Ex 32:4 - Kaqchiquel Bible

⁴ Y ri Aarón kan xuk'ul k'a kan chuwi-kiq'a', ri kik'uan-apo chire. Xpe rija' xutzek k'a ronojel ri ruwi' taq ixkinaj ri', richin xya'er y k'ari' xuq'ej pa jun k'ojelibel ri xuben rija'. Y k'ari' xuchop ri rusamajibal y xel ruwachibel jun nima-alaj achij wákix chuwech. Y k'ari' ri winaqi' xkibij: ¡Qawinaq! Ja k'a qa-dios re' ri xojelesan-pe pa ruwach'ulew Egipto, xecha'.

Ex 32:4 Iomraidhean Croise

1 Rey 12:28

Y toq ruk'utun chik k'a runa'oj, ri rey xa xeruben k'a kiwachibel ka'i' nima-alaj achij wákix, ri banon rik'in q'anapueq. Y rija' xubij k'a chike ri ruwinaq israelita: Man chik k'a xkixbe ta chik q'anej pa Jerusalem pa rachoch ri Dios richin nibeya' ruq'ij. Xa jare' ek'o wawe' ri dios ri xe'elesan-pe ri qati't-qamama' pa ruwach'ulew Egipto, xcha' chike.

1 Rey 12:32

Chuqa' xutikeriba-q'anej jun nimaq'ij ri kan k'o chi niban ronojel wolajuj q'ij richin ri ik' waqxaqi', achi'el toq ri aj-Judá yenimaq'ijun, y nikiya' ruq'ij ri Jehová. Kan ja rija' ri xsuju ri kamelabel, y re' xuben pa Betel chuwech ri nima-alaj achij wákix ri rubanon-q'anej. Chuqa' xeruya' sacerdote chiri' ri akuchi niya-wi kiq'ij ri ch'aqa' chik dios ri pa ruwi' taq juyu'.

2 Rey 10:20

K'ari' ri Jehú xuch'er jun q'ij richin molojri'il richin niya'ox ruq'ij ri Baal.

2 Rey 10:29

Man rik'in ri', ri Jehú man xuch'er ta kan ri' chire ri mak achi'el xuben ri Jeroboam ri ruk'ajol ri Nabat, toq xuben chike ri aj-Israel richin xemakun roma k'a xeruya' na kan ri ka'i' nima-alaj achij wákix ri banon rik'in q'anapueq ri ek'o chiri' pa tinamit Betel y pa Dan.

2 Crón 11:15

Y ri Jeroboam e rukanon ru-sacerdote richin yesamej pa ruwi' taq juyu' ri akuchi nikiya' ruq'ij ri ch'aqa' chik dios, richin nikiya' kiq'ij ri aj-tzay y ri ka'i' nima-alaji' achija' taq wákix ri xeruben rik'in q'anapueq.

2 Crón 13:8

Y rix wakami niwajo' nipaba-iwi' chuwech ri ruq'atbal-tzij ri Jehová, ri ruya'on kan chike ri e rijatzul kan ri rey David. Rix nich'ob keri' roma kan ix k'iy, y ek'o iwik'in ri nima-alaji' achija' taq wákix ri e banon rik'in q'anapueq ri xeruben ri Jeroboam richin niya' kiq'ij ri i-dios.

Wuj Richin ri Nehemías 9:18

stape' toq xkiben jun ruwachibel alaj achij wákix ya'erisan pa q'aq' y xkibij chi ja ri' ri ki-dios ri xelesan-pe kichin pan Egipto. Chuqa' man xe'amalij ta kan toq rije' xkiben ch'aqa' chik itzel banobel ri kan xuben chawe richin xmulun ak'u'x.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Ex 20:23

Roma ri' man utz ta chi rix xke'ibanala' ta pe chinuwech yin, ch'aqa' chik dios ri e banon rik'in saqipueq o ri e banon rik'in q'anapueq, richin chi niya' kiq'ij.

Ex 20:4

Man jun wachibel tiben richin niya' kiq'ij: Man tiben kiwachibel ri ek'o chuwech ri kaj, ni ri ek'o chuwach'ulew, ni ri ek'o chupan ri ya'.

Ex 28:11

Y ri niya'on ri bi'aj chuwech ri abej ri', k'o chi jun achin ri kan jari' ri rusamaj. Y chikijujunal ri ka'i' abej ri' xtibe q'anapueq ri chi kichi'.

Ex 28:9

Tabij k'a chi tiban ka'i' taq tz'alem abej ónike, richin chi chikiwech ri' xtiban-wi kibi' ri e ruk'ajol ri Israel.

Ex 32:1

Y jak'a toq ri winaqi' xkitz'et chi ri Moisés xa xyaloj yan y xa man qajineq ta pe pa ruwi' ri juyu', ri winaqi' jari' toq xkimol-apo-ki' chirij ri Aarón y xkibij chire: Wakami ja rat k'a ri kayakatej y tabana' jun qa-dios richin jari' ri niyuqen qichin, roma ri Moisés ri xojelesan-pe pan Egipto, man jun qetaman ri achike xuk'uluwachij, xecha'.

Ex 32:24

Roma ri' yin xinbij chike: Wi k'o q'anapueq iwik'in, tik'ama-pe; xicha' chike. Y rije' kan xkik'en k'a pe. Y yin xinya' pa q'aq' ri q'anapueq ri' y jari' toq xbek'ulun-pe re jun nima-alaj achij wákix re', xcha' ri Aarón.

Ex 32:3

Y ri winaqi' kan keri' wi xkiben, xekelesala-pe ri ruwi' taq ixkinaj chuwi' taq kixikin y xekik'en-pe chire ri Aarón.

Ex 32:35

Y ri Jehová kan xuya-wi-pe jun nima-yabil pa ruwi' ri tinamit, roma kan xkiya' ruq'ij ri ruwachibel ri nima-alaj achij wákix, ri xuben ri Aarón.

Ex 32:5

Jak'a toq ri Aarón xutzu' ri nikiben ri winaqi', rija' xuben k'a q'anej jun porobel ri chiri' chuwech-apo ri ruwachibel ri nima-alaj achij wákix y k'ari' rik'in ruchuq'a' xubij: Chua'q, kan jun nimaq'ij k'a richin ri Jehová.

Ex 32:7

Jari' toq ri Jehová xubij chire ri Moisés: Kabiyin-qa, roma ri atinamit ri xawelesaj-pe chila' pa ruwach'ulew Egipto, wakami xa xyojtej ri rubanik ri kibanobal.

Ex 32:8

Rije' xa kan chi'anin k'a xkich'er kan ki' chire ri bey ri xink'ut chiwech, rije' xa xkiben jun ruwachibel nima-alaj achij wákix rik'in q'anapueq ya'erisan pa q'aq' y jari' ri nikiya' ruq'ij y nikisujula' kamelabel chuwech y nikibij chi jari' ri ki-dios ri xe'elesan-pe pan Egipto.

Wuj Richin ri Isaías 30:22

Kan xke'iwetzelaj k'a konojel wachibel ri e banon rik'in saqipueq y q'anapueq. Ronojel re' kan xke'ik'eq kan achi'el jun tz'il laj tzieq ri man ch'ajch'oj ta.

Wuj Richin ri Isaías 46:6

Ek'o jujun winaqi' nikelesaj janila q'anapueq pa taq kik'ojelibal, y niketaj saqipueq chupan jun etabel. K'ari' nikikanoj jun samajiy q'eqapueq richin nuben jun dios chire richin yexuke' chuwech y nikiya' ruq'ij.

Ez 23:8

Man rik'in ri', kan man ruya'on ta kan ri itzel taq rubanobal kik'in ri aj-Egipto. Man xuya' ta kan ri itzel ruk'aslen y ri itzel banobel. Kan k'a pa ruq'opojil k'a toq janila e k'iy xek'oje' rik'in.

Os 10:5

Ri winaqi' aj-Samaria xa kan xtikixibij-ki', roma ri ruwachibel ri alaj achij wákix ri xk'oje' pa Bet-aven. Kan xkebison k'a roma xa xtuk'uex-el chikiwech. Ri winaqi' y ri sacerdote kan xke'oq' k'a, roma xa xtik'is-el ronojel ri ruwaq'ijaj ri xk'oje' kik'in.

Os 13:2

Wakami xa kan k'a yemakun na k'a, roma kan k'a nikiya'erisaj na saqipueq y yekibanala' wachibel chire richin nikiya' kiq'ij. Achi'el k'a xqa' chikiwech rije' keri' xkiben chire, k'ari' xkibij chike ri winaqi' chi kekamela'an chikiwech. Ri winaqi' kan yekitz'ubaj k'a ri wachibel richin bóyix ri xeban.

Hechos 17:29

Wi kan oj ralk'ual k'a ri Dios, man xqojtikir ta xtiqabij Dios chire jun wachibel ri xa winaqi' e banayon. Y ri' stape' ta rik'in q'anapueq o saqipueq o rik'in abej banon-wi, roma xa ruch'obonik jun wineq.

Hechos 7:41

Kan xkiben k'a ruwachibel jun ti wákix. Y janila k'a yekikot rik'in ri xa ja rije' ri xebano-qa. Kan xekikamisala' k'a chikopi' chuwech, richin nikiya' ruq'ij.

1 Corintios 10:7

Man k'a tiya' kiq'ij kiwachibel ch'aqa' chik dios, achi'el xkiben jujun chike ri qati't-qamama', achi'el tz'ibatel kan chupan ri ruch'abel ri Dios*f12* toq nubij chi ri winaqi' xetz'uye' richin xewa-xe'uk'ya', y konojel xeq'aber y xekibanala' itzel taq banobel.

Deut 9:16

Yin xentz'et k'a pe ri qate-qatata', chi xa xemakun chuwech ri Jehová ri qa-Dios y xkiben ri ruwachibel jun nima-alaj achij wákix rik'in q'anapueq ya'erisan pa q'aq', y rik'in k'a ri' xkijech'ej kan ki' chire ri rubin ri Jehová chike.

Wuj Kichin ri To'onela' 8:24

Chuqa' xubij chike: Yin ninwajo' nink'utuj jun nimalej utzil chiwe; chi chi'ijujunal ta niya-pe chuwe ronojel ri ruwi-ixkinaj ri imajon kan chuwi-kiq'a' ri e etzelanel qichin, xcha'. Ri Gedeón xubij keri' roma ri aj-Madián kan nikikusaj k'iy ri ruwi-ixkinaj, ri e banon rik'in q'anapueq, achi'el ri nikikusaj ri winaqi' ismaelita.

Wuj Kichin ri To'onela' 8:27

Rik'in ri q'anapueq ri xmolotej, ri Gedeón xuben jun tzieq achi'el ri nukusaj ri nimalej sacerdote; y re tzieq re' xuyek pa tinamit Ofrá; y chijun tinamit Israel xa xbe kánima rik'in ri tzieq ri'; y xa xok jun pikbel chire ri Gedeón y chike ri e aj pa rachoch.