Ex 22:4 - Kaqchiquel Bible

⁴ Y wi ta ri chikop eleq'an, k'a k'es na nibe'ilitej-pe rik'in ri eleq'om, wi bóyix, wi bur o wi jun karne'l, ri eleq'om k'o chi nutzolij-el ri releq'an y nuya' chik el jun pa ruwi'.

Ex 22:4 Iomraidhean Croise

Ex 21:16

Chuqa' wi k'o jun wineq nreleq'aj-el jun chik wineq y ruk'ayin chik el o k'a k'o na rik'in toq nichap, kan tikamisex k'a.

Ex 22:1

Wi k'o ta jun achin nreleq'aj jun bóyix o jun karne'l richin nupoch' o richin nuk'ayij-el, k'o chi nuya' wo'o' bóyix roma ri jun, y roma ri jun ti karne'l k'o chi nuya' kaji'.

Ex 22:5

Wi k'o jun niyuq'un pa juyu' y yeq'ax-apo ri rawej pa rulew o pa rutiko'n jun chik wineq y kan xubech kan, ri rajaw ri chikop kan xtuya' k'a ruk'exel y kan ja k'a ri más utz chire ri rutiko'n rija' ri xtuya-el.

Ex 22:7

Wi k'o jun achin nruxqanej ruméro o ch'aqa' chik ri k'o rejqalen rik'in ri rachpochel y neleq'ex ta el, wi xtilitej ri eleq'om, kan xtutoj k'a ri xreleq'aj-el y nuya' chik jun keri' pa ruwi'.

Ex 22:9

Xabachike k'a wineq wi nibe'ilitej-pe jun bóyix rik'in, jun bur, jun karne'l, tzieq o xabachike y k'o jun ri nibin chi richin rija', re ch'ojinik re' xtuk'uex k'a chikiwech ri to'onela'. Y ri xtel aj-mak xtutzolij k'a ri rubanon-qa richin chire y xtuya' chik el jun pa ruwi' y xtuya-el chire ri rachpochel.

Wuj Richin Etamabel-Tzij 6:31

Jak'a wi ri wineq ri' nichapatej roma ri releq', k'o chi nutoj ri xuben, kan k'o chi nutoj wuqu' mul más ri rajel ri xreleq'aj, stape' kan k'o chi yeruya-el ronojel ri k'o rik'in.

Wuj Richin ri Isaías 40:2

Kach'on kik'in ri aj-Jerusalem, y katzijon kik'in rik'in ajowabel. Taya' rutzijol chike chi ri ximonri'il ri ek'o-wi, kan xtik'is, y ri kimak xa xinkuy yan. Kan k'iy yan bey xkik'ul ri rutojbalil ri kimak.

Wuj Richin ri Jeremías 16:18

Kan xtinben chike chi xtikitoj ka'i' mul ri itzel taq kibanobal y ri kimak, roma rije' xkitz'ilobisaj ri nuruwach'ulew. Y rije' xekitorij kan ri itzel taq wachibel ri nikiya' kiq'ij achi'el ri kaminaqi' ri man e muqun ta. Xkiben chire chijun ri ruwach'ulew ri xinya' chike richin xkichinaj kan chi man jun rejqalen, roma xkiben itzel taq banobel chuwech ri kan man utz ta nintz'et yin, xcha' chuwe.

Wuj Richin ri Chojmirisabelri'il 6:5

Toq nretamaj chi rija' aj-mak, k'o chi nutzolij ruk'exel chire ri rajaw y pa ruwi' ri', k'o chi nuya-el jun chire ri ro' chire ri rajel ri ruk'amon-qa. Y chuqa' k'o chi nuk'en-pe rik'in ri sacerdote jun achij karne'l ri kan tz'aqet o nuk'en-pe ri rajel. Y xtusuj k'a chuqa' chuwe yin jun kamelabel, ri k'o chi nibe pa ruwi' ri nutzolij chire ri wineq ri k'uluyun ri ch'a'oj.

Apocalipsis 18:6

Jak'a rix*f6* kan tibana' k'a ruk'exel chire achi'el xuben rija' chike ch'aqa' chik. Ka'i' k'a bey más k'ayew tibana' chire, ke chuwech ri xuben rija' chike ri ch'aqa'. Rija' xa jun qumbel chire ri retzelal ri xuya', jak'a rix ka'i' qumbel tiya' chire richin niben ruk'exel chire.

1 Sam 12:5

K'ari' ri Samuel xubij: Ri Jehová jari' ri xtz'eton ronojel ri xibij rix. Wakami k'a chuqa' ri rey xutz'et ronojel chuwij yin chi rix man jun itzel xiwil ta chuwij chupan re q'ij re', xcha'. Y konojel ri winaqi' xkibij chi kan keri' wi.