Filemón 1:22 - Kaqchiquel Bible

²² Kan tachojmirisaj yan k'a jun wachoch, roma yin kan woyoben chik chi ri Dios xtuben achi'el ri ik'utun chire pa nuwi' chi yinel-el re wawe' pa cárcel y yinapon iwik'in.

Tuilleadh tionndaidhean

Kaqchikel Santo Domingo (Xenacoj)

²² Tabꞌanaꞌ apu chuqaꞌ rukꞌojlen jun apeꞌ ngikꞌojeꞌ, porque yin kuqul nukꞌuꞌx chi roma ri oración ri ndibꞌen rix woma, ri Dios kin xtubꞌen chi ngixbꞌentzꞌetaꞌ.

Kaqchikel Santa Maria de Jesus

²² Can tachojmij yan jun lugar ri pacheꞌ xquibꞌacꞌujie-ve, chi quireꞌ antok xquiniel-el vaveꞌ pa cárcel, nquibꞌaka chila aviqꞌuin. Ruma inreꞌ voyoꞌien chic chi ri Dios can xtuꞌon incheꞌl ri icꞌutun cha chupan ri iv-oración.

Kaqchikel Central Guatemala

²² Can tachojmirisaj yan c'a jun vachoch, richin tok xquinel-el vave' pa cárcel y yinapon chila' aviq'uin. Roma yin can voyoben chic chi ri Dios can xtuben queri', achi'el ri ic'utun chire pan oración.

Re C'ac'a Testamento pa Kach'abal

²² Y chuka' c'o jun chic cosa ninjo' ninc'utuj chava, che tacanoj-apo jun vachoch, chin che tak xquinel-a libre yinapon chila' aviq'uin. Roma yen can nyaben chic che re Dios can xtuban quire', ancha'l re ic'utun cha pan i-oración.

Kaqchikel Western Solola

²² Can tachojmirisaj yan c'a apo ri acuchi (achique) xquibec'oje' wi, riche (rixin) chi tek xquinel el wawe' pa cárcel, yinapon chila' awuq'ui. Ruma riyin can woyoben chic chi ri Dios can xtuben wi achi'el ri ic'utun chare pan oración.

Filemón 1:22 Iomraidhean Croise

Hechos 27:24

Y ri ángel ri' xubij chuwe: Pablo, man k'a taxibij-awi'. Rat kan k'o k'a chi yatapon na ri pa Roma chuwech ri César. Roma ri' man jun k'a xtak'uluwachij. Y awoma k'a rat, ri Dios xkerukol k'a chuqa' ri e awachibilan-el chupan re jun barco re'. Kan man jun k'a xtiken kan chiwe, xinuche'ex roma ri ángel.

Hechos 28:23

Xkicha' k'a kan jun q'ij richin keri' nikimol-ki', y ri Pablo xtubij k'a ri achike nikajo' niketamaj. Y toq xapon k'a ri q'ij, janila k'a winaqi' ri xbekimolo-ki' rik'in ri Pablo, y rija' xuchop k'a nutzijoj y nuq'alajirisaj chirij toq ri winaqi' ye'ok pa rajawaren ri Dios. Xch'on kik'in toq xel-pe ri q'ij k'a toq xtzaq na qa, roma rija' xrajo' k'a chi xq'ax ta chikiwech chi ri Jesús jari' ri Cristo, ri tz'ibatel kan roma ri Moisés y koma ri q'alajirisey ruch'abel ri Dios.

Romanos 15:24

Nuch'obon chi ja toq xkibe pan España, jari' toq xkiq'ax-el iwik'in. Ninwajo' k'a yik'oje-el jun ka'i-oxi' q'ij iwik'in, richin chi rix niya' kikoten pa wánima, y chuqa' ninwajo' chi niya' ta chuwe ri nik'atzin richin ri nubey.

2 Corintios 1:11

Tibana' utzil, kixch'on rik'in ri Dios pa qawi'. Richin keri' kan e janila chuqa' ri xkematioxin, toq xtikitz'et ri utzil ri nuben-pe ri Dios chiqe roj roma ri ich'owen rix.

Filipenses 1:19

Y rik'in ri ich'owen rik'in ri Dios pa nuwi' yin, y chuqa' ri ruto'onik ri Loq'olej Espíritu ri peteneq roma ri Jesucristo, kan kuqul k'a nuk'u'x chi yin xkinel-el re wawe' re akuchi in tz'apel-wi.

Filipenses 2:24

Jak'a yin kan kuqul k'a nuk'u'x chi ri Dios xtuben chi yin chuqa' xkitikir xkinapon chik iwik'in pa jun ka'i-oxi' apo q'ij.

Hebreos 13:19

Y jak'a ri ch'owen rik'in ri Dios woma yin ri más ninchilabej chiwe, richin chi yitikir yinapon yan ta iwik'in.

Hebreos 13:23

Yin ninya' rutzijol chiwe chi ri qach'alal Timoteo totajineq chik; y wi xtipe chi'anin, nink'uaj-el toq xkibe chi'itz'etik.

Santiago 5:16

Y rix, wi k'o mak ri ibanalon, kan tiq'alajirisala' k'a chiwech. Titola-iwi' richin yixch'on rik'in ri Dios, richin chi yixchojmir. Y wi choj ri ik'aslen chuwech ri Dios, y rik'in ronojel iwánima xkixch'on rik'in, kan k'iy k'a ri xtik'ul chire rija'.

2 Juan 1:12

K'o k'iy ri ninwajo' ninbij chiwe. Jak'a man ninwajo' ta chi xa chupan re wuj re' nintz'ibaj-wi-el. Kan ninrayij chi yinapon na iwik'in richin k'ari' ninbij chiwe, richin keri' kan xqojkikot.

3 Juan 1:14

Roma ninrayibej chi yinapon yan awik'in, y k'ari' k'a xqojch'on chirij ri'.