Ex 4:21 - Kaqchiquel Bible

²¹ K'ari' ri Jehová xubij chire ri Moisés: Toq xatapon yan k'a ri chiri' pan Egipto, kan tabana' k'a chuwech ri rey ronojel ri meyel taq banobel ri xinbij-el chawe; jak'a yin kan xtinkowirisaj k'a ri ránima ri rey y rik'in ri keri' rija' kan man xkerisq'opej ta pe ri nutinamit.

Ex 4:21 Iomraidhean Croise

Wuj Richin ri Rutikeribel 6:3

Y ri Jehová xubij: Man richin ta jantape' xtik'oje' ri k'aslen rik'in ri wineq ri xinya' chire pa nabey, roma ja ri rurayibel ri ch'akulaj ri uk'uayon kichin. Xaxe chik 120 juna' xke'apon-wi chuwech re ruwach'ulew, xcha'.

1 Rey 22:22

Y ri espíritu ri' xubij: Yin xkibe y xkinok jun espíritu richin tz'ukuj-tzij, y xtinben chike ri achi'a' ri e q'alajirisanela' richin xtikitz'uk-tzij. Y ri Jehová xubij chire chi tibe y tiberubana' roma kan nitikir nuben chire ri Acab chi nibe y niken kan.

Wuj Richin Bix Chire ri Dios 105:25

Xuben k'a chike ri aj-Egipto richin itzel xekitz'et. Y xuben chi xpe itzel taq ch'obonik chikij.

Wuj Richin Bix Chire ri Dios 78:43

Xa xkimestaj ri meyel taq banobel ri xuben pa ruwach'ulew Egipto, man xoqaqa ta chikik'u'x ri meyel taq banobel ri xeruben ri chiri' pa Soan.

Ex 10:1

Ri Jehová xubij k'a chire ri Moisés: Kabiyin chik jun bey rik'in ri rey, roma yin in banayon chi rija' y ri aj-raqen kikowirisan ri kánima, richin chi tikitz'eta' na ri nima'q taq nubanobal ri richin jun retal chikiwech rije'.

Ex 10:20

Jak'a ri Jehová kan xuben chi ri rey xukowirisaj chik k'a ri ránima. y man xuya' ta q'ij richin xe'el-el ri winaqi' israelita.

Ex 10:27

Jak'a ri Jehová kan xukowirisaj chik jun bey ri ránima ri rey, y man xuya' ta q'ij richin xebe.

Ex 11:10

Y ri Moisés y ri Aarón kan xkiben-wi k'iy nima'q taq banobel ri chiri' chuwech ri rey. Jak'a ri Jehová kan xukowirisaj ránima ri rey, richin chi man xuya' ta q'ij richin xe'el-el ri israelita.

Ex 11:9

Ri Jehová kan rubin chik k'a chire ri Moisés, ri pa nabey: Ri rey ri richin Egipto kan man xtiniman ta chiwe y roma ri' kan xtiben k'a k'iy ruwech banobel richin retal ri chiri' pan Egipto.

Ex 14:17

Jak'a yin kan xtinkowirisaj más ri kánima ri aj-Egipto, richin chi kan xkixkitzeqelibej-apo. Y jari' toq yin kan xtink'ut k'a ri wuchuq'a' chuwech ri rey, chikiwech ri aj-labal, chikiwech ri e beneq pa carruaje y chikiwech ri e beneq chirij kiej.

Ex 14:4

Y yin kan xtinkowirisaj k'a ri ránima rija' richin chi kan xtiyakatej-pe chiwij, jak'a yin xtink'ut ri nuq'ij-nuk'ojlen chuwech y chikiwech konojel ri aj-labal. Xtiketamaj k'a konojel ri aj-Egipto chi ja yin ri' ri in Jehová, xcha' ri Jehová chire ri Moisés. Y rije' kan xetzolin juba' chikij.

Ex 14:8

Y ri Jehová kan xukowirisaj k'a ri ránima ri rey richin Egipto y xyakatej-el chikij richin chi yerutzolij ta pe ri israelita, jak'a rije' man jun xibinri'il chikiwech ri e beneq, roma ri Jehová kan beneq-wi kik'in.

Ex 3:19

Jak'a yin kan wetaman chi ri rey richin ri Egipto man xkixruya' ta el chi utzil, xa kan k'a k'o na jun ri chi uchuq'a' xtuben chire chi xkixrisq'opej-el.

Ex 3:20

Roma ri', yin kan xtinben chi xtiqaqa ruk'ayewal pa ruwi' ri Egipto, kan xtinben chi xkebanatej banobel ri man jun bey e tz'eton ta. K'a chirij ri' xtuya-el q'ij chiwe richin xkixbe.

Ex 7:13

Y toq ri rey xutz'et re', xukowirisaj más ri ránima. Y man xerak'axaj ta, achi'el ri rubin chik ri Jehová chire ri Moisés y chire ri Aarón.

Ex 7:3

Jak'a yin kan xtinkowirisaj k'a ri ránima ri rey, stape' kan xtinben k'a k'iy ruwech meyel taq banobel re wawe' pan Egipto.

Ex 8:11

Ri xkalet kan xkatkiya' k'a kan, xke'el-el chupan ri awachoch, pa kachoch ri aj-raqen, pa kachoch konojel ri awinaq y xkek'oje' kan xaxe chupan ri raqen-ya' Nilo, xcha'.

Ex 8:15

Y toq ri rey xuna' chi k'o chik uxlanen, roma ri xkalet xa e maneq chik, jari' toq xukowirisaj más ri ránima y man xniman ta chike ri Moisés y ri Aarón, kan achi'el ri rubin ri Jehová.

Ex 8:32

Jak'a ri rey xa xukowirisaj chik jun bey ri ránima y man xuya' ta q'ij richin xebe ri israelita.

Ex 9:12

Y ri Jehová xukowirisaj chik k'a jun bey ri ránima ri rey y roma ri' man xerak'axaj ta ri Moisés y ri Aarón kan achi'el ri bin chik chike.

Ex 9:35

Y keri', ri rey kan xukowirisaj chik k'a ri ránima y man xuya' ta q'ij chi ri e rijatzul kan ri Israel, xebe ta. Kan xbanatej k'a achi'el ri ruq'alajirisan ri Jehová chire ri Moisés.

Wuj Richin ri Isaías 6:10

Y rat Isaías, kan tabana' chike re awinaq re' richin kan xtikikowirisaj ri kánima. Kan tabana' chike richin xketokonir. Chuqa' kan xkemoyir richin man xtikitz'et ta chik. Roma, man ninwajo' ta chi rije' xtikitz'et ri nubanobal, y chuqa' xtikak'axaj ri nuch'abel, y xkinkitzeqelibej ta chik. Y man ninwajo' ta chi xkenk'achojirisaj, xcha'.

Wuj Richin ri Isaías 63:17

¿Achike roma Jehová naya' q'ij chiqe chi roj yojsach kan chupan ri abey, y kan niqakowirisaj ri qánima richin chi man niqaya' ta awejqalen? Pa ruk'exel re' tabana' utzil tajala' ri ach'obonik pa qawi', roma ja roj ri oj asamajela' ri janila yojawajo', y ri tzobaj ri akuchi e eleneq-pe ri awijatzul.

San Juan 12:40

Ri Dios kan rubanon k'a chike rije' chi man yetzu'un ta y kowirineq ri kánima roma man nrajo' ta chi rije' xtikitz'et ri rubanobal, y chuqa' xtikak'axaj ri ruch'abel, y xtikitzeqelibej ta chik. Y man nrajo' ta chi xkeruk'achojirisaj, xcha'.

Romanos 1:28

Rije' nikich'ob chi man jun nik'atzin-wi niketamaj ruwech ri Dios. Roma ri' rija' xerumalij kan richin nikich'ob ri itzel taq ch'obonik, y tikibanala' ri man ruk'amon ta.

Romanos 9:18

Y keri', niqatz'et k'a chi rik'in ri Dios k'o-wi chi nujoyowaj ruwech jun wineq o wi xa nukowirisaj ri ránima chupan ri itzel ruk'aslen.

2 Corintios 2:16

Chike k'a ri man xkekolotej ta, xa jun uxla' richin kamik. Jak'a chike ri yekolotej, kan jun jubulej uxla' richin k'aslen. ¿Y achike kami nibanon richin nibiyin rutzijol ri ruch'abel ri Dios?

Deut 2:36

Roj kan xeqach'ek k'a ronojel ri tinamit, nitiker-pe rik'in ri Aroer k'a pa Galaad, y ronojel ri tinamit ek'o-qa chuchi' ri raqen-ya' Arnón, kan man jun k'a ri xch'akon ta chiqij roj, roma ri Jehová ri qa-Dios xerujech pa qaq'a'.

Wuj Richin ri Josúe 11:20

Xbanatej k'a ronojel re' roma kan ja ri Jehová xkowirisan ri kánima ri winaqi', richin xkiben oyowal kik'in ri aj-Israel. Y ri Jehová xuben keri' richin chi xekamisex, y man jun xjoyowan ta kiwech. Keri' xek'is konojel tinamit, achi'el k'a xubij ri Jehová chire ri Moisés.

1 Pedro 2:8

Chike ri winaqi' ri man nikinimaj ta, rija' xa xtok jun achi'el abej ri nikipajk'ij kaqen chirij y xketzaq. Xtikik'uluwachij keri' roma man xkinimaj ta ri rubin ri Dios y rik'in ri' nitz'aqet ri ruch'obonik ri Dios.*f4*