Filemón 1:19 - Kaqchiquel Bible

¹⁹ Roma yin, Pablo, kan ninya' nutzij chawe chi kan xtintoj-wi ri ruk'as, stape' wetaman chi rat k'o jun nimalej ak'as wik'in.

Tuilleadh tionndaidhean

Kaqchikel Santo Domingo (Xenacoj)

¹⁹ Riyin Pablo, rikꞌin nuqꞌaꞌ nitzꞌibꞌaj e chawa chi kin nitaj wi ri rukꞌas. Pero nikꞌuxlaꞌaj apu chawa chi rat kꞌo akꞌas chuqaꞌ wikꞌin, porque xawil kꞌakꞌakꞌ akꞌaslen roma xintzijoj ri rutzij ri Dios chawa.

Kaqchikel Santa Maria de Jesus

¹⁹ Inreꞌ Pablo riqꞌuin nukꞌaꞌ nitzꞌibꞌaj-el chava, chi xtintzoliej ri rucꞌas, mesque vataꞌn chi atreꞌ cꞌo jun incheꞌl nem acꞌas viqꞌuin, ruma xintzijuoj ri ruchꞌabꞌal ri Dios chava.

Kaqchikel Central Guatemala

¹⁹ Roma yin Pablo can ninbij c'a el chave chi can xtintoj-vi ri ruc'as, stape' vetaman chi rat c'o jun nimalej ac'as viq'uin, roma xintzijoj ri ruch'abel ri Dios chave.

Re C'ac'a Testamento pa Kach'abal

¹⁹ Roma yen Pablo can nintz'ibaj-a chava che can xtintoj-va re ruc'as, astapa' ntaman che rat c'o jun namalaj ac'as viq'uin, roma xintzijoj re ruch'abal re Dios chava.

Kaqchikel Western Solola

¹⁹ Riyin ri Pablo can riq'ui c'a nuk'a' ntz'ibaj el chawe chi can xtintoj wi ri ruc'as, astape' wetaman chi riyit achi'el yit jun aj c'as wuq'ui, ruma chi can wuma riyin tek xawil ri utzilaj c'aslen riq'ui ri Jesucristo.

Filemón 1:19 Iomraidhean Croise

Wuj Richin ri Rutikeribel 43:9

Pa nuq'a' k'a yin xtik'oje-wi-el ri Benjamín; chuwe yin xtak'utuj-wi, wi k'o ri nuk'uluwachij. Y wi man xtonjacha' ta chik chawe k'a re wawe', kan ja yin k'a ri xkinejqalen chupan chijun ri nuk'aslen.

Romanos 16:22

Y yin Tercio, ri yitz'iban-el ri ruch'abel ri qach'alal Pablo, ninteq-el rutzil-iwech pa rubi' ri Dios.

1 Corintios 4:15

Rix xikuquba' ik'u'x rik'in ri Cristo Jesús roma ri ch'abel ri xintzijoj chiwe, y roma ri' yin xinok achi'el jun tata'aj chiwe rix. Y stape' ta e janila ri yetijon iwichin chirij ri Cristo, man xtik'oje' ta k'iy itata'.

2 Corintios 10:1

Rix nibij chi toq ink'o iwik'in yalan ninxibij-wi', jak'a toq nej ink'o-wi, xa man ninpoqonaj ta chik ninbij-el ch'abel chiwe. Man rik'in ri' yin chi utzil yich'on iwik'in, rik'in ch'utirinen y rik'in ch'uch'ujil, kan achi'el xuben ri Cristo.

2 Corintios 3:2

Roma xaxe rik'in nitz'etetej ri utzilej ik'aslen rix, jari' ri nibin chi utz chi yojk'ul koma konojel. Y ri k'aslen ri' pa taq qánima roj tz'ibatel-wi y man chuwech ta wuj, y kan nitz'etetej k'a koma konojel ri winaqi'.

2 Corintios 9:4

Y rik'in juba' xa ek'o ta qach'alal aj wawe' pa Macedonia ri yebe chuwij k'a chila' iwik'in, y rix xa k'a man jun ta to'onik imolon ri yojapon, xa xtiya' k'a ik'ix y xtiya' chuqa' qak'ix roj ri jebel oj ch'owineq chiwij.

Gálatas 5:2

Y tiwak'axaj na pe. Yin Pablo ninbij k'a chiwe chi wi rix xtiya' q'ij chi yixqupix richin niya'ox iwetal achi'el roj judío, y nich'ob chi rik'in keri' yixkolotej; wi ta keri', ri xuben ri Cristo iwoma kan man jun k'a rejqalen chiwech ri'.

Gálatas 6:11

Wach'alal, re ruk'isibel chire re wuj re' kan ja yin k'a ri yitz'iban-el. Y titz'eta' k'a chi kan nima'q ninben el chire ri tz'ibanik.

1 Timoteo 1:2

Ninben el re wuj re' chawe rat Timoteo, ri kan at achi'el nuk'ajol, roma kan akuquban ak'u'x rik'in ri Jesucristo. Xtik'oje' ta k'a pan awánima, ri utzil, ri joyowanik y ri uxlanen ri peteneq rik'in ri Qatata' Dios y rik'in ri Cristo Jesús ri qajaw.

Tito 1:4

Y ninben k'a el re wuj re' chawe rat, Tito, ri at achi'el nuk'ajol roma akuquban ak'u'x rik'in ri Jesucristo. Ri utzil, ri joyowanik y ri uxlanen ri peteneq rik'in ri qatata' Dios y qakolonel Jesucristo xtik'oje' ta k'a ri pan awánima.

Filemón 1:18

Y wi k'o jun banobel ri man utz ta rubanon kan chawe, o wi k'o ruk'as awik'in, tabij-pe chuwe, y yin xtintoj.