Ex 16:8 - Kaqchiquel Bible

⁸ Re tiqaq'ij re' ri Jehová xtuya' ti'ij chiwe richin nitej, y ri nimaq'a' xtuya' ri aj-chikajil-wey chiwe richin xtinoj jebel ipan. Ri Jehová xrak'axaj ri ch'abel ri xe'ibila' chirij, roma xa kan chirij rija' xixxebexot-wi. Xa man chiqe ta roj ri xiben-wi keri', xa kan chire ri Jehová, xcha' chike.

Ex 16:8 Iomraidhean Croise

Ex 16:12

Yin xinwak'axaj k'a ronojel ri xkixebexa' ri awinaq. Wakami k'a xtabij chike chi toq xtiqaq'ij-qa, rije' xtikitej ti'ij y toq xtiseqer xtikitej aj-chikajil-wey y man jun ri xtinum ta. Y rik'in ri' xtikitz'et k'a chi ja yin Jehová ri i-Dios, xcha'.

Ex 16:9

Y ri Moisés xubij chire ri Aarón chi tubij chike ri kiwinaq chi kepe konojel chuwech ri Jehová, roma rija' xrak'axaj ronojel ri nikixebela' chirij.

Ex 17:2

Y roma ri' toq ri winaqi' xkich'ojij k'a kiya' chire ri Moisés, jak'a ri Moisés xubij chike: ¿Achike roma toq xa chuwe yin nich'ojij-wi ri iya'? ¿Y achike roma toq rix nich'ob chi ri Jehová man nitikir ta nuya' iya' richin niqum?, xcha' chike.

Wuj Richin ri Isaías 32:6

Ri wineq ri bilon man bilon yerubij, xa man jun najowan, y xa ruyon itzel yeruch'ob. Kan nukanoj k'a richin nuben itzel taq banobel, y chuqa' kan nutz'uk k'a tzij chirij ri Jehová. Jun wineq ri janila ninum nipe rik'in, jak'a rija' kan man jun nuya' chire, y kan man nuya' ta ruya' ri chaqi'j ruchi'.

Wuj Richin ri Isaías 37:29

Roma xayakatej chuwij, y xanimirisaj-awi', roma ri' re wakami kan xtinya' k'a jun ch'ich' pan atza'n y jun chik ch'ich' pan achi' richin yaruq'et. Rik'in ri' kan xtinben chawe richin yatzolin ri akuchi at peteneq-wi, xcha' ri Dios chire ri Senaquerib.

Wuj Richin ri Q'axanri'il 11:18

Y chike ri awinaq tabij chi tikich'ajch'ojirisaj-ki' richin chua'q, roma jari' toq xtitej ti'ij. Roma yin kan xinwak'axaj ri koq'ej y xinwak'axaj chuqa' toq xech'ojin richin chi k'o ta niya'on juba' ti'ij chike y chuqa' xkibij chi kan jebel kibanon ri pan Egipto. Wakami k'a, yin ninbenya-pe ti'ij chike richin nikitej.

Wuj Richin ri Q'axanri'il 14:27

¿K'a jampe' k'a xketane' re itzel taq winaqi' re', ri e rijatzul kan ri Israel chi itzel yech'on chuwij? Yin xenwak'axaj toq rije' yech'ojin.

Wuj Richin ri Q'axanri'il 21:7

Roma ri' ri winaqi' xebe k'a rik'in ri Moisés y xkibij k'a chire: Roj kan xojmakun-wi k'a, roma itzel xojch'on chirij ri Jehová y chawij rat. Tabana' utzil kach'on rik'in ri Jehová y tak'utuj utzil chi kerelesaj-el re kumatzi' chiqakojol, xecha'. Y ri Moisés kan xch'on-wi k'a rik'in ri Dios pa kiwi' rije'.

San Mateo 10:40

Ri jun k'a ri kan yixruk'ul rix, kan jak'a chuqa' yin ri yiruk'ul; y ri nik'ulu k'a wichin yin, kan nuk'ul k'a chuqa' ri taqayon-pe wichin.

San Mateo 9:4

Jak'a ri Jesús kan xunabej k'a ri kich'obonik ri tz'ibanela' ri', y xubij k'a chike: ¿Achike k'a roma xpe itzel taq ch'obonik pa taq iwánima?

San Lucas 10:16

Jak'a rix nutijoxela', achike k'a wineq ri xkixruk'ul jebel richin nrak'axaj ri ich'abel, kan ja chuqa' yin ri yiruk'ul. Y ri achike k'a chuqa' ri xkixetzelan kan, ja chuqa' yin ri yiretzelaj. Y ri netzelan wichin yin, kan ja chuqa' ri Dios ri taqayon-pe wichin ri nretzelaj, xcha' el ri Jesús.

San Juan 13:20

Kan qitzij wi k'a ninbij chiwe, chi ri xtik'ulu k'a richin ri ninteq-el yin, kan ja yin ri yiruk'ul. Y ri xkik'ulu k'a yin, xa kan xtuk'ul k'a chuqa' ri taqayon-pe wichin, xcha'.

Romanos 13:2

Roma wi niqapaba-qi' chuwech ri q'atbel-tzij, nel chi tzij chi niqapaba-qi' chuwech ri wineq ri rucha'on ri Dios. Y wi ta keri' niqaben, qayon niqaya-qi' pa ruk'ayewal.

1 Corintios 10:10

Ek'o ch'aqa' roma xexebeloj chirij, roma ri' ri Dios xuteq-pe jun ángel richin xerukamisaj. Roma ri' roj man k'a qojxebeloj chirij ri Dios.

1 Tesalonicenses 4:8

Y wi k'o jun ri chi'ikojol ri xa man nrak'axaj ta ronojel ri xqabij yan qa chiwe, man ja ta roj o jun ta chik wineq ri nretzelaj ri ruch'abel. Xa kan nretzelaj ri ruch'abel ri Dios, ri xya'on-pe ri Loq'olej Espíritu qik'in.

1 Sam 8:7

Y ri Jehová xubij k'a chire: Tanimaj kitzij ri tinamit rik'in ronojel ri nikibij chawe, roma man ja ta rat ri yatkimalij kan, xa ja yin ri yinkimalij kan richin man ninq'et ta chik tzij pa kiwi'.