Ex 4:13 - Kaqchiquel Bible

¹³ Ri Moisés xubij chik jun bey: ¡Ajaw! Tabana' utzil tataqa' jun chik, richin nuben ri samaj ri', xcha'.

Ex 4:13 Iomraidhean Croise

Wuj Richin ri Rutikeribel 24:7

Roma ri Jehová Dios, ri rajaw ri kaj, ri xinelesan-pe chupan ri rachoch ri nata', y ri xinelesan-pe chiri' chupan ri ruwach'ulew kichin ri wach'alal, rija' kan rujikiban rutzij chuwe chi chike ri wijatzul yin xtuya-wi re ruwach'ulew Canaán. Y rija' kan xtuteq-pe jun ángel richin chi xkaruto', richin chi k'a chila' xtak'en-pe ri xten ri xtok rixjayil ri nuk'ajol,

Wuj Richin ri Rutikeribel 41:35

Ri samajela' ri' kan tikimolo' k'a pe ruchi' ronojel ri trigo richin ri wuqu' juna', toq kan janila xtiwachin ri tiko'n y tikiyaka' kan pa taq tinamit ri akuchi xtabij-wi rat, y pan aq'a' k'a rat xtik'oje' kan ronojel, y tiyake' kan richin xketzuq ri winaqi' toq xtipe ri wayjal.

Wuj Richin ri Rutikeribel 48:16

y ri ru-ángel kan xirukol chuwech ronojel etzelal. Koma ta k'a re e ka'i' ak'ajol re', xtinatex ri nubi' yin, y xtinatex ta chuqa' ri rubi' ri ánima nata' Isaac y ri ánima numama' Abraham. Y kan ta xkewinaqir ri wijatzul, xcha' ri Jacob.

1 Rey 19:4

Y ri Elías xbe pa tz'iran ruwach'ulew ri k'o pa xokon, y jun q'ij k'a ri xbiyin. Y kan janila k'a kosineq, xbetz'uye' chuxe' jun ti che' achi'el q'echa' rubanik, y xpe ri ch'obonik rik'in chi más ta utz niken y roma ri' xubij: Jehová, yin man ninkoch' ta chik; más utz tawelesaj ri nuk'aslen, roma yin man más ta in utz chikiwech ri wati't-numama', xcha'.

Ex 23:20

Yin kan xtinteq k'a el jun ángel chiwech rix, richin chi yixruchajij chupan chijun ri ibey y ja rija' ri xtuk'uan ri ibey k'a toq xkixapon na chupan ri ruwach'ulew ri nunaban chiwe.

Ex 4:1

K'ari' ri Moisés xch'on y xubij chire ri Dios: Ri nuwinaq xa man xkinkinimaj ta y man xtikak'axaj ta ri nuch'abel. Rije' xa xtikibij: Ri Jehová maneq xuk'ut-ri' chawech rat, xkecha' chuwe, xcha' ri Moisés chire ri Dios.

Ex 4:12

Wakami k'a kabiyin y yin xkik'oje' awik'in, y yin xtinbij chawe ri k'o chi xtabij, xcha' ri Dios chire.

Ex 4:14

Jari' toq ri Jehová xpe royowal chire ri Moisés y xubij chire: Wakami k'a, ja ri animal Aarón, jari' xtawachibilaj roma rija' kan nitikir nich'on jebel. Tatz'eta' na pe, rija' xtipe richin yatoruk'ulu', y toq xkarutz'et, kan janila xtikikot ránima.

Wuj Richin ri Jeremías 1:6

Jak'a yin xinbij chire chi man yitikir ta yich'on, roma xa k'a janila in k'ajol.

Wuj Richin ri Jeremías 20:9

Jak'a wi man ninq'alajirisaj ta ri ach'abel o man yich'on ta pan abi' rat, jari' toq ri wánima k'o jun achi'el q'aq' ri nik'at chupan y man yitikir ta ninchup y napon k'a pa nubaqil, stape' ninwajo' nik'oje' chiri', xa kan k'o chi ninq'alajirisaj.

Wuj Richin ri Jonás 1:3

Jak'a rija' man keri' ta xuben, xa xuch'ob richin nibe pa Tarsis*f1* richin nanimej chuwech ri Jehová. Y roma ri' xbe-qa chuchi' ri palou ri k'o pa Jope, y chiri' xril-wi jun barco ri nibe yan pa Tarsis. Xutoj ri ru-pasaje y xok-el chupan ri barco y xbe chikikojol ri winaqi' ri e beneq chupan, richin nrewaj-el-ri' nej chuwech ri Jehová.

Wuj Richin ri Jonás 1:6

Jari' toq ri rajaw ri barco xqaqa-qa rik'in y xubij chire: ¿Achike roma toq yawer rat? Kayakatej y tak'utuj chire ri a-dios; rik'in juba' nujoyowaj qawech y man yojken ta, xcha'.

San Mateo 13:41

Toq xtapon k'a ri q'ij ri', yin ri xiqaqa-pe achi'el wineq chi'ikojol, xkenteq k'a ri nu-ángel chikimolik konojel ri yebanon etzelal y nikiben chike ch'aqa' chik chi yetzaq.

San Juan 6:29

Y ri Jesús xubij: Ri niqa' chuwech ri Dios chi niben rix, ja ri nikuquba' ik'u'x wik'in yin ri xitaq-pe roma rija', xcha'.

Wuj Kichin ri To'onela' 2:1

Ri ángel richin ri Jehová xel-el pa Guilgal y xapon-q'anej pa Boquim y xubij chike ri e rijatzul ri Israel: Yin xinelesan-pe iwichin pan Egipto y xixink'en-pe chupan re ruwach'ulew re' ri xinsuj chike ri ite-itata', toq xinbij: Man jun bey k'a xtintzolij-wi' chuwij chire ri jikibel-tzij ri xinben iwik'in,