Ex 3:11 - Kaqchiquel Bible

¹¹ Jari' toq ri Moisés xubij chire ri Dios: ¿In achike ta k'a yin, richin chi ja yin ri yinateq-el k'a rik'in ri rey, y yenwelesaj-pe pan Egipto ri nuwinaq ri junan wijatzul kik'in?, xcha'.

Ex 3:11 Iomraidhean Croise

2 Sam 7:18

K'ari' ri rey David xok-apo chupan ri jay ri banon rik'in tzieq, y xbek'oje' chuwech ri Jehová richin nich'on rik'in. Y xubij: Nimalej Jehová, ¿in achike ta k'a yin y ri wijatzul richin chi oj ato'on-pe k'a re wawe'?

1 Rey 3:7

Wakami k'a Jehová Dios wajaw yin, rat xinaya' pa ruk'exel kan ri nata' richin ninq'et-tzij, stape' k'a in ala' na y man jani k'o nuna'oj, y kan man jun wetamabal.

1 Rey 3:9

Tabana' utzil chuwe yin ri in asamajel chi tanojisaj ri wánima rik'in na'oj, richin keri' xkitikir xtinq'et-tzij pa ruwi' ri atinamit roma, ¿achike ta k'a nitikir niq'aton-tzij pa ruwi' ri atinamit, roma kan janila nim?, xcha'.

1 Crón 29:14

¿In achike ta k'a yin richin yitikir ninsuj chawe ronojel re sipanik re'? ¿Achike ta k'a ri nutinamit richin yetikir nikisuj chawe ronojel re sipanik re'? Roma ronojel re' kan awik'in rat nipe-wi, y roma ri' roj niqaya' chik apo chawe ri qak'ulun.

Ex 6:12

Jak'a ri Moisés xubij chire ri Jehová: Man yinkak'axaj ta na ri nuwinaq israelita, k'atala' chik k'a ri rey, roma yin xa man nel ta ok nuch'abel, xcha'.

Wuj Richin ri Jeremías 1:6

Jak'a yin xinbij chire chi man yitikir ta yich'on, roma xa k'a janila in k'ajol.

2 Corintios 2:16

Chike k'a ri man xkekolotej ta, xa jun uxla' richin kamik. Jak'a chike ri yekolotej, kan jun jubulej uxla' richin k'aslen. ¿Y achike kami nibanon richin nibiyin rutzijol ri ruch'abel ri Dios?

2 Corintios 3:5

Man niqabij ta chi roma roj k'iy yojtikir niqaben, man keri' ta. Jak'a roma ri Dios kan nuya' quchuq'a' chubanik.

Wuj Kichin ri To'onela' 6:15

Jak'a ri Gedeón xubij: Wajaw yin, ¿in achike ta k'a ok yin richin chi ja yin ri yikolon kichin ri nuwinaq? Roma yin xa yipe pa jun jay winaqi' ri maneq ok ruchuq'a', ri richin ri tzobaj richin kan ri Manasés, y chuqa' xa in ch'i'p chikikojol ri wach'alal, xcha'.

1 Sam 18:18

Jak'a ri David xubij chire ri Saúl: Wajaw yin ¿Achike ta k'a nuq'ij yin? ¿Y achike ta k'a kiq'ij ri e wach'alal y ri aj pa rachoch ri nata' wawe' pan Israel richin nawajo' yinok aji'?, xcha'.