Ex 26:1 - Kaqchiquel Bible

¹ Ri wachoch xtikiben k'a rik'in lajuj peraj kemon tzieq. Ri peraj tzieq ri' xkeban k'a rik'in ri betz' lino ri jebel rubatz'ixik, ri raxroj, ri q'eqq'oj-keq y keq yetzu'un. Y chuwech k'a ri' xtitz'is kiwachibel querubín y kan jebejoj ok rutz'isik xtiban chike.

Ex 26:1 Iomraidhean Croise

2 Sam 7:2

Ri David xch'on k'a rik'in ri q'alajirisey ruch'abel ri Dios ri rubini'an Natán, y xubij: Yin wakami ink'o chupan jun jay banon rik'in tiox-che', jak'a ri káxa richin ri rujikibel-tzij ri Dios xa chupan jun jay ri banon rik'in tzieq k'o-wi kan, xcha'.

1 Rey 6:29

Y chuwech ri tz'alem ri k'o chupan ri rachoch ri Jehová xerubanala' k'a kiwachibel querubín, palma y kotz'i'j.

1 Crón 17:1

Y toq ri David k'o chik chupan ri k'ak'a' rachoch, jari' toq xubij chire ri Natán ri q'alajirisey ruch'abel ri Dios: Wakami yin ink'o pa jun utzilej jay ri kan rik'in tiox-che' banon-wi. Jak'a ri káxa richin ri rujikibel-tzij ri Dios xa pa jun ok ti jay banon rik'in tzieq ri k'o-wi, xcha'.

1 Crón 21:29

Jak'a ri porobel richin yesuj chikopi' y ri rachoch ri Jehová ri xuben kan ri Moisés pa tz'iran ruwach'ulew; re' ye'ilitej-q'anej pa tinamit Gabaón.

Ex 25:18

Y pa ruwi' ri tz'apebel ri', ri pa taq rutza'n xkeban jujun kiwachibel querubín ri nikitzu-ki'. Rik'in k'a q'anapueq xkeban-wi y xtiban kutzil rik'in bajibel.

Ex 25:4

Utz chuqa' nikik'en-pe ri betz' raxroj, q'eqq'oj-keq y keq yetzu'un, chuqa' ri betz' lino jijoj ruwech y ri rusumal tzuntzun,

Ex 25:8

Y xeri' ri awinaq kan tikibana' k'a jun jay ri kan wichin yin, richin chi chiri' yinok'oje-wi-qa ri chi'ikojol.

Ex 26:2

Ronojel ri peraj tzieq k'o chi junan; xtikiya' k'a wuqu' jaj rik'in nik'aj raqen y jun jaj rik'in jun q'a'aj ri ruwech.

Ex 26:31

Tabana' k'a chuqa' chi tiban jun peraj tzieq, richin tasbel rupan ri wachoch. Tiban k'a rik'in betz' lino ri jebel rubatz'ixik, ri raxroj, ri q'eqq'oj-keq y keq nitzu'un. Y chuwech k'a ri' xtitz'is kiwachibel querubín y kan jebejoj ok rutz'isik xtiban chike.

Ex 26:36

Richin ri pan okibel chire ri wachoch xtikiben k'a chuqa' jun peraj tzieq y re' xtiban rik'in ri betz' lino ri jebel rubatz'ixik, ri raxroj, ri q'eqq'oj-keq y keq nitzu'un. Y xkekitz'is k'a retz'aba'l ruwech ri peraj tzieq ri'.

Ex 31:7

Y je achi'a' re' ri xkebanon ri wachoch richin molojri'il, ri káxa richin ri jikibel-tzij, ri tz'apebel ruwi' ri káxa y ri nik'atzin chupan ri wachoch yin.

Ex 35:11

Je rije' ri xkebanon ri rachoch ri Jehová, ri ruche'el y ri tzieq ri nibe pa ruwi' richin nukuch, ri chapbel-tzieq, ri ru-marko, ri rubaloj, ri xata't y ri kich'okolibal,

Ex 35:35

Chi e ka'i' k'a achi'a' re' kan e nojisan rik'in na'oj richin nikich'ob ronojel ruwech samaj ri kan e jebejoj ok y chuqa' ri tz'ison rik'in betz' raxroj, q'eqq'oj-keq y keq y ri samaj rik'in ri betz' lino y xabachike ruwech kem ri k'o retz'aba'l ruwech.

Ex 35:6

Utz chuqa' nuk'en-pe raxroj betz', q'eqq'oj-keq y keq y chuqa' ri lino jijoj ruwech y ri rusumal tzuntzun,

Ex 36:35

Chuqa' xkiben ri tzieq tasbel rupan ri jay ri' y xkiben rik'in betz' lino ri jebel batz'in, raxroj, q'eqq'oj-keq y keq xkiben chire. Y chuwech k'ari' xkitz'is kiwachibel querubín y kan jebejoj ok rutz'isik xkiben chike.

Ex 39:3

Ri q'anapueq kan xax-xax k'a xuben chire rik'in jun bajibel, k'ari' k'am-k'am ruqupixik xuben chire, achi'el betz'. Y re' junan xukusaj rik'in ri betz' raxroj, ri betz' q'eqq'oj-keq y betz' keq y rik'in lino ri jebel batz'in; y kan ja ri jun ri etamanel richin ri xbanon.

Ex 40:2

Chupan ri nabey q'ij chire ri nabey ik' chire ri juna', jari' toq xtapaba-q'anej ri wachoch richin molojri'il.

Wuj Richin ri Q'axanri'il 3:25

Ri kisamaj rije', ja ri ek'o pa ruwi' ronojel re samajibel re': Ri jalajoj ruwech tzieq richin ruwi' ri rachoch ri Dios, ri peraj tzieq ri k'o pan okibel chire ri jay ri',

Wuj Richin ri Q'axanri'il 4:25

Ja rije' k'a xke'uk'uan ri nima'q taq peraj tzieq ri richin ruxe' ri wachoch richin molojri'il, ri peraj tzieq ri nitz'apen ri ruwi', ri nima'q taq peraj tz'um ri nibe chuqa' pa ruwi' y ri peraj tzieq richin ri ruchi' ri wachoch.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

San Juan 2:21

Jak'a ri jay ri xubij ri Jesús chike ri winaqi' ri', ja ri ruch'akul-qa rija'.

Hebreos 8:2

Chuqa' nisamej chila' chikaj chupan ri qitzij rachoch ri Dios akuchi xaxe rija' ruk'amon chi nik'oje'; jay ri banon roma rija' y man winaqi' ta e banayon.

Hebreos 9:2

Y ri jay banon rik'in tzieq, kere' k'a rubanik: Chupan k'a ri nibix loq'olej chire k'o ri candelabro y k'o chuqa' ri mesa richin ri kaxlan-wey ri nisuj chire ri Dios.

Hebreos 9:9

Y ronojel re' nuk'exewachuj ri yebanatej re q'ij re'. Roma ri chikopi' y ri ch'aqa' chik ri yekisuj chire ri Dios ri chiri', man yetikir ta nikiben chike ri winaqi' chi choj ta ri kánima chuwech ri Dios.

Apocalipsis 19:8

Kan xya'ox k'a q'ij chire ri xten richin chi xuwiq yan ri' rik'in tzieq ri kan janila ch'ajch'oj y niyik'lun; tzieq lino ri janila jebel, yecha'. Y ri jebelej taq tzieq ri' nuk'exewachuj ri chojmilej kibanobal ri ralk'ual ri Dios.

Apocalipsis 21:3

Jari' k'a toq xinwak'axaj chi k'o jun ri kan rik'in uchuq'a' nich'on-pe akuchi k'o-wi ri tz'uyubel ri chila' chikaj y nubij: Wakami ri Dios kan chikikojol ri winaqi' k'o-wi, kan xtik'ase' chikikojol jantape' y rije' xke'ok rutinamit y rija' xtok ki-Dios.