Ex 5:3 - Kaqchiquel Bible

³ Y rije' xkibij: Ri Dios ri richin ri tinamit Israel xuk'ut-ri' chiqawech; roma ri' nik'atzin chi roj yojbiyin oxi' q'ij k'a pa tz'iran ruwach'ulew y chiri' nibeqasuju' kamelabel chuwech ri Jehová ri qa-Dios. Roma wi man xtiqaben ta re', rik'in juba' xqojrukamisaj rik'in jun nimalej yabil, o yojken chi espada, xecha' chire.

Ex 5:3 Iomraidhean Croise

2 Rey 17:25

Y pa taq nabey q'ij toq ri winaqi' ri' xek'oje-qa chiri', man xkisamajij ta ri Jehová. Y roma ri' rija' xeruteq k'a pe koj chikij richin xek'is.

2 Crón 30:8

Man tikowirisaj k'a ri iwánima; man tiben achi'el xkiben ri qati't-qamama'. Xa kan tiqasaj k'a iwi' chuwech ri Jehová y kixanpe wawe' chupan re jay richin ri Jehová, ri kan rucha'on rija' richin niya'ox ruq'ij richin jantape'. Kan tisamajij k'a ri Jehová ri qa-Dios, richin xtik'o-el ri royowal chiqij.

Wuj Richin ri Esdras 7:23

Ronojel ri nubij ri Dios ri rajaw ri kaj pa ruwi' ri rachoch, kan tiban chi'anin, richin chi man nipe ta ri ruk'ayewal pa ruwi' ri nuq'atbel-tzij y pa kiwi' ri walk'ual.

Ex 3:18

Wakami ri e tata'al richin ri Israel kan xtikinimaj k'a el ri atzij y xkixbe k'a rik'in ri rey richin Egipto y rat xtabebij chire: Ri Jehová ri qa-Dios roj ri oj israelita xuk'ut-ri' chiqawech y xch'on qik'in y roma ri' taya' k'a q'ij chiqe richin yojbe pa tz'iran ruwach'ulew richin nibeqasuju' kamelabel chire ri Jehová ri qa-Dios roj. Oxi' k'a q'ij xqojbiyin-el richin yojapon-el k'a chiri', xkacha' chire.

Ex 7:16

Kere' tabij chire ri rey: Ri Jehová ri qa-Dios roj israelita in rutaqon-pe richin nonbij chawe rat chi taya' q'ij chiqe richin nibeqasamajij ri qa-Dios ri chiri' pa tz'iran ruwach'ulew. Jak'a rat xa man awajowan ta awak'axan ri rutzij ri Dios.

Ex 8:1

Jari' toq ri Jehová xch'on chik jun bey rik'in ri Moisés y xubij chire: Katapon chik jun bey chuwech ri rey y tabij chire chi yin kere' ninbij: Taya' q'ij chire ri nutinamit richin nibe y yirusamajij.

Ex 8:20

Ri Jehová xch'on chik jun bey rik'in ri Moisés y xubij chire: Ri rey nibe pa raqen-ya' ri chua'q nimaq'a'. Roma ri' rat kan kayakatej k'a nimaq'a' yan, richin yach'on rik'in y tabij chire chi yin Jehová ninbij: Taya' q'ij chire ri nutinamit richin nel-el richin yirusamajij.

Ex 8:27

Roma ri' xa kan k'atzinel xqojbiyin na oxi' q'ij pa tz'iran ruwach'ulew. Y chiri' xtiqasuj kamelabel chire ri Jehová ri qa-Dios, kan achi'el ri rubin chiqe, xcha' ri Moisés.

Ez 6:11

K'ari' ri Jehová xubij chuwe: Tapaq'apa' k'a ri aq'a' y tatinita' ri awaqen roma bis y kasik'in k'a roma q'axo'n, roma ri janila itzel taq kibanobal ri xekibanala' ri awinaq israelita. Xa kan xkeken pan oyowal, wayjal y yabil.

Wuj Richin ri Chojmirisabelri'il 26:25

Y kan xtinya' k'a labal pan iwi', richin nitoj roma xiq'ej ruwi' ri jikibel-tzij ri qabanon. Y wi rix kan xtiwajo' xtito-iwi' pa jun tinamit ri sutin rij chi tz'aq, yin kan xkenteq-pe nimalej taq yabil chiwij ri nikitaluj-ki' y kan xkixtzaq pa kiq'a' ri etzelanel iwichin.

Deut 28:21

Kan xtuteq k'a pe jun nima-yabil ri xtuk'en-pe kamik pan iwi' y kan xkixruk'is-el chuwech ri ruwach'ulew ri akuchi xkixbek'oje-wi ri xtiwichinaj kan.