Ex 2:4 - Kaqchiquel Bible

⁴ Y ri ti rana' ri ti ak'ual ri', xk'oje' kan nej richin nunachaj-apo achike xtik'uluwachitej rik'in ri ti ruxibal.

Ex 2:4 Iomraidhean Croise

Ex 15:20

Y jak'a ri María, ri q'alajirisey ruch'abel ri Dios, ri rana' ri Aarón, xuchop jun q'ojom rubini'an pandero, richin xubixaj rubi' ri Dios. Y konojel k'a ri ixoqi' xkitzeqelibej-el y rije' kik'ualon chuqa' ki-pandero y yetzopiyaj ri yebixan.

Wuj Richin ri Miqueas 6:4

Kan ja k'a yin ri xinelesan-pe iwichin pan Egipto y xixinkol-pe chupan ri kowilej taq samaj. Xenteq k'a ri Moisés, ri Aarón y ri María richin ja rije' re xeyuqen-pe iwichin.

Wuj Richin ri Q'axanri'il 20:1

Y toq xq'ax yan juba' juna', ri winaqi' israelita xe'apon chik jun bey pa tz'iran ruwach'ulew Sin, chupan ri nabey ik' chire ri juna'. Y chiri' pa tinamit Cadés xek'oje-qa. Y xken k'a kan ri María y xmuq kan chiri'.

Wuj Richin ri Q'axanri'il 26:59

Y re Amram re' xk'ule' rik'in jun rijatzul kan ri Leví, ri rubini'an Jocabed, ri xalex toq kan k'a k'o na ri chiri' pan Egipto. Y re ixoq re' xek'oje' e oxi' ral, e ralk'ual ri Amram, ri xkibini'aj Aarón, Moisés y María.