Ex 9:4 - Kaqchiquel Bible

⁴ Jak'a ri Jehová kan xtuben rukojolil rik'in ri kawej ri israelita, rik'in ri kawej ri aj-Egipto. Y roma ri' man jun chire ri kawej ri israelita ri xtiken ta, kacha' chire, xcha' ri Jehová.

Ex 9:4 Iomraidhean Croise

Ex 10:23

Man jun k'a xtz'eton ruwech ri rachpochel, y chi oxi' q'ij man jun xsilon-el ri akuchi ek'o-wi toq xq'equmer. Jak'a ri tinamit ri akuchi ek'o-wi ri winaqi' israelita kan k'o saqil kik'in.

Ex 12:13

Ri kik' jari' ri retal richin ri jay ri akuchi ixk'o-wi rix, y xtintz'et k'a yin ri kik' y choj k'a xkiq'ax-el pan iwi' y kan man xtok ta k'a iwik'in rix ri nima-ruk'ayewal richin kamik, toq yin xkenkamisaj ri nabey taq al alaboni' wawe' pan Egipto.

Ex 8:19

Roma ri' ri aj-itza' xkibij chire ri rey: Re' kan rusamaj-wi ri Dios, xecha'. Jak'a ri rey xa más xukowirisaj ri ránima, y man xerak'axaj ta chik ri Moisés y ri Aarón, kan achi'el ri rubin ri Jehová.

Ex 8:22

Toq xtibanatej k'a keri', ri pa ruwach'ulew Gosen ri akuchi ek'o-wi ri israelita, kan man jun k'a botzaj amolo' xtapon chiri'. Y keri' xtawetamaj k'a chi yin Jehová ink'o chikikojol rije'.

Ex 9:26

Y xaxe k'a chupan ri ruwach'ulew Gosen ri akuchi ek'o-wi ri winaqi' israelita, man jun saqboch xqaqa.

Ex 9:5

Y ri Jehová kan xujikiba' k'a: Chua'q xtibanatej re' chuwech re ruwach'ulew.

Ex 9:6

Y ri pa ruka'n q'ij, ri Jehová kan xuben-wi ri xubij: Xeken k'a ronojel ri kawej ri aj-Egipto, jak'a chike ri kawej ri winaqi' israelita man jun ri xken ta.

Am 4:7

Chuqa' ja yin xibanon chi man xuben ta chik job pan iwi'. Man xinya' ta pe job toq k'a oxi' na ik' nrajo' richin nik'ol ri itiko'n. Xinya' job chupan ch'aqa' tinamit, jak'a chupan chik ch'aqa' man xinya' ta. Chupan ch'aqa' ulew richin tiko'n xinya-pe job. Jak'a ch'aqa' ulew richin tiko'n xa xechaqi'j-qa. Man rik'in ri' man xtzolej ta pe ik'u'x wik'in. Yin Jehová ri yibin.

Wuj Richin ri Malaquías 3:18

Jari' k'a toq rix xtitz'et chi man junan ta ri xtinben chike ri e choj y ri itzel kik'aslen, y keri' chuqa' xtitz'et rukojolil ri xkesamajin wichin y ri man xkesamajin ta wichin.