Ex 7:2 - Kaqchiquel Bible

² K'o chi xtabij chire ri Aarón ronojel ri xtinbij chawe yin y rija' xtubij chire ri rey ronojel ri xtabij rat chire, richin keri' tuya-el q'ij chike ri iwinaq richin chi ke'el-el chupan re ruwach'ulew re'.

Ex 7:2 Iomraidhean Croise

1 Rey 22:14

Jak'a ri Micaías xubij: Chuwech k'a ri k'aslik Jehová, ninbij chi achike xtubij ri Jehová chuwe, jari' ri xtinbij yin, xcha' chire ri oyonel richin.

Ex 4:15

Rat xkach'on k'a rik'in y xtabij chire ri xinbij chawe, y yin kan xkik'oje' awik'in rat y rik'in rija', y xtink'ut k'a chiwech ri k'o chi xtiben.

Ex 4:16

Rija' xtich'on k'a pan ak'exel rat chike ri winaqi', y xtubij ri xtabij rat chire, y rat xkatok nuk'exel yin chuwech rija'.

Ex 5:1

Y k'ari' ri Moisés y ri Aarón xe'apon chuwech ri rey y xkibij chire: Ri Jehová ri Dios richin ri Israel, kere' ri rubin-pe: Taya' q'ij chire ri nutinamit richin niberubana' jun nimaq'ij chuwe yin ri pa tz'iran ruwach'ulew, chayineq-pe, xecha' rije'.

Ex 6:29

xubij chire: Ja yin Jehová; tabij k'a chire ri rey richin ri Egipto ronojel ri ninbij yin chawe, xcha'.

Ex 7:6

Ri Moisés y ri Aarón kan xkiben k'a ronojel ri xubij ri Jehová chike.

Wuj Richin ri Jeremías 1:17

Wakami k'a tachojmirisaj-el awi' y kabiyin y tabebij chike ronojel ri xinbij chawe. Kan kow k'a kapa'e' y man taxibij-awi', roma wi man kow ta xkapa'e' y xtaxibij-awi', xtinben chawe chi xkatzaq chikiwech rije'.

Wuj Richin ri Jeremías 1:7

Y rija' xubij chuwe: Man tabij chi k'a janila at k'ajol. Rat kan xkabe k'a kik'in ri winaqi' akuchi xkatinteq-wi-el yin y kan xtabebij chike ri achike ri xtinbij-el chawe.

Ez 3:10

Kan taya' k'a ri axikin y tik'oje' pan awánima ronojel ri xinbij chawe.

Ez 3:17

Rat Ezequiel, yin xinben chawe richin xatok achi'el jun chajinel pa kiwi' ri awinaq israelita. Tawak'axaj k'a ri xtinbij yin y rat k'o chi xtabebij chike ri awinaq.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Hechos 20:27

Roma kan man jun ri xinwewaj, y man ta xinbij chiwe; xa kan ronojel ri ruch'obon ri Dios pa qawi' roj winaqi' xinbij chiwe.

Deut 4:2

Man tiya' ni man tiwelesaj ruwi' ri pixa' ri ninbij chiwe, kan titaqej k'a ri nubij ri Jehová ri qa-Dios re ninya' chiwe wakami.