Ex 4:18 - Kaqchiquel Bible

¹⁸ Xeri' ri Moisés xtzolin pa rachoch ri Jetro, ri rujinan, y xubij chire: Yin nik'atzin richin yitzolin pan Egipto, richin yenbentz'eta' ri nuwinaq. Ninwajo' ninwetamaj wi kan k'a e k'es na o xa e maneq chik, xcha'. Y ri Jetro xubij k'a chire: Kabiyin k'a rik'in uxlanen, xcha'.

Ex 4:18 Iomraidhean Croise

Wuj Richin ri Rutikeribel 45:3

Y ri José xubij k'a chike ri rach'alal: Ja yin ri in José. ¿K'a k'es ri nata'?, xcha'. Y rije' man jun xetikir xkibij chire roma janila kixibin-ki' chuwech.

2 Rey 5:10

K'ari' ri Eliseo xuteq-pe ri rusamajel rik'in ri Naamán y xubij-el chire: Kabiyin pa raqen-ya' Jordán y tabech'aja-awi' wuqu' mul chupan ri ya' ri'; y ri ach'akul kan xtich'ajch'ojir, xcha-el.

2 Rey 5:19

Y ri Eliseo xujech k'a el ri Naamán y xubij-el chire: Kabiyin rik'in uxlanibel-k'u'x, xcha-el. Keri' ri Naamán xkichop k'a el bey.

Ex 2:21

Y keri' toq ri Moisés kan xqa' chuwech richin xk'oje' kan chiri' pa rachoch ri achin ri'. Y toq ik'owineq chik juba' q'ij, ri Jetro xuya' k'a jun chike ri rumi'al chire richin nok rixjayil. Ri xten ri' rubini'an Séfora.

Ex 3:1

Toq ri Moisés yeruyuq'uj ri karne'l e richin ri Jetro, ri rujinan, ri sacerdote chuqa' richin Madián, k'o k'a jun q'ij xeruk'uaj-el ri karne'l k'a pa tz'iran ruwach'ulew y xapon k'a chunaqaj ri juyu' richin ri Dios ri rubini'an Horeb.*f2*

San Lucas 7:50

K'ari' ri Jesús xubij chire ri ixoq: Xakolotej, roma xakuquba' ak'u'x wik'in. Katzolin k'a rik'in uxlanibel-k'u'x, xcha'.

Hechos 15:36

Biyineq chik k'a juba' q'ij ri chiri' toq ri Pablo xubij chire ri Bernabé: Jo'; jo' chikitz'etik ri qach'alal ri ek'o pa ronojel tinamit ri qatzijolon-wi kan ri ruch'abel ri ajaw, xcha' chire.

Hechos 16:36

Ri chajinel kan xberubij-wi k'a chire ri Pablo: Ri q'atoy taq tzij xkiteq k'a pe rubixik chuwe chi kixinwelesaj-el. Wakami kixel k'a pe. Kixbiyin k'a y nik'oje' ta uxlanen pa taq iwánima, xcha'.

1 Timoteo 6:1

Konojel ri qach'alal ri e ximon pa samaj, k'o chi nikinimaj kitzij ri kajaw, richin keri' man tiyoq'otej rubi' ri Dios y ri ruch'abel.

Wuj Kichin ri To'onela' 18:6

Y ri sacerdote xubij chike: Kixbiyin k'a rik'in uxlanibel-k'u'x; ri Jehová kan xtibe iwik'in xabakuchi xkixbe-wi, xcha'.

1 Sam 1:17

Y ri Elí xubij chire: Kabiyin rik'in uxlanibel-k'u'x y ja ri qa-Dios xtiya'on chawe ri xak'utuj chire, xcha'.