Ex 7:16 - Kaqchiquel Bible

¹⁶ Kere' tabij chire ri rey: Ri Jehová ri qa-Dios roj israelita in rutaqon-pe richin nonbij chawe rat chi taya' q'ij chiqe richin nibeqasamajij ri qa-Dios ri chiri' pa tz'iran ruwach'ulew. Jak'a rat xa man awajowan ta awak'axan ri rutzij ri Dios.

Ex 7:16 Iomraidhean Croise

Ex 10:3

K'ari' ri Moisés y ri Aarón xebe rik'in ri rey y xkibij chire: Ri Jehová ri qa-Dios roj israelita nubij: ¿K'a janipe' k'a xtaqasaj-awi' chinuwech? Taya' q'ij chire ri nutinamit richin nel-el wawe' richin chi yiberusamajij.

Ex 13:15

Y toq ri rey aj-Egipto kan xukowirisaj ri ránima richin chi man xuya' ta q'ij chiqe richin chi xojel-pe, ri Jehová kan xuben chi xeken konojel ri e nabey taq k'ajola' y ri e nabey taq achija' kal ri kawej. Y roma ri' roj niqaben k'a re sipanik re', richin chi niqaya' chire ri Jehová ri nabey taq kal ri qawej. Chuqa' niqaya' jujun taq alaji' achija' karne'l chikiwech ri nabey taq al alaboni', richin yeqakol, keri' xtiqabij chike.

Ex 14:5

Y toq xya'ox k'a rutzijol chire ri rey chi ri winaqi' israelita xe'animej-el. Jari' ri rey y ri e aj-raqen xkitzolij-ki' chikij richin xkiya-el q'ij chike richin xe'el-el, y kan xkibij-qa: ¡Achike roma xqaya-el q'ij chike richin xe'el-el, wakami xa xebe ri qasamajela' chiqawech!, xecha-qa.

Ex 3:12

Y ri Dios xubij chire: Kabiyin, roma yin kan xkik'oje' awik'in, y ja retal re' ninya' chawe chi kan ja yin ri yitaqon awichin, chi toq xke'awelesaj-pe pan Egipto, jari' toq rix xkinisamajij pa ruwi' re juyu' re', xcha' ri Dios chire.

Ex 3:13

Jak'a ri Moisés xubij chire ri Dios: Wi ta yin yinapon kik'in ri nuwinaq, y ninbij chike: Ri Dios ri kichin kan ri qati't-qamama' in rutaqon-pe iwik'in rix, xkicha' chike, wi rije' xtikik'utuj chuwe: ¿Achike rubi'?, xkecha' chuwe. ¿Achike k'a xtinbij yin chike?, xcha' ri Moisés chire ri Dios.

Ex 3:18

Wakami ri e tata'al richin ri Israel kan xtikinimaj k'a el ri atzij y xkixbe k'a rik'in ri rey richin Egipto y rat xtabebij chire: Ri Jehová ri qa-Dios roj ri oj israelita xuk'ut-ri' chiqawech y xch'on qik'in y roma ri' taya' k'a q'ij chiqe richin yojbe pa tz'iran ruwach'ulew richin nibeqasuju' kamelabel chire ri Jehová ri qa-Dios roj. Oxi' k'a q'ij xqojbiyin-el richin yojapon-el k'a chiri', xkacha' chire.

Ex 4:22

Y xtabij k'a chire ri rey: Ri Jehová kere' ri rubin-pe: Ri tinamit Israel kan achi'el ri nabey nuk'ajol.

Ex 4:23

Xinbij yan chawe richin taya' q'ij chire ri nuk'ajol richin nel-el, richin chi niberuya' nuq'ij y wi rat man naya' ta el q'ij chire, rija' xtukamisaj ri nabey ak'ajol. Kere' rubin-pe ri Dios, xkacha' chire ri rey, xcha' ri Dios.

Ex 7:4

Ri rey kan man xkixrak'axaj ta k'a. Jak'a yin kan xtink'ut k'a ri nimalej wuchuq'a' pa ruwi' ri Egipto rik'in nima'q taq ruk'ayewal. Y pa taq tzobaj k'a xkixinnuk' richin xkixinwelesaj-el rix ri ix nutinamit.

Ex 8:1

Jari' toq ri Jehová xch'on chik jun bey rik'in ri Moisés y xubij chire: Katapon chik jun bey chuwech ri rey y tabij chire chi yin kere' ninbij: Taya' q'ij chire ri nutinamit richin nibe y yirusamajij.

Ex 8:20

Ri Jehová xch'on chik jun bey rik'in ri Moisés y xubij chire: Ri rey nibe pa raqen-ya' ri chua'q nimaq'a'. Roma ri' rat kan kayakatej k'a nimaq'a' yan, richin yach'on rik'in y tabij chire chi yin Jehová ninbij: Taya' q'ij chire ri nutinamit richin nel-el richin yirusamajij.

Ex 9:1

K'ari' ri Jehová Dios xubij chik chire ri Moisés: Katapon chik jun bey rik'in ri rey y tabij chire: Ri qa-Dios roj ri oj israelita nubij chi taya' q'ij chiqe richin yojbe, richin chi roj nibeqasamajij.

Ex 9:13

Ri Jehová xch'on chik k'a jun bey rik'in ri Moisés y xubij: Chua'q kayakatej nimaq'a' yan y kach'on k'a rik'in ri rey y tabij chire chi yin Jehová ri i-Dios rix israelita ninbij: Taya' q'ij chire ri nutinamit richin nel-el richin yirusamajij.

Wuj Richin ri Isaías 45:13

Yin, rik'in ruchojmilal, xtinyek chik jun bey ri Ciro, y kan xtinben chi ronojel rusamaj xtel utz chuwech. Rija' xtupaba' chik jun bey ri nutinamit Sión, y kan xkerisq'opej-pe ri nuwinaq ri ek'o pa ximonri'il. Jak'a kan man xtuben ta richin nuk'ul jun rajel, ni man xtinpu'aqij ta. Yin Jehová k'iytisanel richin ronojel ri yibin.

Wuj Richin ri Jeremías 50:33

Yin Jehová ri k'o ronojel uchuq'a' wik'in ninbij chi ri tinamit Israel y ri Judá ek'o pa tijoj-poqonal. Ri e etzelanel kichin kan e kiya'on pa ximonri'il y man yekisq'opej ta pe.