Ex 24:3 - Kaqchiquel Bible

³ Xeri' ri Moisés xqaqa k'a pe y xorucholo-qa ronojel ri pixa' y ronojel ri ch'abel ri xubij-pe ri Jehová chire. Y jari' toq ri winaqi' rik'in jun kich'abel xech'on y xkibij: Kan xtiqaben k'a ronojel ri rubin-pe ri Jehová, xecha'.

Ex 24:3 Iomraidhean Croise

2 Crón 15:14

Xkiya' k'a kitzij chuwech ri Jehová rik'in raqoj-chi'ij y rik'in janila kikoten. Y kan nikixupula' ri trompeta y ri uk'a'.

2 Crón 15:15

Konojel k'a ri winaqi' ri' kan janila xekikot roma ri ya'on-tzij ri xkiben, roma kan rik'in ronojel kánima xkiya' kitzij, y rik'in ronojel kik'u'x xkikanoj ri Jehová. Y ri Jehová kan xerak'axaj k'a, y xuya' uxlanibel-k'u'x kik'in chire ri oyowal.

Wuj Richin Bix Chire ri Dios 50:5

Ri Dios xtuteq rubixik chi tikimolo-ki' ri winaqi' ri e ruch'aron rija', ri xkiben jikibel-tzij rik'in rija' toq xkisuj kamelabel.

Ex 19:8

Y konojel k'a ri winaqi' kan junan k'a xech'on y xkibij: Roj kan xtiqaben k'a ronojel ri rubin-pe ri Jehová, xecha'. Y ri Moisés xuk'uaj k'a chire ri Jehová ri ch'abel ri xkibij ri winaqi'.

Ex 24:2

Y xaxe k'a rat Moisés ri xkajel-pe k'a wik'in. Ri ch'aqa' chik man kejel-pe, ni ta ri winaqi' richin ri tinamit man kejote-pe, xcha' chire.

Ex 24:7

Y k'ari' xuchop ri wuj ri richin ri rujikibel-tzij ri Jehová y xusik'ij chuwech ri tinamit y konojel xkibij: Kan xtiqaben ronojel ri rubin kan ri Jehová y kan xtiqanimaj ri rutzij, xecha'.

Wuj Richin ri Jeremías 11:4

Re jikibel-tzij re' xinya' chike ri iwati't-imama' toq xenwelesaj-pe pa ruwach'ulew Egipto, akuchi rije' xkitej janila poqon, toq xek'oje' achi'el pa jun horno akuchi niya'erisex-wi ri q'eqapueq. Chupan ri q'ij ri' xinbij chike chi tikak'axaj ri nuch'abel y tikibana' ronojel re'. Y wi keri' nikiben, rije' xke'ok nutinamit y yin xkinok ki-Dios, xicha' chike.

Wuj Richin ri Jeremías 34:13

Yin Jehová ri i-Dios kere' ninbij: Yin xinben jun jikibel-tzij kik'in ri ite-itata' ri q'ij toq xenwelesaj-pe pa ruwach'ulew Egipto, toq ek'o pa ximonri'il y xinbij chike chi

Wuj Richin ri Hageo 2:5

Y re' xusuj chuqa' chike ri qati't-qamama', toq xe'el-pe pan Egipto. Ri Dios nubij chuqa' chi rija' kan k'o pan inik'ajal rix. Roma ri' man nixibij-iwi'.

Wuj Richin ri Malaquías 2:10

¿Man xaxe ta kami jun qatata'? ¿Man xaxe ta kami jun qa-Dios ri xbanon qichin? ¿Achike k'a roma rix ye'iq'ol ri iwach'alal, y keri' man niya' ta rejqalen ri rujikibel-tzij ri Dios ri xuben kik'in ri qati't-qamama'?

Deut 11:1

Kan tiwajo' k'a ri Jehová ri qa-Dios ronojel q'ij chire ri ik'aslen, y kan titaqej k'a ronojel re pixa' re'.

Deut 4:1

Wakami k'a rix nuwinaq, tiwak'axaj k'a ronojel ri nubij ri pixa' re nink'ut chiwech. Kan titaqej k'a, richin xtiwichinaj y richin xkixk'ase' chupan ri ruwach'ulew ri xtuya' chiwe ri Jehová, ri ki-Dios chuqa' ri qati't-qamama'.

Deut 4:45

Ri pixa' richin ruchojmilal, ri pixa' ri ya'on chire ri tinamit, ri pixa' ri richin re q'ij re', y ri xubij ri Moisés chike ri israelita toq xe'el-pe pan Egipto.

Deut 4:5

Yin kan nuk'utun chik chiwech rix nuwinaq ri pixa', kan achi'el ri xubij ri Jehová ri qa-Dios chuwe, richin kan nitaqej ronojel ri pixa' chupan ri ruwach'ulew ri akuchi xkixapon-wi ri kan xtiwichinaj kan.

Deut 5:1

Ri Moisés xerumol k'a konojel ri ruwinaq e richin ri rutinamit Israel y xuq'alajirisaj k'a chike y xubij: Tiwak'axaj rix nuwinaq, ri pixa' ri ninya' chiwe wakami; kan tiwetamaj k'a jebel y kan tibana' k'a.

Deut 5:31

Jak'a rat yak'oje' kan wawe' wik'in, richin ninbij chawe ronojel ri nupixa' richin xkentijoj. Y wi rije' kan xtikitaqej ri pixa', chuqa' xkek'oje' chupan ri ruwach'ulew ri xtinbenya' chike, xcha' chuwe.

Deut 6:1

Ja ronojel pixa' re' ri xuya' ri Jehová ri qa-Dios chuwe, richin xixintijoj, richin jari' ri nitaqej chupan ri ruwach'ulew ri xkixapon-wi ri kan xtok iwichin.

Wuj Richin ri Josúe 24:21

K'ari', konojel ri winaqi' xkibij chire ri Josué chi rije' kan xaxe k'a ri Jehová ri xtikisamajij.

Wuj Richin ri Josúe 24:22

Y ri Josué xubij chike chi kan ja rije' xebin ronojel re', roma xkicha' ri Jehová richin nikisamajij. Y rije' xkibij chi kan keri' wi.

Wuj Richin ri Josúe 24:24

Konojel k'a ri winaqi' xkibij chire ri Josué: Kan ja k'a ri Jehová ri qa-Dios ri xtiqasamajij, y kan xtiqaben k'a ronojel ri xtubij rija', xecha'.