Joel 1:14 - Kaqchiquel Bible

¹⁴ Ke'iwoyoj konojel ri winaqi' ri ek'o chuwech re ruwach'ulew re'; tibij chike richin man yewa' ta. Ke'imolo' ri e rijita'q taq achi'a' ri k'o kiq'ij; tiya' rutzijol chi k'o jun molojri'il chupan ri rachoch ri Jehová ri qa-Dios, tik'utuj chire richin yojruto'.

Joel 1:14 Iomraidhean Croise

2 Rey 10:20

K'ari' ri Jehú xuch'er jun q'ij richin molojri'il richin niya'ox ruq'ij ri Baal.

2 Crón 20:13

Konojel k'a ri achi'a' ri e apowineq richin ri molojri'il ri' e pa'el-apo chuwech ri Jehová junan kik'in ri kalk'ual y ri kixjayilal kich'elelon taq kal.

Wuj Richin ri Nehemías 8:18

Y ronojel k'a q'ij ri Esdras xusik'ij k'a ri wuj richin ri pixa', k'a toq xapon na ri ruwaq q'ij xqaben jun nimalej molojri'il achi'el nubij ri pixa'.

Ester 4:16

tibe kik'in konojel ri kiwinaq ri ek'o chiri' pa Susa, y tubij chike chi kemewayin oxi' q'ij y oxi' aq'a'. Y kan keri' chuqa' xtuben rija' y ri xtani' ri ek'o rik'in. Chirij k'a re', k'ari' xtibe richin niberutz'eta' ri rey, stape' xtuq'ej ruwi' ri pixa'. Y chuqa' ri Ester xubij: Wi xkiken, kan xkiken k'ari', xcha'.

Wuj Richin ri Jeremías 14:2

Ri winaqi' aj-Jerusalem y ri ch'aqa' chik richin ri tinamit Judá ek'o pa bis, ri tinamit kan e poqonatajineq y ri winaqi' kan kitorin-ki' pan ulew roma ri q'axo'n. Rije' nikireq kichi' roma ri ruk'ayewal.

Joel 1:2

Tiwak'axaj k'a rix achi'a' ri k'o iq'ij, chuqa' tiwak'axaj rix chi'iwonojel ri ixk'o chupan re ruwach'ulew Judá. ¿K'o kami k'uluwachitajineq chupan re q'ij re'? ¿K'o kami k'uluwachitajineq pa kiq'ijul ri qate-qatata'?

Wuj Richin ri Chojmirisabelri'il 23:36

Chi wuqu' k'a q'ij richin ri nimaq'ij ri' xtiporoj k'a sipanik chinuwech yin. Y chupan k'a ri ruk'isibel q'ij, xtimol chik iwi' y xtiporoj jun chik sipanik chinuwech yin. Re' kan jun molojri'il richin niya' nuq'ij y roma ri' kan man jun isamaj xtiben chupan ri q'ij ri'.

Wuj Richin ri Jonás 3:5

Toq ri winaqi' aj-Nínive xkak'axaj ri peteneq pa kiwi', xkinimaj k'a ri ruch'abel ri Dios, y xelesex rutzijol chi man yewa' ta y tikikusaj k'a qiriqoj taq tzieq. Keri' xkiben richin chi xkik'ut chi xkitzolij-ki' chikij chire ri kimak, y kan keri' k'a xkiben chi ch'uti'q, chi nima'q.

Wuj Richin ri Jonás 3:8

Xa kan qonojel k'a tiqakusaj tzieq richin bis, y qojch'on rik'in ri Dios. Chuqa' chiqajujunal tiqaya' kan ronojel ri itzel taq qabanobal.

Wuj Richin ri Sofonías 2:1

K'ari' ri Dios xubij chuwe: Timolo' k'a iwi' y kixch'obon rix winaqi' ri maneq ik'ix;