Ex 6:2 - Kaqchiquel Bible

² Ri Dios xch'on chik jun bey rik'in ri Moisés y xubij chire: JA YIN RI JEHOVÁ.

Ex 6:2 Iomraidhean Croise

Wuj Richin ri Rutikeribel 15:7

Y xubij chuqa' chire: Ja yin Jehová ri xatinwelesaj-pe chupan ri tinamit Ur ri k'o pa ruwach'ulew Caldea y xatink'en-pe chupan re ruwach'ulew re' richin ninya' chawe, y ja rat ri xkatichinan kan, xcha' chire.

Ex 12:12

Y chupan chuqa' ri aq'a' ri' xkiq'ax chupan chijun ri ruwach'ulew richin Egipto y kan xkenkamisaj k'a konojel ri e nabey taq al alaboni' chikikojol ri winaqi'. Y keri' chuqa' chikikojol ri kawej. Y xtinq'et k'a tzij pa kiwi' ri dios richin Egipto. Ja yin Jehová ri yibin.

Ex 14:18

Y rije' xtiketamaj chi ja yin Jehová, toq xtink'ut ri nimalej wuchuq'a' chuwech ri rey, chikiwech ri e beneq pa carruaje y chikiwech ri e beneq chirij kiej, xcha' rija'.

Ex 15:3

Rat Jehová at nimalej aj-labal; Ja rat ri Jehová abi'.

Ex 17:1

Ri tinamit israelita eqal-eqal k'a xebiyin ri chiri' pa tz'iran ruwach'ulew rubini'an Sin, roma kan ja ri Jehová ri nibin toq k'o chi nikichop-el bey y toq k'o chi yepa'e' richin ye'uxlan. Y jun q'ij xe'apon ri chiri' pa Refidim y xe'uxlan-qa chiri'. Jak'a ri chiri' kan maneq k'a ya' richin nikiqum.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Ex 3:14

K'ari' ri Dios xubij chire ri Moisés: JA YIN RI' RI KAN JANTAPE' INK'O. Y xubij chuqa': Keri' xtabij chike ri awinaq: RI JANTAPE' INK'O, jari' ri in taqayon-pe iwik'in rix, xtabij, xcha' ri Dios chire ri Moisés.

Ex 3:15

Chuqa' xubij chire ri Moisés: Kere' tabij chike ri awinaq: Jehová ri Dios kichin kan ri qati't-qamama', ri Abraham, ri Isaac, y ri Jacob, ja rija' ri in taqayon-pe iwik'in rix, xkacha' chike. Ja nubi' re' richin q'asen. Rik'in k'a re bi'aj re' xkinatex koma ri winaqi' chi wiq chi tanaj.

Ex 6:29

xubij chire: Ja yin Jehová; tabij k'a chire ri rey richin ri Egipto ronojel ri ninbij yin chawe, xcha'.

Ex 6:6

Wakami k'a kabiyin y tabebij chike ri awinaq: Ja yin Jehová, y ja yin xkinelesan-el iwichin chuxe' ri kowilej taq samaj y xkixtotej k'a el chuwech ri ilinri'il, y rik'in ri nimalej wuchuq'a', yin xtinq'et-tzij pa kiwi' rik'in nima'q taq ruk'ayewal.

Ex 6:8

Xkixink'uaj chupan ri ruwach'ulew ri nusujun-pe chike ri Abraham, ri Isaac y ri Jacob, Y YIN RI JEHOVÁ xtinya' k'a kan chiwe rix, richin xtiwichinaj, kacha' chike, xcha' ri Jehová.

Wuj Richin ri Isaías 42:8

Yin Jehová; jare' ri nubi'. Man xtinya' ta ri nuruwaq'ijaj chike ch'aqa' chik dios, ni chike ri kiwachibel rije'.

Wuj Richin ri Isaías 43:11

Ja yin Jehová; y man jun chik ri nikolon ta.

Wuj Richin ri Isaías 43:15

Ja yin Jehová, ri in Loq'olej, y ri in i-rey. ri xibanon iwichin rix israelita.

Wuj Richin ri Isaías 44:6

Yin Jehová, ri in rey richin Israel, ri nikolon richin. Ja yin Jehová k'iytisanel richin ronojel. Ja yin ri xik'oje-pe nabey, y ja yin ri xkik'oje' pa ruk'isibel. Man jun chik Dios k'o achi'el yin, y xaxe yin ri in i-Dios.

Wuj Richin ri Jeremías 9:24

Jak'a wi k'o ta jun ri nuna' ri' chi runimirisan-ri', kan tunimirisaj k'a ri' roma retaman chi ja yin Jehová y kan ronojel ninben rik'in ajowabel, ruchojmilal y joyowanik, roma kan jari' ri niqa' chinuwech. Yin Jehová ri yibin.

Ez 20:5

Y tabij chike chi toq yin xencha' ri ite-itata', xinjikiba-nutzij kik'in y xink'ut k'a wi' chikiwech rije' ri chiri' pan Egipto. Kan xinya' k'a nutzij y xinbij k'a chike chi ja yin Jehová ri in ki-Dios.

Wuj Richin ri Malaquías 3:6

Ri Dios nubij: Roma yin man jun bey yijalatej ta, roma ri' man ix k'isineq ta qa chuwech re ruwach'ulew. Kan pa kiq'ijul kan ri iwati't-imama' ich'aron kan iwi' chire ri nupixa', y man itaqen ta. Wakami k'a ninbij chiwe chi titzolej-pe ik'u'x wik'in, y yin xkitzolej chik iwik'in. Jak'a rix xa nibij: ¿Achike k'a rubanik chi yojtzolej awik'in?, yixcha'.