Ex 27:9 - Kaqchiquel Bible

⁹ Chuqa' xtikiya' kan jun ruwa-jay ri nusutij-rij ri wachoch. Roma ri' ri pa xokon chire ri ruwa-jay ri' xkekitzeqeba' peraj tzieq richin nikitz'apej rij ri ruwa-jay. Ri peraj tzieq ri' k'o chi banon rik'in betz' lino ri jebel batz'in y ri raqen juwineq wuqu' jaj.

Ex 27:9 Iomraidhean Croise

1 Rey 6:36

Y xuben k'a ri tz'aq chirij ri ruwa-jay richin xutz'apej rij, y xuben-q'anej rik'in abej ri banon chik rutzil. Xuben chire chi pa ruwi' ri ox-ox cholaj abej, xeq'ebalox kan jujun cholaj tz'alem ri banon rik'in tiox-che'. Y keri' xban chire chijun ri tzaq.

1 Rey 8:64

Y chupan chuqa' ri q'ij ri' ri rey xuch'er richin rusamaj ri Jehová ri ruwa-jay ri k'o-apo chuwech ri rachoch ri Jehová, richin chiri' xerusuj ri chikopi' ri yeporox chijun, ri sipanik richin jalajoj ruwech ixin y ri kiq'anal chikopi' ri xesuj richin nuq'alajirisaj chi junan kiwech rik'in ri Jehová. Y ri' k'o chi xban chuwa-jay roma ri porobel ri banon rik'in q'enq'oj-pueq ko'ol ok y man nuben ta ronojel ri kamelabel ri'.

2 Crón 33:5

Y xeruben ch'aqa' chik porobel chupan chi ka'i' ruwa-jay richin ri rachoch ri Jehová.

2 Crón 4:9

Chuqa' ri Salomón xuben ri ruwa-jay akuchi yesamej-wi ri e sacerdote, y jun chik ruwa-jay ri más nim. Xeruya' ri kichi' ri ka'i' ruwa-jay, y xutz'apej-kij rik'in q'enq'oj-pueq.

Wuj Richin Bix Chire ri Dios 100:4

Qojq'ax-apo rik'in matioxinik pan okibel chire ri rachoch. Qojok-apo chupan ri ruwa-jay rik'in bix. Kan qojmatioxin chire y tiqaya' ruq'ij.

Wuj Richin Bix Chire ri Dios 116:19

chupan k'a ri ruwa-jay richin ri awachoch, y chupan k'a ri tinamit Jerusalem. Kan tinimirisex k'a ruq'ij ri Jehová.

Wuj Richin Bix Chire ri Dios 84:10

Kan más k'a rejqalen ri jun q'ij ri yik'oje' chupan ri awachoch, ke chuwech yik'oje' 1,000 q'ij juk'an chik. Más utz chi stape' xa chuchi-ok ri awachoch yipa'e-wi, ke chuwech yik'ase' pa rachoch jun wineq ri banoy etzelal.

Wuj Richin Bix Chire ri Dios 92:13

Rije' kan xkebe k'a pa jotol achi'el ri che' ri e tikil chuwa-rachoch ri Jehová, achi'el ri che' ri yesijan chuwa-jay chire ri rachoch.

Ex 27:10

Richin ri chiri' pa xokon xkekiben juwineq xata't y ri kich'okolibal y xkekiben rik'in ri q'enq'oj-pueq. Ri xata't ri' xtikik'uaj k'a tzeqebel tzieq y k'an banon rik'in saqipueq, ri yebe chikikojol ri xata't.

Ex 35:17

ri peraj tzieq ri nik'oje' chuwa-jay, ri xata't y ri ruch'okolibal, ri peraj tzieq ri nik'oje' pan okibel richin ri ruwa-jay,

Ex 36:17

Xekitz'is k'a kawineq lajuj taq k'an ri k'o pa kichi', chuchi' ri jun nimalej peraj tzieq y chuqa' xkitz'is chik kawineq lajuj taq k'an ri k'o pa kichi' chuchi' ri jun chik nimalej peraj tzieq.

Ex 39:40

ri peraj tzieq ri yeya'ox chuwa-jay, ri xata't y ri kich'okolibal, ri peraj tzieq ri nik'oje' chuchi' ri ruwa-jay, ri kolo', ri ch'ich' simej kitza'n, ronojel ri samajibel ri yek'atzin chupan ri rachoch ri Dios richin molojri'il,

Ex 40:33

Pa ruk'isibel xban-q'anej ri ruwa-jay ri nusutij-rij ri rachoch ri Dios y ri porobel, y xtzeqebex-q'anej ri peraj tzieq ri akuchi niban-wi oken chupan ri ruwa-jay. Y keri' ri Moisés xk'achoj chubanik ronojel.

Ex 40:8

Chirij k'a ronojel re' xtaya' ri peraj tzieq richin ri ruwa-jay y chuqa' ri peraj tzieq ri nitzeqe' ri akuchi niban-wi-apo oken chupan ri ruwa-jay.

Ez 40:14

K'ari' xretaj ri jay ri nel-pe chuwa-jay y ruk'uan k'a waqi' jaj.

Ez 40:17

Chirij ri' ri achin xiruk'uaj-el pa corredor y xojel-el chuwa-jay. Y ri chiri' losa ukusan chire ri rusutin-q'anej ruwech ri tz'aq y ri ruwech, wolajuj jaj y ri' k'o k'a pa xulan. Y yin xintz'et ri chiri' pa ruwi' ri losa ri' banon juwineq lajuj taq jay.

Ez 40:20

Chuqa' k'o jun ruchi-jay ri k'o pa xaman chire ri tz'aq, ri nibe pa nima-ruwa-jay. Y ri achin xretaj k'a ri raqen y ri ruwech ri jay ri'.

Ez 40:23

Y ri rukojol ri jay ri' rik'in ri okibel ri k'o pa xaman chire ri ko'ol ruwa-jay k'o juwineq lajuj jaj.

Ez 40:28

Chirij ri' xiruk'uaj-el pan okibel ri k'o pa xokon chire ri ko'ol ruwa-jay. Y ri retabal ri jay ri' junan kik'in ri ch'aqa' chik okibel,

Ez 40:32

Y xeri' ri achin xiruk'uaj pan okibel ri k'o pa relebel-q'ij chire ri ko'ol ruwa-jay. Chiri' xretaj ri jay, y ri retabal e junan kik'in ri ch'aqa' chik jay richin ri okibel.

Ez 40:44

Toq jun nel-el pa corredor richin nok-apo chuwa-jay ri chiri' pa xaman, k'o jun chik jay. Y ri ruchi' nitzu'un pa xokon. Y toq jun nel-el pa corredor richin nok-apo chuwa-jay ri chiri' pa xokon, k'o jun chik jay. Y ri ruchi' nitzu'un pa xaman.

Ez 42:3

Ri pa xokon richin ri jay ri' k'o ri ruwa-jay ri k'o chuwech ri rachoch ri Dios. Y re ruwa-jay re' waqi' jaj raqen. Y ri pa xaman richin ri jay ri' k'o ri jun chik nim ruwa-jay. Y re jay re' ruk'uan oxi' wiq.

Wuj Richin ri Q'axanri'il 3:26

ri peraj tzieq ri rusutin rij ri ruwa-jay, ri peraj tzieq ri k'o pan okibel chire ri ruwa-jay ri akuchi k'o-wi ri porobel richin kamelabel y chuqa' ronojel ri kolo' ri ye'ukusex chire ri jay ri'.

Wuj Richin ri Q'axanri'il 4:26

Chuqa' ja rije' ri ye'uk'uan ri nima'q taq peraj tzieq ri nisutin-rij chijun ri ruwa-wachoch ri akuchi k'o-wi ri porobel richin ri kamelabel, chuqa' ri peraj tzieq ri k'o pan okibel richin ri ruwa-wachoch, ri kolo' y ronojel ri samajibel ri nik'atzin chire.

Wuj Richin ri Q'axanri'il 4:32

Y chuqa' rije' nikik'uaj ri xata't ri ye'ukusex richin nusutij-rij ri wachoch, ri kitz'uyubal ri xata't, ri che' simej kitza'n, ri kolo' y ronojel ri samajibel ri e k'atzinel. Kan k'o chi xtibij chike chikijujunal ri achike chi ejqa'n nikik'uaj toq k'o chi yixbe juk'an chik.