Ex 19:1 - Kaqchiquel Bible

^1-2 Chirij re', ri israelita xe'el-pe pa Refidim; y chupan k'a ri q'ij toq xtz'aqet oxi' ik' chi ke'el-pe pan Egipto, chupan ri q'ij ri', jari' toq xe'apon pa ruwa-taq'aj ri k'o chunaqaj ri juyu' Sinaí. Y chiri' xek'oje-wi-qa chuwech-pe ri juyu'.

Ex 19:1 Iomraidhean Croise

Ex 12:2

Re ik' re' kan xtok ri nabey ik' chire ri juna' ri kan iwichin rix.

Ex 12:51

Keri' k'a ri rubanik toq ri Jehová xerelesaj-pe pa ruwach'ulew Egipto; kan konojel k'a ri tzobaj richin ri nimalej tinamit Israel xe'el-pe.

Ex 12:6

Rix kan ke'iwilij k'a apo ri taq chikopi' ri', richin ri q'ij kajlajuj, richin re ik' re'. Toq niqaqa yan qa ri q'ij, jari' toq chi'iwonojel rix xke'ikamisaj ri taq chikopi' ri e icha'on.

Ex 16:1

Chirij re', konojel ri israelita xe'el-el chiri' pan Elim, y xe'apon pa tz'iran ruwach'ulew Sin ri k'o chukojol ri Elim y ri juyu' Sinaí. Y toq xe'apon chiri' pa Sin, jari' toq xtz'aqet jun ik' rik'in nik'aj chi ke'el-pe pan Egipto.

Ex 3:12

Y ri Dios xubij chire: Kabiyin, roma yin kan xkik'oje' awik'in, y ja retal re' ninya' chawe chi kan ja yin ri yitaqon awichin, chi toq xke'awelesaj-pe pan Egipto, jari' toq rix xkinisamajij pa ruwi' re juyu' re', xcha' ri Dios chire.

Ex 40:2

Chupan ri nabey q'ij chire ri nabey ik' chire ri juna', jari' toq xtapaba-q'anej ri wachoch richin molojri'il.

Ez 20:10

Toq xenwelesaj pe pan Egipto, xenk'uaj-el pa tz'iran ruwach'ulew.

Wuj Richin ri Q'axanri'il 1:1

Ri e rijatzul kan ri Israel xe'el-pe chiri' pa ruwach'ulew Egipto y xe'apon pa tz'iran ruwach'ulew rubini'an Sinaí. Y chupan ri nabey q'ij richin ri ruka'n ik' chire ri ruka'n juna' ri ke'el-pe pan Egipto, jari' toq xch'on-pe ri Jehová chupan ri rachoch richin molojri'il y xubij chire ri Moisés:

Wuj Richin ri Q'axanri'il 10:12

Jari' toq ri israelita xkichop-el binen, richin xe'el-el ri chiri' pa tz'iran ruwach'ulew Sinaí. Ri sutz' kan nipataj k'a ri beneq chikiwech ri winaqi' y xbepa'e', k'a toq xe'apon na ri pa tz'iran ruwach'ulew rubini'an Parán.

Wuj Richin ri Q'axanri'il 3:14

Ri Jehová xch'on chik jun bey rik'in ri Moisés ri pa tz'iran ruwach'ulew Sinaí y xubij chire:

Wuj Richin ri Q'axanri'il 33:15

Chirij ri' rije' xebiyin pa taq jalajoj kiwech ruwach'ulew: ri Sinaí, ri Quibrot-hataavá, ri Haserot, ri Ritmá, ri Rimón-peres, ri Libná, ri Risá, ri Quehelata, ri Séfer, ri Haradá, ri Maquelot, ri Táhat, ri Terah, ri Mitcá, ri Hasmoná, ri Moserot, ri Bené-jaacán, ri Guidgad, ri Jotbata, ri Abroná y ri Esión-guéber.

Deut 1:6

Ri Jehová ri qa-Dios, xch'on qik'in pan Horeb y xubij: Janila ix yalojineq-qa, chuxe-pe re juyu' re'.

Deut 4:10

Toqaqa k'a chi'ik'u'x toq xqamol-apo-qi' chuwech ri Jehová ri qa-Dios, chuxe-apo ri juyu' Horeb, toq rija' xubij chuwe: Ke'amolo' k'a ri awinaq, richin chi nikak'axaj ri nuch'abel richin niketamaj nikiya' nuq'ij chijun ri kik'aslen chuwech re ruwach'ulew, y xtikik'ut chikiwech ri kalk'ual, xcha' chuwe.

Deut 4:15

Toq ri Jehová xch'on qik'in pa runik'ajal ri q'aq' ri chiri' pan Horeb, stape' man xqatz'et ta ri achike rubanik, man rik'in ri' kan tichajij jebel iwi',

Deut 5:2

Ri Jehová ri qa-Dios xuben jun jikibel-tzij qik'in roj israelita ri chiri' pa ruwi' ri juyu' Horeb.