Ex 19:4 - Kaqchiquel Bible

⁴ Rix kan xitz'et k'a jebel ri xinben yin kik'in ri aj-Egipto, ri xinben richin xixink'en-pe wawe' wik'in yin, achi'el xa ta xixpe pa ruwi' ruxik' jun kot.

Ex 19:4 Iomraidhean Croise

Wuj Richin ri Isaías 40:31

Jak'a ri kikuquban kik'u'x rik'in ri Jehová kan xtikik'ul k'ak'a' uchuq'a', achi'el uchuq'a' ri k'o kik'in ri kot toq anineq yebe chikaj. Kan xke'anin y man xkekos ta. Kan xkebiyin janila y kan man xtik'is ta ri kuchuq'a'.

Wuj Richin ri Isaías 63:9

Toq rije' xek'oje' pa jun nimalej bis, chuqa' rija' kan xbison kik'in. Y kan ja ri ru-ángel ri xto'on kichin. Roma ri rajowabal y ri rujoyowanik, roma ri' xerukol y kan xeruyek chik el jun bey, y kan keri' ri rubanon-pe.

Os 11:1

Ri Dios nubij: Toq ri winaqi' israelita k'a juba' kek'iy-q'anej, yin kan janila xenwajo'. Keri', kan k'a pan Egipto xenwoyoj-wi ri e achi'el nuk'ajol.

Wuj Richin ri Hageo 2:5

Y re' xusuj chuqa' chike ri qati't-qamama', toq xe'el-pe pan Egipto. Ri Dios nubij chuqa' chi rija' kan k'o pan inik'ajal rix. Roma ri' man nixibij-iwi'.

Wuj Richin ri Malaquías 2:10

¿Man xaxe ta kami jun qatata'? ¿Man xaxe ta kami jun qa-Dios ri xbanon qichin? ¿Achike k'a roma rix ye'iq'ol ri iwach'alal, y keri' man niya' ta rejqalen ri rujikibel-tzij ri Dios ri xuben kik'in ri qati't-qamama'?

Deut 1:30

Roma ri Jehová ri qa-Dios, kan beneq chiqawech, y kan ja rija' ri xtibanon ri oyowal pa qak'exel, achi'el ri xuben qik'in toq xojel-pe pan Egipto.

Deut 1:31

Y ri pa tz'iran ruwach'ulew, rix xitz'et chi ri Jehová ri qa-Dios xojruk'en-pe, achi'el jun tata'aj toq nuk'uaj ri ti ruk'ajol. Kan keri' k'a rubanon-pe qik'in chupan ri qabey ri qabanon-pe, k'a re akuchi xojoqaqa-wi, xicha' chiwe.

Deut 29:1

Y keri' chupan ri q'ij ri' ri Moisés xtane' chubixik chike ri ruwinaq re ruka'n jikibel-tzij re', toq k'a ek'o na chiri' pa Moab. Y ri nabey jikibel-tzij xban ojer kan chiri' pan Horeb.

Deut 29:2

K'ari' ri Moisés xerumol k'a konojel ri ruwinaq y xubij chike: Rix xitz'et k'a ronojel ri xuben ri Jehová ri chiri' chupan ri ruwach'ulew Egipto, chire ri rey, chike ri rusamajela' y chire chijun ri ruwach'ulew.

Deut 4:9

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Wuj Richin ri Josúe 23:3

Rix xitz'et ronojel ri xuben ri Jehová ri qa-Dios kik'in konojel ri etzelanel qichin qoma roj, y ja rija' ri xbanon ri oyowal pa qak'exel.

Apocalipsis 12:14

Y roma ri' ri ixoq xya'ox-el chire, juk'ulaj ruxik' kot ri janila e nima'q, richin chi nitikir napon k'a pa tz'iran ruwach'ulew, nej chire ri nimalej chikop ri' y chiri' nilix oxi' juna' rik'in nik'aj.