Ex 5:2 - Kaqchiquel Bible

² Jak'a ri rey xubij: ¿Achike chi Dios ri Jehová richin chi ninwak'axaj ri nubij y ninya' q'ij chire ri tinamit Israel richin nibe? Yin man wetaman ta ruwech ri Jehová, ni man xtinya' ta q'ij richin ri tinamit nibe, xcha' chike.

Ex 5:2 Iomraidhean Croise

2 Rey 18:35

¿Achike ta k'a chike konojel re dios kichin re ruwach'ulew re' tikirineq ta rukolon ri ruwach'ulew pa ruq'a' ri rey richin Asiria, richin chi ri Jehová nukol ri tinamit Jerusalem pa ruq'a'?, xcha'.

2 Crón 32:14

¿Achike kami chike ri dios kichin ri ruwach'ulew ri' ri xekich'ek ri wati't-numama', ri xtikir ta xerukol kan ri ruwach'ulew ri' pa nuq'a'? ¿Achike roma rix nich'ob chi ri i-Dios nitikir yixrukol kan?

2 Crón 32:15

Roma ri' man kixq'olotej pa ruq'a' ri Ezequías. Man tinimaj rutzij, roma man jun dios chuwech re ruwach'ulew ri xtikir xukol ri rutinamit pa kiq'a' ri wati't-numama'. ¡K'a ta la' chik k'a ri i-Dios rix xkixrukol kan pa nuq'a'! nubij ri Senaquerib, xecha'.

2 Crón 32:19

Kan janila k'a yech'on chirij ri Dios richin ri Jerusalem, achi'el xech'on chikij ri ch'aqa' chik dios kichin ch'aqa' chik tinamit richin ch'aqa' chik ruwach'ulew, ri dios ri xa e banon koma achi'a'.

Wuj Richin ri Achin Job 15:25

Jare' ri nuk'uluwachij jun ri kan rik'in k'olon-q'a' niyakatej chirij ri Dios, y kan janila nunimirisaj-ri' chuwech ri k'o ronojel uchuq'a' pa ruq'a'.

Wuj Richin ri Achin Job 15:26

Jare' ri nuk'uluwachij ri kan rik'in k'a nimirisanen niyakatej chirij ri Dios, y kan kow nuna' roma rewan-ri' chirij ri pimilej rutobal.

Wuj Richin ri Achin Job 21:15

Y chuqa' nikibij: ¿Achike ta k'a ri Dios, ri k'o ronojel uchuq'a' pa ruq'a', richin chi niqasamajij? ¿Kan k'o ta kami k'a ri niqach'ek, ri yojch'on-q'anej rik'in?, yecha'.

Wuj Richin Bix Chire ri Dios 10:4

Roma nim nuna-ri', kan man yarukanoj ta rat, kan man yarunataj ta k'a chupan ronojel ri nuch'ob.

Wuj Richin Bix Chire ri Dios 12:4

ri winaqi' ri nikibij: Rik'in ri qach'abel yojch'akon; ri qaq' kan yojruto', roma ri' kan man jun xtitikir qik'in, yecha'.

Wuj Richin Bix Chire ri Dios 12:5

Jak'a ri Jehová kere' nubij: Xkiyakatej k'a richin xkento' ri man jun ok k'o kik'in y yetz'ilox, chuqa' roma ri kijiloj ri k'o nik'atzin chike kan xkento' pa kiq'a' ri yetz'ilo kichin, ncha'.

Wuj Richin Bix Chire ri Dios 14:1

Ri winaqi' ri maneq kina'oj nikibij-qa pa kánima chi maneq Dios. Rije' xa xyojtej yan ri kik'aslen; ri kibanobal kan janila itzel. Kan man jun k'a ri nibanon ta ri utz.

Ex 3:19

Jak'a yin kan wetaman chi ri rey richin ri Egipto man xkixruya' ta el chi utzil, xa kan k'a k'o na jun ri chi uchuq'a' xtuben chire chi xkixrisq'opej-el.

Ex 7:17

Roma ri', rix xtiwetamaj k'a ruwech achike ri Jehová, roma rik'in re ch'ame'y re k'o pa nuq'a' xtinneq-qa re ya' richin re raqen-ya' Nilo y xtok k'a kik'.

Wuj Richin Etamabel-Tzij 30:9

Roma wi xa naya' nubeyomel, rik'in juba' yatinjech'ej kan y ninbenbij-pe chi man yak'atzin ta chuwe, o wi yinaya' pa meba'il, yibeneleq'-pe, roma k'iy ri nibek'atzin-pe chuwe; y ninya' ak'ix.

Wuj Richin ri Jeremías 42:13

Jak'a, wi rix man niwajo' ta yixk'oje' kan chupan re ruwach'ulew re' y xa man ninimaj ta rutzij ri Jehová ri qa-Dios,

Wuj Richin ri Jeremías 48:26

Rix kan xkixbiyin achi'el q'abarela' roma xixyakatej chuwij yin Jehová. Rix kan xtikich-iwi' chupan ri ixa'oj y konojel winaqi' xkeyojoben chiwij,

Dn 3:15

Y xubij chik k'a jun bey chike, chi toq xtikak'axaj ri ruch'abel ri q'ojom kan k'o chi yexuke' chuwech ri wachibel, roma wi man xkexuke' ta, kan ja yan ri' xkek'aq pa q'aq' richin yek'at. Y kan man jun k'a dios ri xkekolon pa ruq'a' ri rey.

San Juan 16:3

Kere' k'a ri xkekibanala' ri winaqi' chiwe rix, roma kan man ketaman ta ruwech ri nata' y man ketaman ta chuqa' nuwech yin.

Romanos 1:28

Rije' nikich'ob chi man jun nik'atzin-wi niketamaj ruwech ri Dios. Roma ri' rija' xerumalij kan richin nikich'ob ri itzel taq ch'obonik, y tikibanala' ri man ruk'amon ta.

2 Tesalonicenses 1:8

peteneq pa jun ruxaq-q'aq' richin nuya' rutojbalil chike ri man xketamaj ta ruwech ri Dios y man xkinimaj ta ri utzilej ruch'abel ri qajaw Jesucristo.

Wuj Kichin ri To'onela' 2:10

Chuqa' xeken k'a ri sol winaqi' ri xek'ase' toq k'a k'es na ri Josué. Y keri' ri jun chik sol winaqi' ri xek'oje' kan chikij rije' man ketaman ta k'a ruwech ri Jehová, ni ri nima'q taq banobel ri xuben rik'in ri tinamit Israel.

1 Sam 2:12

Jak'a ri Hofní y ri Finees, kan e itzel taq achi'a', y man nikiya' ta rejqalen ri Jehová y roma ri' man xeniman ta chire.

1 Sam 25:10

Y rija' xubij chike: ¿Achike ta k'a ri David? Y ¿achike ta k'a ri ruk'ajol ri Isaí? Wakami janila samajela' ri e yuqul pa samaj ri ye'animej-el chikiwech ri kajaw.