Ex 6:1 - Kaqchiquel Bible

¹ Jari' toq ri Jehová Dios xubij chire ri Moisés: Wakami xtabetz'eta' ri xtinbenbana' rik'in ri rey, rik'in ri wuchuq'a' yin. Rija' xtuya-el q'ij chiwe y xkixroqotaj-el chupan ri rutinamit, xcha' ri Jehová.

Ex 6:1 Iomraidhean Croise

2 Rey 7:19

Toq ri to'onel richin ri rey xubij k'a chire ri Eliseo chi stape' ri Jehová nujeq ta pe ri kaj richin yerutzuq, man xtibanatej ta ri nubij ri Eliseo, jari' toq ri Eliseo xubij, chi rija' kan xtutz'et rik'in ri runaq'-ruwech; jak'a kan man jun xtutej chire ronojel ri'.

2 Rey 7:2

Y ri to'onel richin ri rey xubij chire ri Eliseo: Stape' ri Jehová nujeq ta pe ri kaj richin yojrutzuq, man xtibanatej ta ri nabij, xcha'. Jak'a ri Eliseo xubij: Rat kan xtatz'et rik'in ri runaq' taq awech; jak'a kan man jun xtatej chire ronojel re', xcha'.

2 Crón 20:17

Man ja ta rix ri xkixbanon oyowal; rix xaxe kixpa'e' chiri' y tiwoyobej, y kan xtitz'et k'a chi ri Jehová xkixrukol. Rix winaqi' aj-Jerusalem y chuqa' rix ri ix richin ri ajawaren richin Judá, man tixibij k'a iwi' y man kixmayamo-qa; kixbiyin k'a chikij ri chua'q, y ri Jehová kan xtik'oje' iwik'in, keri' nubij ri Jehová, xcha' ri Jahaziel chike.

Wuj Richin Bix Chire ri Dios 12:5

Jak'a ri Jehová kere' nubij: Xkiyakatej k'a richin xkento' ri man jun ok k'o kik'in y yetz'ilox, chuqa' roma ri kijiloj ri k'o nik'atzin chike kan xkento' pa kiq'a' ri yetz'ilo kichin, ncha'.

Wuj Richin Bix Chire ri Dios 12:6

Ri ruch'abel ri Jehová kan qitzij y ch'ajch'oj, kan achi'el ri saqipueq toq niq'axex wuqu' mul pa q'aq' richin nich'ajch'ojir.

Wuj Richin Bix Chire ri Dios 136:12

Xuben ronojel re' rik'in nimalej uchuq'a': Roma ri rujoyowanik rija' kan richin jantape'.

Wuj Richin Bix Chire ri Dios 89:13

Ri aq'a' rat kan k'o-wi ruchuq'a'. Y rat kan at ch'akonel.

Ex 11:1

Ri Jehová kan rubin chik chire ri Moisés: K'a k'o na jun chik nima-ruk'ayewal ri ninya' pa ruwi' ri rey y pa kiwi' konojel ri ruwinaq. Chirij k'a re', k'ari' xtuya' q'ij chiwe richin yixel-el, y kan xkixroqotaj-el re wawe'.

Ex 12:31

Y ri rey xuteq koyoxik ri Moisés y ri Aarón chupan ri aq'a' ri' y xubij chike: Kixbiyin. Tich'ara-el-iwi' chiqe roj. Rix y konojel ri iwinaq kixbiyin y tibesamajij ri Jehová achi'el ri iwajowan-pe.

Ex 12:33

Y roma ri xk'uluwachitej, ri winaqi' aj-Egipto kan yeparel k'a chikij ri winaqi' israelita chi ke'el-el ri chiri', roma konojel rije' nikich'ob k'a chi xa xkeken chuqa'.

Ex 12:39

Y rik'in k'a ri k'ej ri kimuban-pe y man jani kiya'on ta pe ch'amilej-q'or rik'in, toq xe'el-pe ri pan Egipto, rik'in ri' xkiben kikaxlan-way, roma xa chi'anin xe'elesex-pe y man xetikir ta chik xkiben-pe ri k'atzinel richin nikitej.

Ex 13:14

Y toq ri chua'q-kabij xtikik'utuj chiqe ri qalk'ual chi achike roma kere' niqaben, roj xtiqabij k'a chike: Roj janila k'a k'iy juna' ri xojyuqe' pa samaj ri pan Egipto y k'a ja na ri Jehová ri xkolon-pe qichin, rik'in ri nimalej ruchuq'a' rija'.

Ex 13:16

Y re' kan man xtiqamestaj ta k'a, y kan xtuben chiqe chi kan achi'el jun etal chirij ri qaq'a' y ri nik'aj-qawech, roma ri Jehová rik'in ri nimalej ruchuq'a' xojrelesaj-pe pan Egipto, xcha'.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Ex 13:9

Y re' kan man xtiqamestaj ta k'a y kan xtuben chiqe chi kan achi'el jun etal chirij ri qaq'a' y ri nik'aj-qawech, richin keri' ri rupixa' ri Jehová kan jantape' xtoqaqa chiqak'u'x, roma ri Jehová rik'in ri nimalej ruchuq'a' xojrelesaj-pe pan Egipto.

Ex 14:13

Y ri Moisés xubij chike: Man tixibij-iwi'. Rix kow kixk'oje', y titz'eta' ri kolotajik ri xtuben ri Jehová qik'in re wakami, roma la aj-Egipto la yeqatz'et wakami kan man jun bey chik k'a xkeqatz'et.

Ex 15:6

Ri awijkiq'a' rat Jehová Dios, nim rik'in uchuq'a'; ri awijkiq'a' rat Jehová Dios, xeruwulaj ri e etzelanel awichin.

Ex 7:4

Ri rey kan man xkixrak'axaj ta k'a. Jak'a yin kan xtink'ut k'a ri nimalej wuchuq'a' pa ruwi' ri Egipto rik'in nima'q taq ruk'ayewal. Y pa taq tzobaj k'a xkixinnuk' richin xkixinwelesaj-el rix ri ix nutinamit.

Ex 7:5

Y ri aj-Egipto kan xtiketamaj k'a in achike yin Jehová, toq xtink'ut ri nimalej wuchuq'a' chikiwech y xkenwelesaj-el ri israelita chikikojol rije', xcha' ri Dios chike.

Wuj Richin ri Isaías 63:12

Ri Dios xuteq-pe ri nimalej ruchuq'a' richin xuyuqej chiruq'a' ri Moisés, ri xbanon chi xch'aratej ri palou ri', richin xnimirisex rubi' ri Jehová tibe-q'ij tibe-seq,

Wuj Richin ri Q'axanri'il 11:23

K'ari' ri Jehová xubij chire: ¿Nach'ob rat chi yin man yitikir ta yixintzuq rik'in ti'ij richin jun ik'? Wakami k'a xtabetz'eta' wi qitzij o xa man qitzij ta ri xinbij, xcha' ri Jehová.

Wuj Richin ri Q'axanri'il 23:23

Chirij ri Jacob man jun ri nitikir, man jun itzinik ri nik'atzin. Wakami xa ruk'amon chi nibix chikij: Titzu' k'a rix winaqi' ri rubanon ri Dios kik'in rije'.

Hechos 13:17

Ri qa-Dios roj judío kan xerucha' k'a ri qati't-qamama', y xuben k'a chike chi xe'ok jun nimalej tinamit toq kan k'a ek'o na chiri' pan Egipto, ruwach'ulew ri xa man kichin ta rije'. Ri Dios kan rik'in k'a ri ruchuq'a' xerelesaj-pe ri chiri'.

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

Deut 4:34

Kan man jun chik k'a dios ri nuben achi'el xuben ri qa-Dios roj, ri xojrucha' chikikojol ri ch'aqa' chik nimalej tzobaj winaqi' achi'el xuben qik'in roj richin xojrelesaj-pe pan Egipto, ri kan rik'in k'iy tejtobenik, rik'in nima'q taq retal, rik'in nima'q taq banobel, rik'in labal y rik'in nimalej uchuq'a'. Rik'in k'a ronojel banobel re' ri kan xe'itz'et rik'in ri runaq' taq iwech, xojrelesaj-wi-pe,