Ex 21:6 - Kaqchiquel Bible

⁶ Jari' toq ri rajaw xtuk'uaj ri achin ri', richin chi niberuq'alajirisaj kan chikiwech ri to'onela'. Y k'ari' rija' xtutz'araba-apo ri ruxikin ri rusamajel chuwech ri che' ri chapayon ri ruchi' ri jay, o chuwech ri tz'alem richin ri ruchi-jay, richin nuwop rik'in jun ch'ich' ri is-is rutza'n. Jare' k'a ri xtok retal chi re achin re' xyuqe' kan pa samaj rik'in richin jantape'.

Ex 21:6 Iomraidhean Croise

1 Rey 12:7

Y ri achi'a' ri' xkibij chire: Wi rat nawajo' naq'et-tzij pa qawi' roj, k'o chi xkatok samajel richin ri qatinamit, y utzilej taq ch'abel ri xtabij-el chike; wi keri' xtaben, rije' kan xkatkilij chijun ak'aslen, xecha'.

Wuj Richin Bix Chire ri Dios 82:1

Ri Dios kan k'o-wi chikikojol ri to'onela' ri yeq'aton-tzij Kan chikikojol k'a ri ch'aqa' chik dios nuq'et-wi tzij.

Ex 12:12

Y chupan chuqa' ri aq'a' ri' xkiq'ax chupan chijun ri ruwach'ulew richin Egipto y kan xkenkamisaj k'a konojel ri e nabey taq al alaboni' chikikojol ri winaqi'. Y keri' chuqa' chikikojol ri kawej. Y xtinq'et k'a tzij pa kiwi' ri dios richin Egipto. Ja yin Jehová ri yibin.

Ex 21:22

Wi ek'o e ka'i' achi'a' ri yech'ayon-ki', y chaq k'ate' nikimej jun ixoq yawa' chik y roma ri' re ixoq re' nuben-el tzaqonik y wi man jun ta chik ri achike xuk'uluwachij rija', ri aj-ch'a'oj xaxe k'a xtutoj ri xtuk'utuj ri rachijil ri ixoq y ri xtikiq'et ri q'atoy taq tzij pa ruwi'.

Ex 21:5

Rik'in juba' ri achin ri' nubij ta: Yin kan ninwajo' yik'oje' kan rik'in ri wajaw y chuqa' ninwajo' yik'oje' kan rik'in ri wixjayil y kik'in ri walk'ual; xa man ninwajo' ta chi nuyon yitotej-el, nicha' ta.

Ex 21:7

Wi k'o jun achin nuk'ayij-el ri rumi'al richin chi niyuqe' pa samaj, re xten re' man xtitotej ta el toq nitz'aqet ri waqi' juna', achi'el yetotej-el ri achi'a'.

Ex 22:28

Man jun bey tiqasaj nuq'ij yin ri Dios y man tiwoyoj itzel pa kiwi' ri e tata'al richin ri itinamit.

Wuj Richin ri Isaías 1:26

Kan xtinben k'a richin xkek'oje' chik to'onela', y ri pixabanela' kan xtibekibana' chik achi'el ri ojer. K'ari' xtikibij ri ch'aqa' chik winaqi' chiwe chi ix jun tinamit ri kan k'o ruchojmilal iwik'in, y ix jun tinamit ri kan nuben ri nubij.

Wuj Richin ri Chojmirisabelri'il 25:23

Man k'a tik'ayij ri iwulew richin q'asen, roma ri ulew ri akuchi ixk'o-wi kan wichin yin, roma rix xa ix q'axel y man ja ta rix ri ix rajaw.

Wuj Richin ri Chojmirisabelri'il 25:40

Xa kan tibana' chire achi'el jun samajel ri nitoj chi q'ij o achi'el jun ri niq'ejelon iwichin. Y rija' kan xtisamej iwik'in k'a toq xtapon ri juna' toq nitzolix ronojel.

Wuj Richin ri Sofonías 3:3

Ri e aj-raqen ri ek'o pan itinamit Jerusalem e achi'el koj ri yewuyin. Ri to'onela' kan e achi'el utiwa'. Rije' xaxe chi'aq'a' yebiyaj richin nikikanoj kiway. Y toq niseqer-pe ri jun chik q'ij, man jun chik k'o kik'in.

Deut 1:16

Y kere' k'a xinbij chike ri to'onela': Ri q'atoj-tzij ri xtiben, kan ta choj, kan pa ruchojmilal k'a xtiben kik'in ri qawinaq y ri man qawinaq ta.

Deut 15:16

Wi ta ri isamajel nubij chi man nrajo' ta yixruya' kan, roma kan xuk'en ruwech iwik'in roma kan ipoqonan.

Deut 15:17

Chuwech ri che' ri k'o chire ri ruchi' ri jay rik'in jun ch'ich' ri is-is rutza'n xtikiwop k'a ri ruxikin, y jare' nok retal chi re wineq re' xok isamajel richin jantape'.

Deut 16:18

Kan ke'ikanola' k'a to'onela' y samajela' richin ri tinamit, richin nikiq'et-tzij pa ruwi' chijun ri ruwach'ulew ri xtibeya'ox chiwe chi'ijujunal ri tzobaj, richin keri' yixbiyin rik'in ruchojmilal.

1 Sam 1:22

Jak'a ri Ana man xbe ta q'anej kik'in, xa xubij k'a chire ri rachijil: Yin man yibe ta chiwij roma xa k'a xtinwelesaj na rutz'um ri ak'ual, k'ari' xkibe, richin xtink'uaj-el y ninjech pa ruq'a' ri Jehová, y xtik'oje' kan chiri' jumul, xcha' rija'.

1 Sam 27:12

Ri rey Áquis kan xukuquba' ruk'u'x rik'in ri David, y xubij-qa: Ri winaqi' aj-Israel kan itzel chik nikina' chire, y roma ri' rija' xtok nusamajel richin q'asen, xcha-qa.

1 Sam 28:2

Y ri David xubij chire ri rey Áquis: Wakami k'a xtatz'et achike ri xtinbenbana' yin ri asamajel, xcha'. Y ri rey Áquis xubij chire ri David: Yin kan xkatinya' richin yatok chajiy wichin richin jantape', xcha'.