Ex 24:1 - Kaqchiquel Bible

¹ Y ri Jehová xch'on chik rik'in ri Moisés y xubij chire: Kajote-pe, awachibilan ri Aarón, ri Nadab, ri Abihú y ri e oxk'al lajuj rijita'q taq achi'a' ri k'o kiq'ij chupan ri tinamit y k'a nej kexuke-wi kan richin nikiya' nuq'ij.

Ex 24:1 Iomraidhean Croise

1 Crón 6:3

Jare' ri e oxi' ralk'ual kan ri Amram: Ri Aarón, ri Moisés y ri María. Jare' ri e kaji' ruk'ajol kan ri Aarón: Ri Nadab, ri Abihú, ri Eleazar y ri Itamar.

Ex 1:5

Konojel k'a ri e rijatzul kan ri Jacob e oxk'al lajuj chi konojel y ri José kan k'o chik chiri' pan Egipto.

Ex 19:20

Ri Jehová xqaqa k'a pe pa rutum ri juyu' Sinaí, y k'a chiri' xroyoj-wi-pe ri Moisés, y ri Moisés xjote-q'anej k'a rik'in.

Ex 19:24

Y ri Jehová xubij: Kaqaqa-el y tabek'ama-qa ri Aarón y k'ari' junan yixjote-pe, jak'a ri e sacerdote y ri winaqi' man k'a keq'ax-pe ri akuchi k'o-wi ri k'ulba't richin chi yepe wik'in yin, richin chi man kenk'is, xcha' ri Dios.

Ex 19:9

Y ri Jehová xubij chik k'a chire ri Moisés: Yin kan xkipe k'a pa jun pimilej-sutz' richin yich'on awik'in y ri awinaq kan xtikak'axaj k'a y kan xtikikuquba' kik'u'x awik'in richin jantape'. Y jari' toq ri Moisés xutzijoj-el chire ri Dios ri ch'abel ri xkibij ri winaqi'.

Ex 20:21

Y rokik ri winaqi' k'a nej xek'oje-wi-el chire ri juyu', ri Moisés xok-apo chupan ri pimilej-sutz' ri', ri akuchi k'o-wi ri Dios.

Ex 24:15

Y jari' toq ri Moisés xjote' k'a q'anej pa ruwi' ri juyu' y ri sutz' kan xutz'apej rij ri juyu' ri'.

Ex 24:2

Y xaxe k'a rat Moisés ri xkajel-pe k'a wik'in. Ri ch'aqa' chik man kejel-pe, ni ta ri winaqi' richin ri tinamit man kejote-pe, xcha' chire.

Ex 24:9

Xeri' xejote-q'anej pa ruwi' ri juyu' Sinaí; ri Moisés, ri Aarón, ri Nadab, ri Abihú, y ri e oxk'al lajuj rijita'q taq achi'a' ri k'o kiq'ij richin ri Israel.

Ex 28:1

Chikikojol ri awinaq israelita, xtawoyoj k'a ri animal Aarón e rachibilan ri e ruk'ajol rija', ri Nadab, ri Abihú, ri Eleazar y ri Itamar; richin chi je rije' xke'ok kan nu-sacerdote.

Ex 3:5

Y ri Jehová xubij: Man kajel-pe, tawelesaj la axajab chi'awaqen, roma la akuchi at pa'el-wi wakami, kan wichin yin, xcha' chire.

Ex 34:2

Tachojmirisaj k'a awi' richin chi chua'q nimaq'a' yan, xkajote' k'a el pa ruwi' ri juyu' Sinaí, richin yatapon-q'anej chinuwech.

Ex 6:23

Y ri Aarón xk'ule' rik'in ri Eliseba rumi'al ri Aminadab, rana' ri Nahasón. Y xek'oje' k'a e kaji' kalk'ual y re' xkibini'aj: Nadab, Abihú, Eleazar y ri Itamar.

Ez 8:11

Y chikiwech k'a rije' e pa'el-apo e oxk'al lajuj achi'a' ri k'o kiq'ij y pa kinik'ajal rije' k'o ri Jaazanías ruk'ajol ri Safán. Y rije' kan nikiya' k'a kiq'ij ri wachibel ri'. Chikijujunal k'a ri achi'a' ri' kik'uan jun porobel-pom y ri rusibil y ri rujubulil kan nijote-el.

Wuj Richin ri Q'axanri'il 11:16

Y ri Jehová xuk'uluba' k'a pe ri ruch'abel ri Moisés y xubij k'a chire: Ke'amolo-pe e oxk'al lajuj achi'a' chike ri aj-raqen richin ri tinamit ri kan k'o kiq'ij y kan e samajela' richin ri tinamit. Ke'ak'ama-pe chuchi' ri wachoch richin molojri'il.

San Lucas 10:1

Toq e banatajineq chik k'a ronojel re', ri Jesús xerucha' 72 achi'a'*f19* richin chi kaka' xeruteq-el pa taq tinamit ri akuchi xtapon-wi rija'.

San Lucas 10:17

Chirij ri' xetzolin k'a pe re oxk'al lajuj achi'a' re' y rik'in janila kikoten xkibij chire ri Jesús: Qajaw, ri itzel taq espíritu kan xeniman chuqa' chiqe toq pan abi' rat xojch'on-wi chike, yecha'.

Deut 1:15

Y keri' k'a toq yin xencha' ri achi'a' ri', y ja rije' ri xenya' pan iwi': Pa kiwi' 1,000 winaqi', pa kiwi' wok'al, pa kiwi' kawineq lajuj y pa kiwi' lajujteq winaqi' y ja rije' ri yeyuqen iwichin.