Ex 17:10 - Kaqchiquel Bible

¹⁰ Y ri Josué kan xuben k'a achi'el ri xubij ri Moisés chire, xyakatej-el e rachibilan ri achi'a' y xkichop k'a oyowal kik'in ri e rijatzul ri Amalec, y ri Moisés, ri Aarón y ri Hur xebek'oje' k'a pa ruwi' ri juyu'.

Ex 17:10 Iomraidhean Croise

1 Crón 2:19

Toq ri Azubá xken, ri Caleb xk'ule' chik rik'in jun ixoq rubini'an Efrata, y xk'oje' jun ral xubini'aj Hur.

Ex 17:11

Y xk'uluwachitej k'a, chi toq ri Moisés yeruyek ri ruq'a' chikaj, ri israelita yebe k'a chikij y yekich'ek, jak'a toq ri Moisés xa nuqasaj-qa ri ruq'a', ri e rijatzul ri Amalec yepe chikij y yekich'ek.

Ex 17:12

Y toq ri ruq'a' ri Moisés xekos, xepe ri Aarón y ri Hur xbekik'ama-pe jun abej richin rutz'uyubal ri Moisés; y ri Moisés kan xtz'uye' k'a y ri Aarón y ri Hur, xkitemej ri ruq'a': Ri jun xutemej ri jun ruq'a' y ri jun chik xutemej ri jun chik ruq'a' y keri' ri ruq'a' ri Moisés xek'oje' k'a chikaj k'a toq xqaqa na qa ri q'ij.

Ex 24:14

Y roma ri' rija' xubij kan chike ri rijita'q taq achi'a' ri k'o kiq'ij: Qojiwoyobej k'a, k'a toq xqojtzolin na pe iwik'in. Ri Aarón y ri Hur jari' ri xkek'oje' kan iwik'in. Wi k'o ta jun oyowal nibek'ulun-pe chi'ikojol, kan kixapon k'a kik'in rije', xcha' kan chike.

Ex 31:2

Yin xincha' k'a chikikojol ri winaqi' ri e richin ri tzobaj richin ri Judá, ri achin rubini'an Besalel, ri ruk'ajol ri Urí, rumam kan ri Hur.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

San Juan 15:14

Wi niben ronojel ri ninbij chiwe, rix kan ix wachibil-wi.

San Juan 2:5

Ri María xubij k'a chike jujun aj-ik'a' ri ek'o chiri': Wi ri Jesús k'o ri xtubij chiwe, kan tibana' k'a apo, xcha'.

Wuj Richin ri Josúe 11:15

achi'el k'a ri xubij ri Jehová chire ri Moisés ri rusamajel; keri' chuqa' xubij kan ri Moisés chire ri Josué. Y ri Josué kan xuben k'a ronojel achi'el xubij ri Jehová chire ri Moisés.