Ex 5:10 - Kaqchiquel Bible

¹⁰ K'ari' xebe k'a ri aj-raqen aj-Egipto kik'in ri e aj-raqen ri ek'o pa kiwi' ri kiwinaq israelita ri e yuqul pa samaj y rije' xkibij chike ri kiwinaq: Ri rey kere' nubij: Yin man ninya' ta chik ri páxa chiwe.

Ex 5:10 Iomraidhean Croise

Ex 1:11

Kan ja ri q'ij ri', ri aj-Egipto xekikanoj achi'a' richin yek'oje' pa kiwi' ri israelita richin niya'ox k'ayew taq samaj chike y xban chike chi xkipaba-q'anej ri nima'q taq tinamit kibini'an Pitón y Ramsés, richin nuyek ri ru-trigo ri rey.

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Ex 5:11

Wakami k'a ja rix ri xkixkanon y akuchi na xtiwil-wi, y man rik'in ri' man ninqasaj ta ri rajlabal ri xan ri k'o chi niben, nicha' ri rey, xecha' rije'.

Ex 5:6

Y chupan ri q'ij ri', ri rey xubij chike ri achi'a' ri e pa'el pa kiwi' ri aj-raqen ri ek'o pa kiwi' ri israelita ri e yuqul pa samaj:

Ex 5:9

Tinimirisaj k'a ri ilinri'il pa kiwi' richin nibe kik'u'x rik'in ri kisamaj y man tikak'axaj ri tz'ukun-tzij ri niban chikiwech, xcha' ri rey.

Wuj Richin Etamabel-Tzij 29:12

Ri tata'al ri kan jebel nunimaj-qa ri tz'ukun taq tzij ri yebix chire; xa yeruyoj ri rusamajela', y nuben chike chi xke'ok tz'ukuy taq tzij.

Wuj Richin ri Isaías 30:6

Pa ruwi' ronojel re' k'o chik jun rutzijol ri ninya' pa kiwi' ri chikopi' ri ek'o pa tz'iran ruwach'ulew ri k'o pa xokon. Ri itaqonela' nikik'uaj ri ibeyomel chikij ri taq bur y ri camello richin xebe pan Egipto. Nikiq'axaj ri jun ruwach'ulew re akuchi xaxe janila ruk'ayewal y k'ayew ri k'o. Nikiq'axaj jun ruwach'ulew akuchi ruyon koj, kumatzi' y nima'q taq kumatzi' ri yexik'an pa kaq'iq'. Jak'a ri aj-Egipto kan man jun to'onik ri xtikiya' chiwe.