Ex 17:13 - Kaqchiquel Bible

¹³ Y keri' ri Josué y ri achi'a' ri e beneq rik'in, xekikamisaj k'a chi espada konojel ri e rijatzul ri Amalec.

Ex 17:13 Iomraidhean Croise

Ex 17:12

Y toq ri ruq'a' ri Moisés xekos, xepe ri Aarón y ri Hur xbekik'ama-pe jun abej richin rutz'uyubal ri Moisés; y ri Moisés kan xtz'uye' k'a y ri Aarón y ri Hur, xkitemej ri ruq'a': Ri jun xutemej ri jun ruq'a' y ri jun chik xutemej ri jun chik ruq'a' y keri' ri ruq'a' ri Moisés xek'oje' k'a chikaj k'a toq xqaqa na qa ri q'ij.

Ex 17:14

Y ri Jehová xubij chire ri Moisés: Tatz'ibaj ronojel re' chupan jun wuj richin natabel y tabij chire ri Josué chi yin kan xkenk'is jumul ri rijatzul kan ri Amalec richin man jun bey chik xkenatex, xcha' ri Jehová.

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

Wuj Richin ri Josúe 10:28

Y keri' chuqa' chupan k'a ri q'ij ri' ri Josué y ri achi'a' xkich'ek ri tinamit Maquedá, y xekikamisaj rik'in espada, keri' chuqa' xkikamisaj ri rey, y xekik'is k'a konojel ri winaqi' ri ek'o chupan ri tinamit ri'; y kan man jun k'a xkiya' kan, y xkiben chire ri rey achi'el xkiben chire ri rey richin ri Jericó.

Wuj Richin ri Josúe 10:32

Chuqa' ri Jehová xujech pa kiq'a' rije' ri tinamit ri', y pa ruka'n q'ij xkich'ek. Xekikamisaj k'a konojel chi espada y kan man jun xkiya' kan rik'in ruk'aslen achi'el xkiben pa tinamit Libná.

Wuj Richin ri Josúe 10:37

Xkich'ek k'a y xekikamisaj chi espada ri rey y konojel winaqi' ri ek'o pan Hebrón y chuqa' ri winaqi' ri ek'o pa taq kokoj tinamit ri ek'o chunaqaj. Y keri' xekikamisaj konojel y man jun xkiya' kan rik'in ruk'aslen, achi'el xkiben kik'in ri aj-Eglón; keri' k'a xekik'is konojel ri k'o kik'aslen ri ek'o chiri'.

Wuj Richin ri Josúe 10:42

Ri Josué y ri achi'a' xekikamisaj k'a kan konojel re rey re' richin xkich'ek kan ri kiruwach'ulew: Y re' kan xetikir xkiben pa jun bey, roma ri Jehová ri ki-Dios xbanon oyowal junan kik'in rije'.

Wuj Richin ri Josúe 11:12

Keri' chuqa' ri Josué y ri achi'a' xekich'ek k'a konojel ri tinamit ri', y ri ki-rey xekikamisaj chi espada, y xekik'is k'a achi'el rubin kan ri Moisés ri rusamajel ri Jehová.

Wuj Richin ri Josúe 8:26

Ri Josué kan man xubij ta k'a chike ri achi'a' chi tikitanaba' ri oyowal k'a toq xek'is na kikamisaxik konojel ri aj-Ai.