Ex 32:5 - Kaqchiquel Bible

⁵ Jak'a toq ri Aarón xutzu' ri nikiben ri winaqi', rija' xuben k'a q'anej jun porobel ri chiri' chuwech-apo ri ruwachibel ri nima-alaj achij wákix y k'ari' rik'in ruchuq'a' xubij: Chua'q, kan jun nimaq'ij k'a richin ri Jehová.

Ex 32:5 Iomraidhean Croise

1 Rey 21:9

Y ri wuj ri xeruteq kere' nubij: Titaluj rutzijol chike konojel ri winaqi' chi k'o jun q'ij richin man yixwa' ta, y tibij chike chi chupan ri q'ij ri', niben jun molojri'il y niya' ri Nabot chikiwech ri winaqi'.

2 Rey 10:20

K'ari' ri Jehú xuch'er jun q'ij richin molojri'il richin niya'ox ruq'ij ri Baal.

2 Rey 16:11

Y ri sacerdote Urías xupaba-q'anej ri porobel ri', achi'el ri wachibel ri xuteq-el ri Acaz, rokik rija' nitzolin-pe pa Damasco.

2 Crón 30:5

Y jari' toq xkiteq k'a koyoxik chijun ruwach'ulew Israel, xtiker-el pa tinamit Beerseba, y xapon k'a pa tinamit Dan. Y xbix chike chi ke'apon pa Jerusalem richin nibenimaq'ijux ri q'ij toq ri Jehová xuya' ri Solbelri'il. Re nimaq'ij re' xa man banon ta k'a pe achi'el ri tz'ibatel kan.

Ex 10:9

Y ri Moisés xubij: K'o chi yojbe qonojel chi ak'uala', chi rijita'q, ri qami'al-qak'ajol y chuqa' ri qawej. Yojbe richin nibeqanimaq'ijuj y nibeqabixaj rubi' ri qa-Dios, xcha' ri Moisés.

Ex 12:14

Y re q'ij re' kan k'o chi xtinimaq'ijuj rix, chuqa' keri' xtikiben ri iwijatzul ri xkepe chi wiq chi tanaj. Kan keri' k'a ri k'o chi niben richin jantape'.

Ex 17:15

Y ri Moisés xupaba-q'anej jun porobel ri chiri' y xukanoj jun rubi'. Y ri rubi' ja ri Jehová ri Achi'el ri Tzieq Richin K'exewach, ri Uk'uayon Qichin.*f8*

Ex 32:4

Y ri Aarón kan xuk'ul k'a kan chuwi-kiq'a', ri kik'uan-apo chire. Xpe rija' xutzek k'a ronojel ri ruwi' taq ixkinaj ri', richin xya'er y k'ari' xuq'ej pa jun k'ojelibel ri xuben rija'. Y k'ari' xuchop ri rusamajibal y xel ruwachibel jun nima-alaj achij wákix chuwech. Y k'ari' ri winaqi' xkibij: ¡Qawinaq! Ja k'a qa-dios re' ri xojelesan-pe pa ruwach'ulew Egipto, xecha'.

Ex 32:6

Y keri' ri ruka'n q'ij, ri winaqi' kan nimaq'a' yan k'a xeyakatej y xekisuj kamelabel ri yeporox chijun y xekiyala' chuqa' sipanik richin nuq'alajirisaj chi junan kiwech rik'in ri Dios. Y k'ari' xetz'uye' richin xewa-xe'uk'ya' y xeri' xeyakatej-el richin xenimaq'ijun.

Os 8:11

Ri tinamit Israel kan janila k'a k'iy porobel xeruben-q'anej, kan janila k'iy porobel richin xkinimirisaj ri kimak.

Os 8:14

Ri aj-Israel xa xkimestaj k'a ri banayon kichin, kan xkipabala' k'a q'anej jay kichin q'atbel-tzij. Ri aj-Judá xekiyakala' k'a q'anej tinamit ri sutin-kij chi tz'aq. Jak'a yin kan xtinya' k'a ruq'aq'al ri kitinamit y kan xkeruk'is k'a q'aq' ronojel ri jay ri xekipabala-q'anej, ncha' ri Dios.

Wuj Richin ri Chojmirisabelri'il 23:2

kere' tubij chike ri ruwinaq: Ja ruchojmilal re' pa ruwi' ri nimaq'ij ri niben chuwe yin, toq rix nimol-iwi' richin niya' nuq'ij yin, y ri q'ij ri' kan nuch'aron yin.

Wuj Richin ri Chojmirisabelri'il 23:21

Chupan k'a ri q'ij ri', rix kan xtiben k'a jun nimaq'ij richin niya' nuq'ij y kan man xtiben ta k'a samaj achi'el nikiben ri samajela' ri e yuqul pa samaj, re' kan jun pixa' ri nuya'on chiwe richin q'asen, kan xtikiben ri iwijatzul xabakuchi ek'o-wi.

Wuj Richin ri Chojmirisabelri'il 23:37

Jare' k'a ri rucholajen ri nimaq'ij ri' toq niya' nuq'ij yin. Kan k'o chi ye'iben molojri'il richin yesuj ri sipanik ri yeporox: Ri kamelabel ri niporox, ri sipanik ri jalajoj ruwech ixin, ri ch'aqa' chik kamelabel y ri sipanik richin vino. Ronojel re' xtisuj pa ruq'ijul.

Wuj Richin ri Chojmirisabelri'il 23:4

Jare' ri rucholajen ri q'ij ri nuch'aron yin, richin yixnimaq'ijun richin niya' nuq'ij yin:

1 Corintios 5:8

Keri' roj tiqanimaq'ijuj k'a ri q'ij richin ri qasolbelri'il chire ri mak, y ri' ja ri rukamik ri Cristo. Qojok k'a achi'el ri kaxlan-wey ri maneq ch'amilej-q'or rik'in, nel chi tzij chi qojch'on qitzij y tz'aqet ta ri qak'aslen.

1 Sam 14:35

K'ari' ri Saúl xupaba-q'anej jun porobel richin kamelabel chuwech ri Jehová. Y ja nabey porobel re' ri xuben rija'.