Ex 20:4 - Kaqchiquel Bible

⁴ Man jun wachibel tiben richin niya' kiq'ij: Man tiben kiwachibel ri ek'o chuwech ri kaj, ni ri ek'o chuwach'ulew, ni ri ek'o chupan ri ya'.

Ex 20:4 Iomraidhean Croise

Wuj Richin ri Chojmirisabelri'il 26:1

Ja yin Jehová ri i-Dios, roma ri' ninbij chiwe chi man ke'iben wachibel richin niya' kiq'ij y yixxuke' chikiwech, wachibel ri e paban, ri paban taq abej y ri abej ri ek'o wachibel chuwech.

Deut 5:8

Man tiben kiwachibel ri ek'o chuwech ri kaj, ni ri ek'o chuwech re ruwach'ulew, ni ri ek'o chupan ri palou. Man jun k'a wachibel tiben richin niya' kiq'ij.

Wuj Richin Bix Chire ri Dios 97:7

Chi'iwonojel rix ri ye'isamajij ri wachibel e toch'on, kan kixk'ixbitej k'a; keri' chuqa' rix ri yixkikot kik'in ri wachibel. Rix dios kichin ri ch'aqa' chik ruwach'ulew, kixxuke' richin niya' ruq'ij ri Jehová.

Wuj Richin ri Chojmirisabelri'il 19:4

Man kinimalij kan richin ye'iya' kiq'ij ri tiox, ni man tiben wachibel ri e banon rik'in pueq ri ya'erisan pa q'aq'; yin Jehová ri i-Dios ri yibin.

Hechos 17:29

Wi kan oj ralk'ual k'a ri Dios, man xqojtikir ta xtiqabij Dios chire jun wachibel ri xa winaqi' e banayon. Y ri' stape' ta rik'in q'anapueq o saqipueq o rik'in abej banon-wi, roma xa ruch'obonik jun wineq.

Apocalipsis 16:2

Kan jari' toq xbe ri nabey ángel y xberuq'eja' kan pa ruwi' ri ruwach'ulew ri k'o-el chupan ri qumbel ri ruk'uan. Y xuben chi xe'el-pe itzel ch'a'k chikij ri winaqi' ri xeya'on ruq'ij ri ruwachibel ri nabey chikop y kik'uan retal ri nik'aj-kiwech o ri pa kiq'a'.

Romanos 1:23

Pa ruk'exel chi nikiya' ta ruq'ij-ruk'ojlen ri k'aslik Dios, xa nikiya' kiq'ij ri kiwachibel winaqi' ri xa yeken, kiwachibel ri aj-xik' taq chikopi', y ri chikopi' e jepejeq.

Wuj Richin ri Isaías 45:16

Kan xkek'ixbitej konojel ri yebanon kiwachibel ch'aqa' chik Dios. Rije' xke'uk'uex-el pa ximonri'il rik'in k'ixbilal.

Wuj Richin ri Isaías 42:8

Yin Jehová; jare' ri nubi'. Man xtinya' ta ri nuruwaq'ijaj chike ch'aqa' chik dios, ni chike ri kiwachibel rije'.

Ez 8:10

Xinok k'a apo y xintz'et k'a ri tz'aq ri k'o chupan, nojineq ruwech rik'in wachibel kichin chikopi' ri e jepejeq y wachibel kichin chikopi' ri man e ch'ajch'oj ta y ronojel ruwech wachibel ri nikiya' kiq'ij ri nuwinaq.

Apocalipsis 9:20

Jak'a ri winaqi' ri k'a xek'ase' na kan man xtzolin ta pe kik'u'x. Xa xkiyala' na kiq'ij ri itzel taq espíritu y ri wachibel ri e kibanon rik'in q'anapueq, saqipueq, abej, che' y ri q'enq'oj-pueq. Jari' ri xkiya' kiq'ij ri winaqi' ri'; xa dios ri man yetzu'un ta, ni man ye'ak'ex ta y ni man yebiyin ta.

Wuj Richin ri Isaías 42:17

Jak'a xkek'ixbitej konojel winaqi' ri kikuquban kik'u'x kik'in wachibel, y nikiya' kiq'ij ch'aqa' chik dios.

2 Crón 33:7

Ri Manasés chuqa' xuben jun wachibel y xuya-apo pa rachoch ri Jehová, stape' ri Jehová kan xubij chike ri David y ri Salomón chi ri rachoch ri niban-q'anej pa Jerusalem, kan xucha' chikikojol ri tzobaj richin Israel, richin chi kan xaxe rija' niya'ox ruq'ij chiri'.

1 Rey 12:28

Y toq ruk'utun chik k'a runa'oj, ri rey xa xeruben k'a kiwachibel ka'i' nima-alaj achij wákix, ri banon rik'in q'anapueq. Y rija' xubij k'a chike ri ruwinaq israelita: Man chik k'a xkixbe ta chik q'anej pa Jerusalem pa rachoch ri Dios richin nibeya' ruq'ij. Xa jare' ek'o wawe' ri dios ri xe'elesan-pe ri qati't-qamama' pa ruwach'ulew Egipto, xcha' chike.

Ex 34:17

Man k'a ke'iben ch'aqa' chik dios ri e banon rik'in ch'ich' ya'erisan pa q'aq'.

Ex 32:1

Y jak'a toq ri winaqi' xkitz'et chi ri Moisés xa xyaloj yan y xa man qajineq ta pe pa ruwi' ri juyu', ri winaqi' jari' toq xkimol-apo-ki' chirij ri Aarón y xkibij chire: Wakami ja rat k'a ri kayakatej y tabana' jun qa-dios richin jari' ri niyuqen qichin, roma ri Moisés ri xojelesan-pe pan Egipto, man jun qetaman ri achike xuk'uluwachij, xecha'.

Ex 32:23

Rije' kere' k'a xkibij chuwe: Tabana' jun qa-dios richin chi jari' ri niyuqen qichin, roma ri Moisés ri xojelesan-pe pan Egipto, kan man jun qetaman ri achike xuk'uluwachij, xecha' chuwe.

Ex 32:8

Rije' xa kan chi'anin k'a xkich'er kan ki' chire ri bey ri xink'ut chiwech, rije' xa xkiben jun ruwachibel nima-alaj achij wákix rik'in q'anapueq ya'erisan pa q'aq' y jari' ri nikiya' ruq'ij y nikisujula' kamelabel chuwech y nikibij chi jari' ri ki-dios ri xe'elesan-pe pan Egipto.

Wuj Richin ri Q'axanri'il 12:8

Roma ri', rik'in rija' kan yojtzijon-wi chiqawech y niqatzu-qi'; y richin chi niq'ax chuwech ri ninbij chire, yin ninkusaj ri ch'abel ri niq'ax chuwech rija'. Y wi ri nusamajel Moisés kan in rutz'eton toq in tzijowineq rik'in, ¿achike k'a roma man jun rukiy chiwech y janila itzel yixch'on chirij rija'?, xcha'.

Wuj Kichin ri To'onela' 17:3

Y toq rija' xutzolij kan ri juwineq lajuj libra saqipueq chire ri rute', ri rute' xa xubij chire: Re saqipueq re' xa xtinjech k'a chire ri Jehová pan abi' rat, richin chi rik'in re' niban ka'i' wachibel: Ri jun niya'ox saqipueq chirij y ri jun chik niban rik'in ya'erisan saqipueq, xcha'.

2 Rey 17:12

Kan xekisamajij k'a ri wachibel, ri kan rubin ri Jehová chi man tikiben keri'.

Wuj Richin Bix Chire ri Dios 78:58

Xkiyek k'a royowal rik'in ri akuchi nikiya-wi kiq'ij wachibel pa ruwi' taq juyu'. Xkiyek k'a royowal roma xkiya' ruq'ij ri wachibel e toch'on.

Ez 8:3

Y ri wineq ri' xuya' k'a pe ri ruq'a' chuwe y xirujik'-el chirusumal-nuwi' y rik'in uchuq'a' xirutzeqej-el chikaj. Y pa jun achi'el achik' xiruk'uaj k'a pa rachoch ri Jehová ri k'o k'a pa Jerusalem, ri akuchi k'o-wi ri okibel ri k'o pa xaman chire ri ruwa-jay ri k'o-apo. Y chiri' k'o jun ruwachibel jun dios ri kibanon ri winaqi', ri niyako royowal ri Jehová.

Ez 20:7

Jari' toq yin xinbij k'a chike chi chikijujunal k'a rije' k'o chi nikelesaj-el ri ch'aqa' chik dios richin Egipto ri ek'o kik'in, roma rik'in ri' xe'ok man e ch'ajch'oj ta, roma xaxe yin Jehová ri in ki-Dios.

Ex 20:23

Roma ri' man utz ta chi rix xke'ibanala' ta pe chinuwech yin, ch'aqa' chik dios ri e banon rik'in saqipueq o ri e banon rik'in q'anapueq, richin chi niya' kiq'ij.

Ex 32:4

Y ri Aarón kan xuk'ul k'a kan chuwi-kiq'a', ri kik'uan-apo chire. Xpe rija' xutzek k'a ronojel ri ruwi' taq ixkinaj ri', richin xya'er y k'ari' xuq'ej pa jun k'ojelibel ri xuben rija'. Y k'ari' xuchop ri rusamajibal y xel ruwachibel jun nima-alaj achij wákix chuwech. Y k'ari' ri winaqi' xkibij: ¡Qawinaq! Ja k'a qa-dios re' ri xojelesan-pe pa ruwach'ulew Egipto, xecha'.

Deut 16:22

Man jun wachibel paban tiben rik'in abej richin niya' ruq'ij, roma re' kan nretzelaj ri Jehová ri qa-Dios.