Ex 5:6 - Kaqchiquel Bible

⁶ Y chupan ri q'ij ri', ri rey xubij chike ri achi'a' ri e pa'el pa kiwi' ri aj-raqen ri ek'o pa kiwi' ri israelita ri e yuqul pa samaj:

Ex 5:6 Iomraidhean Croise

2 Crón 26:11

Ri Ozías ek'o k'a janila chi aj-labal rik'in. Y e ruch'aralon pa taq tzobaj richin yebe pan oyowal. Ri kajlabal kan achi'el ri rubanon kan ri Jehiel ri tz'ibanel, y ri Maaseías jun chike ri aj-raqen pa kiwi' ri aj-labal, ri ek'o chuxe' rutzij ri Hananías, jun chike ri aj-raqen kichin ri rusamajela' ri rey.

Ex 1:11

Kan ja ri q'ij ri', ri aj-Egipto xekikanoj achi'a' richin yek'oje' pa kiwi' ri israelita richin niya'ox k'ayew taq samaj chike y xban chike chi xkipaba-q'anej ri nima'q taq tinamit kibini'an Pitón y Ramsés, richin nuyek ri ru-trigo ri rey.

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Ex 5:10

K'ari' xebe k'a ri aj-raqen aj-Egipto kik'in ri e aj-raqen ri ek'o pa kiwi' ri kiwinaq israelita ri e yuqul pa samaj y rije' xkibij chike ri kiwinaq: Ri rey kere' nubij: Yin man ninya' ta chik ri páxa chiwe.

Ex 5:19

Jari' toq ri e aj-raqen chikikojol ri israelita, xkina' chi ek'o pa latz', toq xbix chike chi man niqasex ta ruwi' ri rajlabal ri xan ri q'aton pa kiwi' richin chi nikijech.

Ex 5:7

Wakami k'a man niya' ta chik ri páxa chike ri winaqi', richin nikiya' chupan ri ch'abeq achi'el ri banon-pe chike. Wakami xa kan ja rije' xkebekanon.

Wuj Richin Etamabel-Tzij 12:10

Ri wineq ri choj ruk'aslen kan yeruquqa' chuqa' ri rawej, richin man nikitej wayjal; jak'a ri winaqi' ri kan e itzel, kan yekiya' pa ruk'ayewal.

Wuj Richin ri Q'axanri'il 11:16

Y ri Jehová xuk'uluba' k'a pe ri ruch'abel ri Moisés y xubij k'a chire: Ke'amolo-pe e oxk'al lajuj achi'a' chike ri aj-raqen richin ri tinamit ri kan k'o kiq'ij y kan e samajela' richin ri tinamit. Ke'ak'ama-pe chuchi' ri wachoch richin molojri'il.

Deut 1:15

Y keri' k'a toq yin xencha' ri achi'a' ri', y ja rije' ri xenya' pan iwi': Pa kiwi' 1,000 winaqi', pa kiwi' wok'al, pa kiwi' kawineq lajuj y pa kiwi' lajujteq winaqi' y ja rije' ri yeyuqen iwichin.

Deut 16:18

Kan ke'ikanola' k'a to'onela' y samajela' richin ri tinamit, richin nikiq'et-tzij pa ruwi' chijun ri ruwach'ulew ri xtibeya'ox chiwe chi'ijujunal ri tzobaj, richin keri' yixbiyin rik'in ruchojmilal.

Wuj Richin ri Josúe 24:1

K'ari' ri Josué xerumol chik k'a jun bey ri achi'a' ri k'o kiq'ij, ri e tata'al richin ri tinamit, ri to'onela', ri samajela' ri k'o kiq'ij richin ri tinamit y konojel ri winaqi' israelita. Konojel rije' junan xe'apon chuwech ri Dios chiri' pa tinamit Siquem.

Wuj Richin ri Josúe 24:4

Y ri Isaac xinya' k'a ka'i' ruk'ajol; ri jun xubini'aj Jacob y ri jun chik xubini'aj Esaú. Ri Esaú xinya' chire ri juyu' rubini'an Seír richin xrichinaj, jak'a ri Jacob y ri e ralk'ual xebe pa ruwach'ulew Egipto.

Wuj Richin ri Josúe 8:33

Y chiri' chuwech ri porobel y ri káxa richin ri rujikibel-tzij ri Dios, ri e sacerdote rijatzul ri Leví ri e uk'uayon ri káxa kibanon ka'i' tzobaj, ri nik'aj ek'o ri juk'an y ri nik'aj chik ek'o re juk'an chire ri káxa. Konojel ri e rijatzul kan ri Israel, ri aj-raqen pa kiwi' ri winaqi', ri aj-raqen pa kiwi' ri aj-labal, ri to'onela', y chuqa' ek'o-apo ri man e kiwinaq ta: Konojel rije' e pa'el-apo chikiwech ri e ka'i' tzobaj. Nik'aj chike rije' ek'o chuwech ri juyu' Ebal y ri nik'aj chik ek'o chuwech ri juyu' Gerizim, y ri e ka'i' tzobaj kan e kitzuliben k'a ri e sacerdote, achi'el rubin kan ri Moisés ri rusamajel ri Dios toq xch'on chirij ri urtisanik pa ruwi' ri Israel.