Ex 8:8 - Kaqchiquel Bible

⁸ Y jari' toq ri rey xuteq koyoxik ri Moisés y ri Aarón y xubij chike: Tik'utuj chire ri Jehová chi kerelesaj-el re xkalet wawe' wik'in yin y kik'in konojel ri nuwinaq y yin xtinya' k'a q'ij chiwe richin xtibesuju' kamelabel chire ri Jehová, xcha' ri rey.

Ex 8:8 Iomraidhean Croise

1 Rey 13:6

K'ari' ri rey Jeroboam xubij chire ri q'alajirisey ruch'abel ri Dios: Nink'utuj utzil chawe chi kach'on rik'in ri Jehová woma yin, y tak'utuj utzil chire chi re nuq'a' xtisilon ta chik, xcha'. Y ri achin ri' kan xch'on rik'in ri Jehová pa ruwi' ri rey, y ri ruq'a' kan xsilon chik achi'el ri rubanon kan.

Wuj Richin Bix Chire ri Dios 66:3

Kan kere' k'a tibixaj chire ri Dios: ¡Janila k'a e meyel ri abanobal! Roma ri runimirinen ri awuchuq'a', nikiqasaj-ki' chawech ri e etzelanel awichin.

Ex 10:16

Jari' toq ri rey chi'anin xuteq koyoxik ri Moisés y ri Aarón y xubij chike: Wakami ximakun chuwech ri Jehová ri i-Dios y chuqa' chiwech rix.

Ex 10:17

Xa rik'in ta chik re jun bey re' nikuy ta numak, y tik'utuj chire ri Jehová ri i-Dios chi trelesaj pa nuwi' re jun nima-ruk'ayewal re', roma re' xa kan richin kamik, xcha'.

Ex 10:18

Ri Moisés xel k'a pe rik'in ri rey, y kan jari' xch'on rik'in ri Jehová.

Ex 14:5

Y toq xya'ox k'a rutzijol chire ri rey chi ri winaqi' israelita xe'animej-el. Jari' ri rey y ri e aj-raqen xkitzolij-ki' chikij richin xkiya-el q'ij chike richin xe'el-el, y kan xkibij-qa: ¡Achike roma xqaya-el q'ij chike richin xe'el-el, wakami xa xebe ri qasamajela' chiqawech!, xecha-qa.

Ex 32:11

Xeri' ri Moisés xch'on chik rik'in ri Jehová richin ta chi nuqasaj ruwi' ri royowal y xubij chire: Ajaw Jehová, ¿achike k'a roma kan xyakatej ri aq'aq'arinen chikij ri atinamit ri xawelesaj-pe rat pan Egipto rik'in ri nimalej awuchuq'a'?

Ex 5:2

Jak'a ri rey xubij: ¿Achike chi Dios ri Jehová richin chi ninwak'axaj ri nubij y ninya' q'ij chire ri tinamit Israel richin nibe? Yin man wetaman ta ruwech ri Jehová, ni man xtinya' ta q'ij richin ri tinamit nibe, xcha' chike.

Ex 8:15

Y toq ri rey xuna' chi k'o chik uxlanen, roma ri xkalet xa e maneq chik, jari' toq xukowirisaj más ri ránima y man xniman ta chike ri Moisés y ri Aarón, kan achi'el ri rubin ri Jehová.

Ex 8:29

Jak'a ri Moisés xubij: Kan xaxe k'a toq xkinel-el wawe' xtink'utuj chire ri Jehová chi chua'q xkerelesaj re botzaj amolo' re', pan awi' rat, pa kiwi' ri aj-raqen, pa kiwi' konojel ri awinaq. Xaxe man ta chik xqojaq'ol y man ta chik xqojaq'et richin nibeqaya' ruq'ij ri Jehová, richin nibeqasuju' kamelabel chire, xcha'.

Ex 8:32

Jak'a ri rey xa xukowirisaj chik jun bey ri ránima y man xuya' ta q'ij richin xebe ri israelita.

Ex 8:9

Jari' toq ri Moisés xubij chire ri rey: Xaxe tabij chuwe toq xtawajo' richin nink'utuj chire ri Jehová Dios richin kerelesaj-el re xkalet pan awachoch rat, pa kachoch ri aj-raqen y pa kachoch ri awinaq. Xke'el k'a el pa taq iwachoch y xkek'oje' kan xaxe chupan ri raqen-ya', xcha' ri Moisés.

Ex 9:27

K'ari' ri rey xuteq koyoxik ri Moisés y ri Aarón y xubij chike: Wakami ninna' chi ximakun, roma ri Jehová kan janila choj ri nuben, jak'a yin y ri nuwinaq xa oj itzel taq winaqi' chuwech.

Ex 9:28

Kixch'on k'a rik'in ri Jehová pa qawi' roj, roma xa man niqajo' ta chik koqolajay ni saqboch. Yin xa man ninwajo' ta chik yixk'oje-qa wawe', xcha' ri rey chike.

Ex 9:33

Y toq ri Moisés xel-el chupan ri tinamit toq k'a juba' tich'on kan rik'in ri rey, jari' toq xuyek ri ruq'a' chikaj y xch'on rik'in ri Jehová y jari' toq xtane-qa ri koqolajay, ri saqboch y xtane' chuqa' ri job ri najin pa ruwi' ri ruwach'ulew.

Wuj Richin ri Q'axanri'il 21:7

Roma ri' ri winaqi' xebe k'a rik'in ri Moisés y xkibij k'a chire: Roj kan xojmakun-wi k'a, roma itzel xojch'on chirij ri Jehová y chawij rat. Tabana' utzil kach'on rik'in ri Jehová y tak'utuj utzil chi kerelesaj-el re kumatzi' chiqakojol, xecha'. Y ri Moisés kan xch'on-wi k'a rik'in ri Dios pa kiwi' rije'.

Hechos 8:24

Jak'a ri Simón xubij k'a chike ri Pedro y ri Juan: Kixch'on rik'in ri Dios woma yin, y tik'utuj chire richin man k'a tink'uluwachij ri achi'el ri xibij-qa chuwij, xcha'.

1 Sam 12:19

K'ari' konojel ri winaqi' xkibij chire ri Samuel: Tabana' utzil kach'on rik'in ri Jehová ri qa-Dios pa qawi' roj ri oj rusamajel richin chi man yojken ta, roma pa ruwi' ronojel ri mak ri qabanon kan xqaben chik re jun mak re', xecha'.