Ex 3:4 - Kaqchiquel Bible

⁴ Toq ri Dios xutz'et chi ri Moisés tzalan-apo richin niberutz'eta', jari' toq xroyoj-pe pa runik'ajal ri q'ayis ri nijinon pa q'aq' y xubij: ¡Moisés, Moisés!, xcha-pe chire. Y ri Moisés xubij: Jare' ink'o wawe', xcha'.

Ex 3:4 Iomraidhean Croise

Wuj Richin ri Rutikeribel 22:1

Chirij k'a ronojel re' ri Dios xutejtobej ri Abraham y xroyoj k'a pe y xubij chire: Abraham, xcha'. Y rija' xubij: Jare' ink'o wawe', wajaw, xcha' rija'.

Wuj Richin ri Rutikeribel 22:11

jari' toq ri ángel richin ri Jehová xch'on-pe k'a chila' chikaj, y xubij-pe: ¡Abraham! ¡Abraham!, xcha'. Y rija' xubij: Jare' ink'o wawe', wajaw, xcha'.

Wuj Richin ri Rutikeribel 28:16

K'ari' xuna' ruwech ri Jacob y xubij: Kan qitzij na wi chi ri Jehová k'o ri akuchi ri xik'oje-wi kan y yin kan man wetaman ta k'a, xcha'.

Wuj Richin ri Rutikeribel 46:2

Y ri Dios xuq'alajirisaj-ri' chuwech chupan ri aq'a' ri' y xubij chire: Jacob, Jacob, xcha'. Y ri Jacob xubij chire: Jare' ink'o wawe', xcha'.

Wuj Richin Bix Chire ri Dios 62:11

Ri Dios xuq'alajirisaj chi rija' janila ruchuq'a'. Y yin kan wak'axan k'a, chi rik'in ri Dios nipe-wi ronojel uchuq'a'.

Ex 19:3

Y ri Moisés xjote' k'a el pa ruwi' ri juyu'. Y ri chiri' pa ruwi' ri juyu', ri Dios xch'on-pe rik'in y xubij-pe chire: Kere' k'a tabij chike konojel ri e rijatzul ri Jacob, taya' rutzijol chike ri winaqi' israelita y tabij:

Ex 3:2

Y ri chiri' ri ángel richin ri Jehová xuk'ut k'a ri' chuwech ri Moisés, chupan jun ruxaq q'aq' ri nel-pe chupan jun q'ayis k'o ruk'ixal. Toq ri Moisés xutz'et ri' xuch'ob rij chi achike roma toq ri jun k'ix ri' man nik'is ta qa pa ruq'a' ri q'aq'.

Ex 33:12

Ri Moisés xubij k'a chire ri Dios: Jehová, rat xabij chuwe richin ninwelesaj-el re tinamit wawe' y kan man abin ta k'a chuwe ri achike ri xtateq-el wik'in richin yiruto' y chuqa' nabij chi kan awetaman nuwech jebel y awetaman chuqa' ri nubi'. Y nabij chi yin kan wilon-wi utzil chawech.

Ex 4:5

Rik'in k'a re xtaben chikiwech, kan xtikinimaj chi yin Jehová Dios kan xink'ut-wi' chawech. Yin ri Dios ri kichin ri awati't-amama', ri Abraham, ri Isaac y ri Jacob, xcha' ri Dios chire.

Wuj Richin ri Chojmirisabelri'il 1:1

Ri Jehová xroyoj-pe ri Moisés k'a chiri' pa rachoch, y xuya' ri ruchojmilal chire richin chi achike rubanik ri jalajoj ruwech sipanik o kamelabel ri yesuj chire rija', y xubij chi

Hechos 10:13

Kan jari' k'a toq ri Pedro xrak'axaj chi k'o jun ri nich'on chire, y nubij k'a: Pedro, kayakatej. Ke'akamisaj chikopi', y tatija', xcha'.

Hechos 10:3

K'o k'a jun q'ij, toq xq'ax yan oxi' hora chire ri nik'aj-q'ij, rija' pa jun achik' jebel xutz'et chi k'o jun ángel richin ri Dios ri xok-apo rik'in, y xubij chire: ¡Cornelio!, xcha' ri ángel ri'.

Hechos 9:4

Ri Saulo kan jari' xtzaq pan ulew, y xrak'axaj chi k'o jun ri nich'on-pe chire, y xubij: Saulo, Saulo, ¿achike roma toq achapon ch'a'oj chuwij yin?, xcha'.

Deut 33:16

Ri ruwach'ulew kan ta k'a xtuya' chiwe ronojel ruwech beyomel. Xtiqaqa ta más rutzil ri Jehová pan iwi' rix chikiwech ri iwach'alal. Ronojel re' xtuben ri Jehová ri xch'on-pe chupan ri k'ix ri nik'a'on pa q'aq'.

1 Sam 3:10

Y ri Jehová xapon k'a y xoyon achi'el ri rubanon-pe. K'ari' ri Samuel xubij achi'el ri xbix chire roma ri Elí.

1 Sam 3:4

jari' toq ri Jehová xroyoj ri Samuel. Y ri Samuel xubij: Jare' ink'o wawe' táta, xcha'.

1 Sam 3:6

Y xoyox chik k'a jun bey ri Samuel roma ri Jehová. Y ri Samuel xyakatej chik el jun bey y xbe rik'in ri Elí, y xubij chire: Jare' ink'o táta, xcha'. Y ri Elí xubij chik jun bey chire chi maneq royon y tibekotz'e' chik.

1 Sam 3:8

Y roma ri', toq xoyox-pe pa rox mul, ri Samuel xbeyakatej chik pe jun bey y xbe rik'in ri Elí y xubij chire: Jare' ink'o táta, ¿achike roma yinawoyoj?, xcha'. Jari' toq ri Elí xq'ax chuwech chi ja ri Jehová noyon richin ri Samuel.