Ex 3:21 - Kaqchiquel Bible

²¹ Y yin kan xtinben k'a chike ri winaqi' aj-Egipto chi kan utz xkixkitz'et y roma ri' kan k'o k'a ri xtikiya-el chiwe richin man choj keri' yixbe.

Ex 3:21 Iomraidhean Croise

Wuj Richin ri Rutikeribel 15:14

Jak'a yin kan xtinya' k'a ri rutojbalil-mak pa kiwi' ri winaqi' ri aj-ruwach'ulew ri'. Chirij re' ri awijatzul xke'el-pe y xke'ok rajaw ri nima'q taq beyomel ri xtikik'uaj-el chiri'.

Wuj Richin ri Rutikeribel 39:21

Jak'a ri Jehová kan xuto-wi ri José y xujoyowaj k'a ruwech, y xuben chi utz xtz'et roma ri aj-raqen richin ri cárcel y chuqa' xuben chi utz nitz'et ri rubanobal.

1 Rey 8:50

Kan xtakuy k'a kimak ri atinamit, ri kan xeyakatej chawij rik'in ri itzel taq kibanobal ri xkiben chawech. Y chuqa' xtaben chike ri xe'uk'uan-el kichin richin xtikijoyowaj kiwech ri atinamit.

Wuj Richin ri Nehemías 1:11

Roma ri' nink'utuj k'a chawe Jehová Dios, kan xtaya' ta ri axikin chire ri nuch'owen y ri kik'utunik ri ch'aqa' chik asamajela', roma rije' nikajo' nikiya' ri aq'ij-ak'ojlen rat; tabana' chire ri rey ri k'o pa ruwi' ri ruwach'ulew Persia chi xtiq'ax ta chuwech ri ch'abel ri xtinbij chire y kan utz ta k'a xtel ronojel chinuwech, xicha' chire ri Dios.

Wuj Richin Bix Chire ri Dios 105:37

Chirij ri' ri Jehová xerelesaj k'a el chiri', y xyalox-el saqipueq y q'anapueq chike. Kan man jun k'a chikikojol rije', ri maneq ta ruchuq'a' richin xebe.

Wuj Richin Bix Chire ri Dios 106:46

Xuben k'a chike ri winaqi' ri e uk'uayon-el kichin pa ximonri'il, chi xkijoyowaj kiwech.

Ex 11:2

Wakami tabij k'a chike konojel ri awinaq chi chikijujunal tikik'utula-el chike ri winaqi', ri e kachk'uljay, ronojel ri e banon rik'in q'anapueq y saqipueq, xcha'.

Ex 11:3

Ri Jehová kan xuben k'a chike ri winaqi' aj-Egipto chi xsilon kánima chuya'ik ri xk'utux chike. Y chuqa' ri Moisés kan jun nimalej achin chikiwech ri e aj-raqen, ri aj-Egipto y chikiwech chuqa' konojel ri ch'aqa' chik winaqi'.

Ex 12:35

Y chuqa' xkiben achi'el ri ruchojmilal ri ruya'on ri Moisés chike, y xkik'utuj-el chike ri aj-Egipto ronojel ri e banon rik'in saqipueq y q'anapueq, y chuqa' jebejoj taq tzieq richin nikikusaj.

Ex 12:36

Y ri Jehová xuben k'a chike ri aj-Egipto chi kan xkiya-el ronojel ri xkik'utuj ri israelita. Keri' kan k'iy k'a ri kibeyomel ri aj-Egipto ri xkimej-el chuwi-kiq'a'.

Wuj Richin Etamabel-Tzij 16:7

Toq ri rubanobal ri wineq kan niqa' chuwech ri Jehová, kan e jajun chuqa' ri winaqi' ri ye'etzelan richin, nisiliso-qa ri koyowal chirij.

Hechos 7:10

y xukol chuwech ronojel tijoj-poqonal. Xuben k'a chire chi ri rey richin ri Egipto utz xutz'et y xutz'et chuqa' chi k'o etamabel rik'in. Roma ri' ri rey xuben chi ri José xok chuqa' q'atoy-tzij pa ruwi' ri Egipto, y pa ruq'a' chuqa' rija' xujech-wi ri rupan ri rachoch richin nuchajij.

Deut 15:13

Toq nibij chire richin nibe, man tiya' q'ij chire richin nibe choj keri' y man jun nuk'uaj-el.