye'itz'ila' ri winaqi' ri man jun k'o kik'in. Rix niben chike ri iwachijilal chi tikik'ama-pe más vino richin yixq'aber. Roma ri' tiwak'axaj re ch'abel re':

Am 5:1

Rix nuwinaq israelita, tiwak'axaj re jun bix re' richin bis ri xinben pan ibi'.

Wuj Richin ri Miqueas 1:2

Tiwak'axaj k'a rix winaqi' richin ronojel tinamit; rix winaqi' richin chijun ruwach'ulew, kan tiya' k'a ixikin, roma ri Jehová ri qajaw qonojel nich'on-pe k'a chupan ri rachoch. Rija' xtuq'alajirisaj k'a ronojel ri ibanobal.

Wuj Richin ri Miqueas 3:1

Wakami k'a tiwak'axaj rix tata'al y aj-raqen pa ruwi' ri tinamit Israel: Rix nik'atzin chi niben pa ruchojmilal.

Wuj Richin ri Miqueas 3:9

Tiwak'axaj rix aj-raqen pa qawi' roj ri oj israelita. Rix ri k'o iq'ij chiqakojol, rix kan man niqa' ta chiwech ri ruchojmilal. Rix kan nixotoba' rubanik ri q'atoj-tzij.

San Mateo 13:9

Ri k'o rak'axabal, kan trak'axaj k'a ri xinbij, xcha' ri Jesús.

San Mateo 24:21

Kan jari' toq xtik'o ruwi' ri tijoj-poqonal ri xtipe; jun tijoj-poqonal ri man jun bey k'uluwachitajineq ta pa ruwi' re ruwach'ulew, k'a re wakami chupan re qaq'ijul roj. Y chuqa' man jun bey chik xtik'uluwachitej.

Apocalipsis 2:7

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike ri xtich'akon, xtinya' q'ij chire richin nutej ruwech ri che' ri nuya' k'aslen, ri k'o pa runik'ajal ri qejoj ri kan nik'ases ri richin ri Dios, kacha' chike, xcha' chuwe.