Biblia Todo Logo
Bìoball air-loidhne

- Sanasan -




Ex 8:6 - Kaqchiquel Bible

6 Y ri Aarón xutzeqej k'a ri ruch'ame'y pa kiwi' ri ya' richin Egipto y kan chijun k'a kiruwach'ulew xnoj chi xkalet.

Faic an caibideil Dèan lethbhreac




Ex 8:6
17 Iomraidhean Croise  

Roma ri', kan man jun chik más nim chawech rat nimalej Jehová. Y man jun bey k'a qak'axan chi k'o ta chik jun Dios achi'el rat.


y xubij k'a: Jehová ri at qa-Dios roj, kan man jun chik k'a Dios achi'el rat, ni ri chila' chikaj, ni pa ruwi' re ruwach'ulew. Rat kan naben ri ajikiban y kan najoyowaj kiwech ri yesamajin awichin ri kitaqen ri abey rik'in ronojel kánima.


Ri Jehová xuben chuqa' chi xebek'iyer-pe xkalet. Re xkalet re' kan xe'okiyaj k'a pa taq kich'at ri q'atoy taq tzij.


Xuteq k'a pe pa taq tzobaj amolo' chikikojol rije' richin chi xekik'is, chuqa' xuben chi xek'iyer-pe xkalet richin chi xuyoj ri kiruwach'ulew.


Nimalej ajaw, ¡kan man jun chik k'a k'o achi'el rat chikikojol ri ch'aqa' chik dios! Ri asamaj rat kan man jun chik achoq ik'in ta xtijunamex-wi.


Kan ja toq k'a man jani kebek'ulun-pe ri nima'q taq juyu', toq k'a man jani taben ri ruwach'ulew y ronojel ri k'o chuwech, kan jampe' ri q'ij peteneq, tibe-q'ij tibe-seq, kan xaxe wi rat ri at Dios.


Y richin chi rix nitzijoj chuqa' chike ri iwalk'ual y chike ri iwiy-imam, ronojel re xinben yin re wawe' pan Egipto. Ri nima'q taq nubanobal richin retal, richin chi rix kan tiwetamaj chuqa' chi ja yin Jehová, xcha'.


¿Achike ta k'a jun chik dios ri k'o, achi'el rat Jehová? ¿Achike ta k'a jun chik, ri kan nimalej Dios y kan Loq'olej? Ri yatikir naben rat, kan meyel y xaxe rat ri yabanon richin.


Y jari' toq ri Jehová xubij chuqa' chire ri Moisés: Kere' tabij chire ri Aarón: Tachapa' ri ach'ame'y y tatzeqej pa kiwi' ri ya' ri ek'o pan Egipto. Y xke'ok k'a kik' ri raqen taq ya', ri taq ch'uti'n raqen taq ya', ri ya' ri e rimil pa taq ulew, ri ek'o pa yakbel taq ya'. Kan ronojel k'a ri ya' ri ek'o pan Egipto xtok kik' y chuqa' ri ya' ri ek'o pa taq yakbel-ya' ri e banon rik'in che' y ri e banon rik'in abej, xcha'.


Roma wi man keri' ta xtaben, wakami yin xtinteq-pe ronojel ruwech nima'q taq ruk'ayewal pan awi' rat, pa kiwi' ri aj-raqen y pa kiwi' konojel ri awinaq, richin chi tawetamaj chi kan man jun chik Dios k'o chuwech re chuwach'ulew, ri achi'el yin.


Y ri Moisés xubij: Kan xaxe k'a xkinel-el chuchi' re nima-tinamit re', xtinyek ri nuq'a' chikaj, y xtink'utuj k'a chire ri Jehová, y kan xtitane' k'a ri koqolajay y ri saqboch, richin keri' nawetamaj chi ja ri Jehová rajaw re ruwach'ulew.


Jak'a rix israelita ri ix tz'eteyon ronojel, rix nusamajela' ri xixincha' yin, richin chi rix niwetamaj nuwech yin, y richin nikuquba' ik'u'x wik'in, y niq'ax chiwech chi ja yin Jehová. Pa nabey chuwe yin man jun dios xk'oje', y chuwij yin man jun chik dios xtik'oje'.


Kan konojel k'a ri chikopi' ri e richin pa ya' ri maneq taq kixik' y maneq kisolotal, man ke'itej, xa kan ke'iwixowaj.


Ri e etzelanel iwichin jebel ketaman y kan nikitz'et chi ri kito'onel rije' kan man junan ta rik'in ri Jehová ri ito'onel rix.


Kan man jun chik Dios k'o achi'el ri qa-Dios. Rija' achi'el xa ta pa ruwi' ri sutz' niqaqa-pe chikaj richin yixruto-el chi'anin, y chuqa' achi'el xa ta pa sutz' nipe-wi rik'in ri nimalej ruq'ij-ruk'ojlen.


ronojel re' xuk'ut chiqawech richin niqetamaj chi ri Jehová kan jari' ri Dios y kan man jun chik achi'el rija'.


Y k'ari' yin xintz'et chi ri itzel keq rij chikop, ri nabey chikop ri xel-pe pa ya' y ri achin ri man qitzij ta q'alajirisey ruch'abel ri Dios,*f5* jujun achi'el xkalet ri xel-pe pa kichi'. Y re oxi' xkalet re', xa e oxi' itzel taq espíritu.


Lean sinn:

Sanasan


Sanasan