Ex 6:3 - Kaqchiquel Bible

³ Jak'a yin ri' ri xink'ut-wi' chuwech ri Abraham, ri Isaac y ri Jacob, y xink'ut-wi' chikiwech achi'el RI DIOS RI NITIKIR NUBEN RONOJEL; y man jun bey xketamaj ta nuwech rik'in ri nubi' Jehová.

Ex 6:3 Iomraidhean Croise

Wuj Richin ri Rutikeribel 13:18

K'ari' ri Abram xuq'axaj ri rachoch banon rik'in tzieq ri chiri' rik'in ri li'aj paten-che' ri k'o pa rulew ri jun achin rubini'an Mamré, ri k'o pa tinamit Hebrón; y chiri' xupaba-q'anej jun porobel richin xusuj kamelabel chuwech ri Jehová.

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

Wuj Richin ri Rutikeribel 22:14

Y ri Abraham xuya' k'a kan rubi' ri juyu' ri' y xubini'aj: Ja ri Jehová Niya'on ri Nik'atzin. Y xa roma ri' ri winaqi' nikibij: Pa ruwi' ri juyu' ri rubini'an Jehová Niya'on ri K'atzinel.

Wuj Richin ri Rutikeribel 28:3

Y ri Dios ri nitikir nuben ronojel, jari' ri xturtisan awichin y xtuben k'a chi xkewinaqir ri awijatzul y koma ri awijatzul kan janila chi tinamit xke'el awik'in.

Wuj Richin ri Rutikeribel 35:11

Ri Dios xubij chuqa' chire: Ja yin ri in Dios ri ronojel yitikir ninben; katalk'ualan k'a y xkewinaqir ri awijatzul, awik'in k'a rat xtel-wi jun tzobaj winaqi', richin ri ruwach'ulew, y kan e k'iy chik k'a ruwach'ulew xke'el awik'in; chuqa' xke'el rey rik'in ri awijatzul.

Wuj Richin ri Rutikeribel 48:3

Xtzijon k'a rik'in ri José y xubij: Ri Dios ri k'o ronojel uchuq'a' pa ruq'a' xuk'ut-ri' chinuwech ri chiri' pa tinamit rubini'an Luz, ri k'o chiri' pa ruwach'ulew Canaán y xirurtisaj,

Wuj Richin Bix Chire ri Dios 68:4

Roma ri' kan tibixaj k'a rubi' ri Dios, kan tiya' k'a bix chire; tinimirisaj k'a rubi' ri nibiyaj pa ruwi' ri sutz'. Jehová jari' ri rubi'. ¡Kan kixkikot k'a chuwech rija'!

Wuj Richin Bix Chire ri Dios 83:18

Tabana' ronojel re' richin niketamaj, chi ri abi' rat, Jehová, y chi kan xaxe rat yaq'aton-tzij pa ruwi' ri ruwach'ulew.

Ex 15:3

Rat Jehová at nimalej aj-labal; Ja rat ri Jehová abi'.

Ex 23:21

Rix, kan tichajij k'a iwi' rik'in ri ibanobal chuwech rija' y tiwak'axaj ri rutzij. Man kixyakatej chirij, roma rija' maneq kuyubel-mak chuwech, roma kan pan nubi' yin beneq-wi.

Ex 3:14

K'ari' ri Dios xubij chire ri Moisés: JA YIN RI' RI KAN JANTAPE' INK'O. Y xubij chuqa': Keri' xtabij chike ri awinaq: RI JANTAPE' INK'O, jari' ri in taqayon-pe iwik'in rix, xtabij, xcha' ri Dios chire ri Moisés.

Wuj Richin ri Isaías 42:8

Yin Jehová; jare' ri nubi'. Man xtinya' ta ri nuruwaq'ijaj chike ch'aqa' chik dios, ni chike ri kiwachibel rije'.

Wuj Richin ri Isaías 44:6

Yin Jehová, ri in rey richin Israel, ri nikolon richin. Ja yin Jehová k'iytisanel richin ronojel. Ja yin ri xik'oje-pe nabey, y ja yin ri xkik'oje' pa ruk'isibel. Man jun chik Dios k'o achi'el yin, y xaxe yin ri in i-Dios.

Wuj Richin ri Jeremías 16:21

Y ri Jehová xubij chuwe: Roma ri' re wakami, xtink'ut chikiwech ri nimalej wuchuq'a' richin tiketamaj chi ri nubi' yin, ja ri Jehová, xcha'.

Wuj Richin ri Jeremías 33:2

Yin ri xibanon re ruwach'ulew y ri xijikiban richin; ri nubi' ja ri Jehová. Y ninbij:

Ez 20:5

Y tabij chike chi toq yin xencha' ri ite-itata', xinjikiba-nutzij kik'in y xink'ut k'a wi' chikiwech rije' ri chiri' pan Egipto. Kan xinya' k'a nutzij y xinbij k'a chike chi ja yin Jehová ri in ki-Dios.

Ez 37:13

Y toq xkixinwelesaj-pe ri chiri', k'ari' xtiwetamaj chi ja yin Jehová ri ink'o pa ruwi' ronojel.

Ez 37:6

Kan xtinya' k'a paten-iboch' chiwe y xtinben k'a chi xtik'oje' chik ich'akul y ri itz'umal. K'ari' xtinya' chik jun bey ik'aslen richin xkixk'ase'. K'ari' k'a xtiwetamaj chi ja yin Jehová, xcha'.

San Juan 8:58

Jak'a ri Jesús xubij chike ri achi'a' ri': Kan qitzij k'a ninbij chiwe chi toq k'a man jani nalex ri Abraham, yin kan ink'o-wi-pe, xcha'.

Apocalipsis 1:4

Yin Juan nintz'ibaj k'a el re wuj re' chiwe rix ri ix wuqu' molaj qach'alal ri ixk'o ri chiri' pa ruwach'ulew Asia. Ri Dios ri kan k'o-pe pa rutikeribel, re wakami y xtik'oje' re xtibe-apo, xtuya' k'a ri utzil y ri uxlanen chiwe ri nikiya' ri wuqu' utzilej taq espíritu ri ek'o-apo chuwech ri rutz'uyubal ri Dios.

Wuj Richin ri Rut 1:20

Jak'a rija' xubij chike: Man tibij chik Noemí chuwe; más utz nibij Mará chuwe,*f1* roma ja bi'aj re' ri más ruk'amon chuwe yin, roma ri Dios ri k'o ronojel uchuq'a' pa ruq'a', xuya' jun k'ayilej k'aslen chuwe.