Ex 3:7 - Kaqchiquel Bible

⁷ Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Ex 3:7 Iomraidhean Croise

Wuj Richin ri Rutikeribel 16:11

Chuqa' ri ángel xubij chire: Rat awoyoben jun ak'ual y ri ak'ual ri xtawalaj jun ti ala', Ismael*f12* ri rubi' ri xtaya', roma ri Jehová xrak'axaj ronojel ri aq'axo'n.

Wuj Richin ri Rutikeribel 18:21

Roma ri' jare' xkixule-qa chila', richin ninbentz'eta' wi kan keri' nikiben achi'el ri apowineq chinuwech. Y wi man keri' ta, xtinwetamaj k'a ri', xcha'.

Wuj Richin ri Rutikeribel 21:17

Y ri Dios kan xrak'axaj k'a chuqa' ri roq'ej ri ala' y jari' toq ri ángel richin ri Dios xch'on-pe rik'in ri Agar k'a chila' chikaj y xubij chire: ¿Achike xak'uluwachij Agar? Man taxibij-awi' roma ri Dios xrak'axaj ri ruch'owen la ala', la akuchi k'o-wi.

Wuj Richin ri Rutikeribel 29:32

Y ri Lea kan xyawej k'a kan chirij ak'ual y toq xk'oje' ri ak'ual xubini'aj Rubén. Y re bi'aj re' nel chi tzij titz'eta'. Y chuqa' xubij: Ri Jehová xutz'et chi yin janila xibison, y roma ri' xk'oje' re ti wal re', y wakami kan xkinajowex roma ri wachijil, xcha'.

Wuj Richin ri Rutikeribel 31:12

Y chuqa' xubij: Tatz'eta' jebel konojel ri achija' ri ye'etz'an kik'in ri ixoqi' taq tzuntzun kan ruyon k'a xilon q'eq kij, seq y q'eq kij. Roma yin kan nutz'eton ronojel ri rubanon chawe ri Labán.

Wuj Richin ri Rutikeribel 31:42

Y xa man ta k'o ri Dios richin ri Abraham wik'in, ri ru-Dios chuqa' ri nata' Isaac, ri kan jantape' xk'oje' rukiy chuwech, xa choj ta keri' xinateq-pe, y man jun ta xaya-pe chuwe. Jak'a ri Dios xutz'et chi janila xintej poqon awik'in y janila xisamej, roma ri' xch'on awik'in ri chaq'a' chi man kach'on wik'in chi oyowal, xcha' ri Jacob chire ri Labán.

2 Sam 22:28

Rat kan ye'akol ri nikiqasaj-ki' chawech. Chuqa' kan naqasaj kiq'ij ri kinimirisan-ki' chawech.

2 Rey 13:4

K'ari' ri Joacaz xuk'utuj utzil chire ri Jehová, y ri Jehová kan xrak'axaj, roma xutz'et ri poqonal ri nuk'owisaj ri tinamit Israel, roma ri rey richin Siria.

2 Rey 20:5

Katzolin, y kere' tabij chire ri Ezequías: Rat at rey pa ruwi' ri nutinamit. Y yin in a-Dios rat, y ri ru-Dios chuqa' ri David ri ánima amama'. Xinwak'axaj ri ach'owen, y xintz'et ri ruya'al runaq'-awech. Wakami k'a xkatink'achojirisaj richin keri' pa rox q'ij xkabe-el pa wachoch richin naya' nuq'ij.

Wuj Richin ri Nehemías 9:9

Y rat kan xatz'et k'a ri tijoj-poqonal ri xkiq'axaj ri qate-qatata' pan Egipto. Y xaben nima'q taq banobel richin retal y nima'q meyel taq banobel chikikojol ri rey richin ri Egipto y ri aj-raqen, y konojel ri winaqi'. Re' xaben roma kan awetaman ri kinimirisanen y ri ketzelal ri xkiben chike ri qate-qatata'. Y roma ronojel ri xaben, kan xetamatej chijun ruwach'ulew, y roma ri' niqanataj ri abi'. Chuqa' xawak'axaj ri raqoj-chi'ij ri xkiben chiri' chuchi' ri Kaqa-Palou.

Wuj Richin Bix Chire ri Dios 106:44

Man rik'in ri' rija' kan xrak'axaj k'a toq xesik'in-q'anej rik'in, y rija' kan xeruto' toq ek'o pa tijoj-poqonal.

Wuj Richin Bix Chire ri Dios 12:6

Ri ruch'abel ri Jehová kan qitzij y ch'ajch'oj, kan achi'el ri saqipueq toq niq'axex wuqu' mul pa q'aq' richin nich'ajch'ojir.

Wuj Richin Bix Chire ri Dios 142:3

Jehová, toq yin kan janila yibison, rat kan atk'o wik'in richin natz'et ri nubey. Rat xatz'et chi ri akuchi yibe-wi, ri e etzelanel wichin nikiyala' pikbel pa nubey.

Wuj Richin Bix Chire ri Dios 145:19

Kan naya' k'a ri rurayibel ri kánima ri k'o akiy chikiwech. Nawak'axaj k'a ri kijiloj, y kan ye'akol.

Wuj Richin Bix Chire ri Dios 22:24

Roma rija' kan man nupoqonaj ta k'a richin nuto' ri jun ri k'o pa q'axo'n. Kan man nrewaj ta k'a ri' chuwech ri k'o pa tijoj-poqonal. Y xa kan nrak'axaj k'a toq nuk'utuj to'onik.

Wuj Richin Bix Chire ri Dios 34:4

Yin xinkanoj k'a ri Jehová, y rija' kan xirak'axaj. Xirukol k'a chuwech ronojel ri nuxibinri'il.

Wuj Richin Bix Chire ri Dios 34:6

Yin ri kan in poqonatajineq xisik'in, y kan xinak'axex k'a roma ri Jehová. Y rija' kan xirelesaj k'a chupan ronojel ri tijoj-poqonal.

Wuj Richin Bix Chire ri Dios 35:22

Jehová, man kak'oje' kan chaq keri', roma rat kan xatz'et k'a re nikiben. Tabana' utzil man kinaya' kan, Jehová nu-Dios yin.

Wuj Richin Bix Chire ri Dios 9:14

keri' yin xkitikir xtinq'alajirisaj chuchi' ri Jerusalem, chi xaxe rat ruk'amon niya'ox aq'ij, chiri' k'a xkikikot-wi yin, roma kan in akolon.

Ex 1:11

Kan ja ri q'ij ri', ri aj-Egipto xekikanoj achi'a' richin yek'oje' pa kiwi' ri israelita richin niya'ox k'ayew taq samaj chike y xban chike chi xkipaba-q'anej ri nima'q taq tinamit kibini'an Pitón y Ramsés, richin nuyek ri ru-trigo ri rey.

Ex 1:8

Y chupan k'a ri q'ij ri' xok chik jun k'ak'a' rey, richin niq'aton-tzij pa ruwi' ri Egipto, y ri rey ri' man xretamaj ta ruwech ri José, y roma ri' xch'on kik'in ri ruwinaq y xubij chike:

Ex 22:23

Roma wi rix kan xke'iya' pa tijoj-poqonal y rije' xkech'on-pe wik'in richin chi kento', kan qitzij ninbij chiwe chi yin kan xkenkol,

Ex 33:13

Y wi kan qitzij k'a chi wilon utzil chawech rat, nink'utuj utzil chawe chi xtak'ut ta chinuwech ri niqa' chawech, richin chi rik'in ri' yin xtinwetamaj k'a awech jebel y jantape' ta xtinwil utzil chawech rat. Yin ninbij k'a chawe chi toqaqa chi'ak'u'x, chi re winaqi' re' kan atinamit rat, xcha' ri Moisés.

Ex 5:10

K'ari' xebe k'a ri aj-raqen aj-Egipto kik'in ri e aj-raqen ri ek'o pa kiwi' ri kiwinaq israelita ri e yuqul pa samaj y rije' xkibij chike ri kiwinaq: Ri rey kere' nubij: Yin man ninya' ta chik ri páxa chiwe.

Ex 5:6

Y chupan ri q'ij ri', ri rey xubij chike ri achi'a' ri e pa'el pa kiwi' ri aj-raqen ri ek'o pa kiwi' ri israelita ri e yuqul pa samaj:

Wuj Richin ri Isaías 63:9

Toq rije' xek'oje' pa jun nimalej bis, chuqa' rija' kan xbison kik'in. Y kan ja ri ru-ángel ri xto'on kichin. Roma ri rajowabal y ri rujoyowanik, roma ri' xerukol y kan xeruyek chik el jun bey, y kan keri' ri rubanon-pe.

Wuj Richin ri Q'axanri'il 20:16

y roma ri' toq roj xojch'on k'a rik'in ri Jehová y rija' kan xrak'axaj ri qach'abel. Xuteq k'a jun ángel richin xojrelesaj-pe pan Egipto y wakami ojk'o wawe' pa Cadés, tinamit ri k'o chunaqaj ri k'ulba't richin ri aruwach'ulew.

Hechos 7:34

Wakami yatinteq k'a el pan Egipto, chukolik ri nutinamit, roma nintz'et k'a chi janila tijoj-poqonal nikik'owisaj, y wak'axan chuqa' ri oq'ej ri nikiben, y jare' k'a xiqaqa-pe chikikolik, xcha' ri ajaw chire ri Moisés.

Hebreos 4:15

Ri qanimalej sacerdote kan retaman ri niqana' toq man jun quchuq'a', roma toq xk'oje' re wawe' chuwech re ruwach'ulew, rija' xtejtobex rik'in ronojel ruwech mak, achi'el yojtejtobex roj; xaxe rija' man xmakun ta.

1 Sam 9:16

Ke taq wa' chua'q yin xtinteq-pe awik'in jun achin richin ri tzobaj richin Benjamín y rat xtaqasaj aceite pa ruwi' richin xtok rey pa ruwi' ri nutinamit Israel. Y ja rija' xtikolon ri nutinamit pa kiq'a' ri aj-Filistea, roma nutz'eton ri tijoj-poqonal ri nikik'owisaj y ri kich'abel kan oqawineq k'a wik'in yin, xcha' ri Jehová.