Ex 24:4 - Kaqchiquel Bible

⁴ Ri Moisés kan xutz'ibaj k'a ronojel ri xubij-pe ri Jehová chire. Y ri ruka'n q'ij xyakatej nimaq'a' yan y xupaba-q'anej jun porobel richin kamelabel, chuxe-apo ri juyu' ri'. Chuqa' xerupaba-q'anej kablajuj abej, kik'exewach ri kablajuj tzobaj kichin ri rijatzul kan ri Israel.

Ex 24:4 Iomraidhean Croise

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Wuj Richin ri Rutikeribel 28:18

Nimaq'a' yan xyakatej y xuchop ri abej ri xuch'akatbej-qa, xupaba-q'anej y xuq'ej kan aceite chirij richin jun retal.

Wuj Richin ri Rutikeribel 28:22

Y re abej re' xtinya' kan richin retal, xtok k'a awachoch rat. Y ronojel ri xtaya' chuwe kan xtinch'er kan jun chire ri lajuj, xcha' ri Jacob.

Wuj Richin ri Rutikeribel 31:45

K'ari' ri Jacob xberuk'ama-pe jun yuquyik abej y xutik ri chiri' richin xok jun retal.

1 Rey 11:30

Y ri Ahías xrelesaj k'a chirij ri tzieq ri ruq'un, xuretz, y kablajuj wech' xuben chire ri tzieq ri'.

1 Rey 18:31

Xrukusaj k'a kablajuj abej achi'el ri kajlabal ri tzobaj ri e ruk'ajol kan ri Jacob, ri chuqa' rubini'an Israel roma ri Jehová xujel ri rubi'.

Wuj Richin ri Esdras 6:17

Y chupan ri nimaq'ij ri' toq xk'achoj ri rachoch ri Dios, xkisuj k'a wok'al nima-alaji' achija' taq wákix, 200 achija' taq karne'l y 400 alaji' achija' taq karne'l. Y richin kuyubel-mak, xkisuj kablajuj achija' taq tzuntzun richin chikijujunal ri tzobaj richin ri tinamit Israel.

Wuj Richin ri Nehemías 10:1

Ja ronojel bi'aj re' ri niq'alajin chuwech re jun wuj re', kan xqaya' kan retal rik'in ri qabi' chiqajujunal: Yin Nehemías in ruk'ajol ri Hacalías in aj-raqen pa ruwi' ri ruwach'ulew. Y chuqa' xkitz'ibaj kan kibi' ri Sedequías,

Ex 17:14

Y ri Jehová xubij chire ri Moisés: Tatz'ibaj ronojel re' chupan jun wuj richin natabel y tabij chire ri Josué chi yin kan xkenk'is jumul ri rijatzul kan ri Amalec richin man jun bey chik xkenatex, xcha' ri Jehová.

Ex 17:15

Y ri Moisés xupaba-q'anej jun porobel ri chiri' y xukanoj jun rubi'. Y ri rubi' ja ri Jehová ri Achi'el ri Tzieq Richin K'exewach, ri Uk'uayon Qichin.*f8*

Ex 21:1

Ri Jehová xubij chire ri Moisés: Ja pixa' re' ri xtachojmirisaj ri rukusaxik chikiwech ri awinaq:

Ex 24:7

Y k'ari' xuchop ri wuj ri richin ri rujikibel-tzij ri Jehová y xusik'ij chuwech ri tinamit y konojel xkibij: Kan xtiqaben ronojel ri rubin kan ri Jehová y kan xtiqanimaj ri rutzij, xecha'.

Ex 28:21

Y xtibe k'a kablajuj taq abej chuwech, jujun koma ri e kablajuj ruk'ajol kan ri Israel. Chikiwech chikijujunal ri taq abej xtiya' jujun bi'aj, ri kichin ri kablajuj tzobaj ri kibanon ri e rijatzul kan ri Israel. Ri kibi' ri xkebe chikiwech ri taq abej achi'el k'a rubanik ri sello.

Ex 34:27

Xeri' ri Jehová xubij chire ri Moisés: Ke'atz'ibaj k'a re ch'abel re', roma rik'in re ch'abel re' nubanon ri nujikibel-tzij awik'in rat y kik'in ri awinaq, xcha' ri Dios.

Wuj Richin ri Isaías 19:19

Chupan ri q'ij ri' xtik'oje' porobel richin ri Jehová pa runik'ajal ri Egipto. Chuqa' pa ruk'ulba't ri ruwach'ulew xtiban-el jun tz'aq richin niya'ox ruq'ij ri Jehová.

Wuj Richin ri Chojmirisabelri'il 24:5

Rik'in k'ej chayun niben kablajuj nima'q kaxlan-wey y nichaq'arisaj k'a, y chikijujunal ri kaxlan-wey niya' más juba' kaji' libra k'ej rik'in.

Wuj Richin ri Q'axanri'il 17:2

Kach'on kik'in ri awinaq y tabij chike chi ri e kablajuj aj-raqen pa kiwi' ri kablajuj tzobaj winaqi' nikik'en-pe jujun kich'ame'y. K'ari' tatz'ibaj kan ri kibi' ri aj-raqen ri' chirij ri kich'ame'y.

San Lucas 22:30

richin keri' xkixwa' y xkixuk'ya' junan wik'in pa mesa, ri pa wajawaren. Y chiri' rix xkixok k'a q'atoy-tzij pa kiwi' ri kablajuj tzobaj richin ri tinamit Israel, xcha'.

Gálatas 2:9

Roma ri' toq ri Santiago ri chuqa' nibix Jacobo chire, ri Pedro y ri Juan, ri k'o kiq'ij chikikojol ri qach'alal, xq'ax chikiwech chi ja ri Dios chilabeyon-pe ri samaj ri' chuwe. Y richin niq'alajin chi junan qawech chi qachibil-qi', xkichop qaq'a', yin y ri Bernabé. Xaxe k'a roj yojbesamej chikikojol ri man e qawinaq ta, y rije' yebesamej chikikojol ri qawinaq judío.

Deut 31:9

Ri Moisés xutz'ibaj k'a re pixa' re' y xujech kan pa kiq'a' ri sacerdote ri e rijatzul kan ri Leví, ri ye'uk'uan ri káxa richin ri rujikibel-tzij ri Jehová, y chike chuqa' konojel ri achi'a' ri k'o kiq'ij.

Wuj Richin ri Josúe 4:20

Toq ek'o pa Guilgal, ri Josué xubij chi tikinuk'u-q'anej ri kablajuj abej ri kik'amon-pe pa Jordán.

Wuj Richin ri Josúe 4:5

jari' toq xubij k'a chike: Kixtzolin chik k'a akuchi k'o-wi ri káxa richin ri rujikibel-tzij ri Jehová ri qa-Dios. Y chiri' chi'ijujunal richin ri jun tzobaj xtibek'ama-pe jun abej y xtiya-el chuwi-itele'n,

Apocalipsis 21:14

Y ri ruxe' ri tz'aq ri', kablajuj abej ri ruk'uan ri kibi' ri e kablajuj ri e taqon roma ri Karne'l.