Ex 21:2 - Kaqchiquel Bible

² Wi ta rix niloq' jun isamajel, ri xa iwinaq, waqi' k'a juna' xkixrusamajij. Jak'a chupan ri ruwuq juna', xtitotej-el y kan man jun k'a ri k'o chi xtutoj kan chiwe.

Ex 21:2 Iomraidhean Croise

Wuj Richin ri Rutikeribel 27:28

Kan ja ta k'a ri Dios xtiya'on-pe ri raxq'ab chila' chikaj pan awi', y kan ta k'a xtuben chi ri atiko'n xtiwachin pa ruk'iyal chuwech re ruwach'ulew; kan xtak'ul ta k'a pa ruk'iyal ri trigo y ri vino.

Wuj Richin ri Rutikeribel 27:36

Y ri Esaú xubij: Xa roma ajk'a ri' xkibij Jacob chire, roma kan q'olonel-wi, roma ka'i' yan mul kiruq'ol, nabey xuben chuwe chi ja rija' xok kan nimalaxel pa nuk'exel y wakami xreleq'aj ri urtisanik ri xa ja ta yin xik'ulu kan. Y xubij chik k'a chire ri rutata': ¿Maneq ta chik juba' urtisanik richin naya' chuwe yin?, xcha'.

2 Rey 4:1

K'o k'a jun q'ij jun ixoq rixjayil kan jun chike ri q'alajirisey ruch'abel ri Dios, xapon rik'in ri Eliseo y xubij chire: Ri wachijil xken yan; y rat awetaman chi rija' kan xutzeqelibej ri Jehová. Y wakami ri achin ri akuchi k'o-wi kan ri ruk'as peteneq richin yeruk'uaj-el re e ka'i' wal richin yeyuqe' pa samaj rik'in, xcha'.

Wuj Richin ri Nehemías 5:8

Y xinbij chike: Roj kan qatijon-pe qaq'ij richin e qakolon-pe ri qawinaq ri xek'ayitej-el chike ri ch'aqa' chik winaqi' richin jun chik ruwach'ulew. Y wakami, xa ja chik rix ri yixloq'on-qa kichin ¿Kan nich'ob rix chi ja roj k'o chi yojkolo chik kichin?, xicha'. Y rije' man xeq'ajan ta, kan man jun ch'abel xetikir xkibij.

Ex 12:44

Jak'a ri samajel ri yuqul pa samaj, ri loq'on rik'in méro, ri kan qupin chik richin jun retal,*f4* kan utz nuben ri wa'in ri'.

Ex 21:3

Wi k'a ruyon toq xok-pe iwik'in, kan ruyon k'a xtibe, jak'a wi k'o rixjayil toq xpe iwik'in, kan xtibe k'a rachibilan ri rixjayil.

Ex 21:7

Wi k'o jun achin nuk'ayij-el ri rumi'al richin chi niyuqe' pa samaj, re xten re' man xtitotej ta el toq nitz'aqet ri waqi' juna', achi'el yetotej-el ri achi'a'.

Ex 22:3

Jak'a wi paq'ij xukamisaj ri eleq'om, kan xtiq'alajirisex k'a chi kan kamisanel. Y toq jun eleq'om nichap, kan xtutoj k'a ronojel ri xreleq'aj y wi maneq achoq ik'in nutoj-wi, kan xtik'ayix k'a el rija' richin nutoj ri releq'.

Wuj Richin ri Chojmirisabelri'il 25:54

Wi xa man ta nikolotej, xtikolotej ta k'a toq xtapon ri juna' toq nitzolix ronojel, y chuqa' xkekolotej ri ralk'ual.

San Mateo 18:25

Roma ri samajel ri' man nitikir ta nutoj ri ruk'as, roma ri' ri rey xubij chi tik'ayix ri samajel ri', rachibilan ri rixjayil y ri e ralk'ual; y chuqa' kan xtik'ayix ronojel ri k'o rik'in, richin chi nitojtej ri ruk'as.

1 Corintios 6:20

Rix kan xixloq' yan k'a roma ri Dios. Roma ri' kan tiya' ruq'ij-ruk'ojlen rik'in ri ich'akul y rik'in ri i-espíritu ri kan e richin chik rija'.

Deut 15:1

Toq rix k'o niya' pa qajik chike ri iwinaq, pa ronojel wuqu' juna' k'o chi nikuy ri man tzolin ta chiwe.

Deut 15:18

Man itzel tina' toq nitotej jun isamajel ri yuqul pa samaj iwik'in, roma waqi' juna' xixrilij, y xaxe xiya' ri nik'aj chire ri rajel ri nuch'ek jun samajel ri nisamej chi q'ij. Wi xtiben keri' ri Jehová ri qa-Dios xtuya' urtisanik pan iwi'.

Deut 31:10

Y xch'on kik'in y kere' k'a ri xubij chike: Chi wuquteq juna', ri juna' toq nikuyutej ronojel ruwech k'as, chupan ri nimaq'ij richin ri taq jay ri banon rik'in ruq'a' taq che', jari' toq xtisik'ix re pixa' re' richin chi ri winaqi' kan tikak'axaj.