Ex 32:8 - Kaqchiquel Bible

⁸ Rije' xa kan chi'anin k'a xkich'er kan ki' chire ri bey ri xink'ut chiwech, rije' xa xkiben jun ruwachibel nima-alaj achij wákix rik'in q'anapueq ya'erisan pa q'aq' y jari' ri nikiya' ruq'ij y nikisujula' kamelabel chuwech y nikibij chi jari' ri ki-dios ri xe'elesan-pe pan Egipto.

Ex 32:8 Iomraidhean Croise

1 Rey 12:28

Y toq ruk'utun chik k'a runa'oj, ri rey xa xeruben k'a kiwachibel ka'i' nima-alaj achij wákix, ri banon rik'in q'anapueq. Y rija' xubij k'a chike ri ruwinaq israelita: Man chik k'a xkixbe ta chik q'anej pa Jerusalem pa rachoch ri Dios richin nibeya' ruq'ij. Xa jare' ek'o wawe' ri dios ri xe'elesan-pe ri qati't-qamama' pa ruwach'ulew Egipto, xcha' chike.

Wuj Richin ri Nehemías 9:18

stape' toq xkiben jun ruwachibel alaj achij wákix ya'erisan pa q'aq' y xkibij chi ja ri' ri ki-dios ri xelesan-pe kichin pan Egipto. Chuqa' man xe'amalij ta kan toq rije' xkiben ch'aqa' chik itzel banobel ri kan xuben chawe richin xmulun ak'u'x.

Wuj Richin Bix Chire ri Dios 106:19

Ri qati't-qamama' xkiben k'a ruwachibel jun alaj achij wákix chiri' pan Horeb. Kan xkiya' k'a ruq'ij ri wachibel ri xa ya'erisan pa q'aq'.

Wuj Richin Bix Chire ri Dios 78:36

Jak'a xa man qitzij ta ri kich'abel ri nikibij chire, xa kan ruyon k'a q'oloj nikibij.

Ex 20:23

Roma ri' man utz ta chi rix xke'ibanala' ta pe chinuwech yin, ch'aqa' chik dios ri e banon rik'in saqipueq o ri e banon rik'in q'anapueq, richin chi niya' kiq'ij.

Ex 22:20

Wi k'o ta jun ri nisuju kamelabel chikiwech ch'aqa' chik dios pa ruk'exel chi nusuj chuwech ri Jehová, kan tikamisex k'a.

Ex 32:4

Y ri Aarón kan xuk'ul k'a kan chuwi-kiq'a', ri kik'uan-apo chire. Xpe rija' xutzek k'a ronojel ri ruwi' taq ixkinaj ri', richin xya'er y k'ari' xuq'ej pa jun k'ojelibel ri xuben rija'. Y k'ari' xuchop ri rusamajibal y xel ruwachibel jun nima-alaj achij wákix chuwech. Y k'ari' ri winaqi' xkibij: ¡Qawinaq! Ja k'a qa-dios re' ri xojelesan-pe pa ruwach'ulew Egipto, xecha'.

Ex 34:15

Kan man titun-iwi' kik'in ri winaqi' ri ek'o chupan ri ruwach'ulew ri akuchi xkixapon-wi. Roma ri q'ij toq rije' xtikiya' ruq'ij ri ki-dios y xtikisuj kamelabel chuwech, jari' toq xkixkoyoj. Y rix kan xkixbe k'a, roma man xkixtikir ta xtibij chike chi man yixbe ta. Y keri', rix xtibetija' ri xa xkisuj yan chuwech ri ki-dios.

Wuj Richin ri Isaías 46:6

Ek'o jujun winaqi' nikelesaj janila q'anapueq pa taq kik'ojelibal, y niketaj saqipueq chupan jun etabel. K'ari' nikikanoj jun samajiy q'eqapueq richin nuben jun dios chire richin yexuke' chuwech y nikiya' ruq'ij.

Wuj Richin ri Jeremías 31:32

Y ri k'ak'a' jikibel-tzij ri' man achi'el ta k'a ri jikibel-tzij ri xinben kik'in ri kati't-kimama', toq xenwelesaj-pe chupan ri ruwach'ulew Egipto. Stape' ja yin in kajaw rije', jak'a xa man xkitaqej ta ri nujikibel-tzij.

Wuj Richin ri Chojmirisabelri'il 17:7

Y man jun bey chik tisuj kamelabel chikiwech itzel taq espíritu ri iya'on kiq'ij ri xa koma rije' xixtzaq. Re' kan jun k'a pixa' chiwe rix tibe-q'ij tibe-seq.

Deut 32:17

Xixkamela'an chikiwech itzel taq espíritu ri xa man e dios ta. Xixkamela'an chikiwech dios ri xa choj e tz'ukun-q'anej, ri ni rix man jun bey e itz'eton ta; y ri ite-itata' kan man jun bey k'a kiya'on ta kiq'ij ri dios ri'.

Deut 9:12

Y ri Jehová xubij chuwe: Kabiyin y kaqaqa-el chi'anin, roma ri tinamit ri xe'awelesaj-pe pan Egipto kan chi'anin xkich'er kan ki' wik'in; xa kan man xkitaqej ta ri xinbij chike; xa xkiben jun wachibel ri banon rik'in q'anapueq ri ya'erisan pa q'aq'.

Deut 9:16

Yin xentz'et k'a pe ri qate-qatata', chi xa xemakun chuwech ri Jehová ri qa-Dios y xkiben ri ruwachibel jun nima-alaj achij wákix rik'in q'anapueq ya'erisan pa q'aq', y rik'in k'a ri' xkijech'ej kan ki' chire ri rubin ri Jehová chike.

Wuj Richin ri Josúe 22:15

Konojel ri e taqon-el xebe k'a pa ruwach'ulew Galaad, ri akuchi ek'o-wi ri e ka'i' tzobaj rik'in nik'aj. K'ari' xech'on kik'in y xkibij:

Wuj Kichin ri To'onela' 2:17

Jak'a rije' kan man xeniman ta chuqa' chike ri to'onela', xkimalij kan ri Jehová y xa xekitzeqelibej ri jujun chik dios, y xkiya' kiq'ij; keri' chuqa' chi'anin xkijech'ej kan ki' chire ri rupixa' ri Jehová, y man xkiben ta achi'el ri xkiben ri kite-kitata'.

Wuj Kichin ri To'onela' 8:24

Chuqa' xubij chike: Yin ninwajo' nink'utuj jun nimalej utzil chiwe; chi chi'ijujunal ta niya-pe chuwe ronojel ri ruwi-ixkinaj ri imajon kan chuwi-kiq'a' ri e etzelanel qichin, xcha'. Ri Gedeón xubij keri' roma ri aj-Madián kan nikikusaj k'iy ri ruwi-ixkinaj, ri e banon rik'in q'anapueq, achi'el ri nikikusaj ri winaqi' ismaelita.