Ex 16:3 - Kaqchiquel Bible

³ y nikibila' k'a chike: K'ate' ta xojrukamisaj kan ri Jehová pan Egipto, roma noqaqa chiqak'u'x toq oj tz'uyul richin yojwa' qasurin rij ri bojo'y ri k'o ti'ij chupan y kan jebel k'a yojwa'. Y jak'a re wakami xa xojak'en-pe wawe' pa tz'iran ruwach'ulew xaxe richin chi qonojel yojken roma wayjal, xecha'.

Ex 16:3 Iomraidhean Croise

2 Sam 18:33

Y toq ri David xrak'axaj ri', xpe k'a jun nimalej q'axo'n pa ránima. Xjote' k'a el chupan ri jay ri k'o pa ruwi' ri okibel richin ri tinamit. Y rokik jotol-el janila k'a noq' y nubij: ¡Nuk'ajol Absalón, nuk'ajol, nuk'ajol Absalón, k'ate' ta yin xiken pan ak'exel rat nuk'ajol!, xcha'.

Wuj Richin ri Achin Job 3:1

K'ari' ri Job xch'on k'a, y rija' kan xretzelaj k'a ri q'ij toq xalex;

Wuj Richin ri Achin Job 3:10

Itzel k'a ri q'ij ri' roma kan man xuben ta chire ri nte' chi man ta xinalex, y man xuben ta chire ri runaq' taq nuwech chi man ta nintz'et re tijoj-poqonal re'.

Wuj Richin ri Achin Job 3:20

¿Achike na roma toq ek'o ri k'a e k'es na y xa nikitej poqon, y k'a e k'es na chuqa' ri k'eyurneq kik'aslen?

Wuj Richin Bix Chire ri Dios 107:5

Rik'in k'a wayjal y chaqi'j-chi'ij, ri kánima kan nimayamo' yan qa.

Wuj Richin Bix Chire ri Dios 78:19

Xech'on chirij ri Dios y xkibij: ¿Nitikir kami ri Dios nuya' qaq'utun wawe' pa tz'iran ruwach'ulew?

Wuj Richin Bix Chire ri Dios 78:25

Kan ja ri kiway ri aj-chikajil ri xkitej ri winaqi' ri'; kan pa ruk'iyal k'a ri xuteq-pe richin jebel xnoj kipan.

Ex 14:11

Y chuqa' xkibij k'a chire ri Moisés: ¿Kan maneq kami ri akuchi ta xojmuq-wi pan Egipto, richin chi xojawelesaj na pe richin chi xa wawe' pa tz'iran ruwach'ulew yojken-wi kan? ¿Achike roma kere' xaben chiqe, chi xojawelesaj-pe pan Egipto?

Ex 17:3

Y ri winaqi' kan janila k'a xchaqi'j kichi' ri chiri' y xa xexebexot chirij ri Moisés y xkibij chire: ¿Achike roma xojawelesaj-pe pan Egipto, xaxe richin yojken kan roma chaqi'j-chi'ij qonojel roj, ri qalk'ual y ri qawej?, xecha'.

Ex 2:23

Toq q'axineq chik k'iy q'ij, ri rey richin Egipto xken. Man rik'in ri' ri winaqi' israelita kan k'a yejilon na roma ri ilinri'il ri k'o pa kiwi' y xech'on k'a rik'in ri Dios. Y rija' kan xrak'axaj k'a ri kich'abel, roma kan janila nikitej poqon chupan ri ilinri'il ri'.

Ex 5:21

Y ri aj-raqen ri' xkibij chike ri Moisés y ri Aarón: Ja ri Jehová xtuq'et-tzij pan iwi', roma ri yixajin chubanik roma ja rix ri k'o imak chi ri rey y ri e rusamajela', man yojqa' ta chik chikiwech, y kan jak'a rix ri xixbanon chi xkichop ri ki-espada richin yojkikamisaj, xecha'.

Wuj Richin ri Jeremías 2:6

Rije' kan man xoqaqa ta k'a chikik'u'x akuchi ink'o-wi yin ri xinelesan-pe kichin pan Egipto y xenyuqej chupan ri tz'iran ruwach'ulew; jun ruwach'ulew nojineq rik'in nimalej taq siwan, ruwach'ulew akuchi maneq ya' y akuchi chi'anin yaken, jun ruwach'ulew akuchi man jun wineq niq'ax y ni man jun nik'oje' chiri'.

Wuj Richin ri Jeremías 42:14

y nibij chi rix kan niwajo' yixk'oje' pa ruwach'ulew Egipto akuchi ri man xtitz'et ta chik oyowal, ni man xtiwak'axaj ta chik ri trompeta, ni man xkixken ta roma wayjal,

Wuj Richin ri Jeremías 44:17

Y pa ruwi' ri' roj xa kan xtiqaben ri qach'obon chik. Kan xtiqasuj pom chuwech ri reina richin ri kaj. Chuqa' kan xtiqasuj vino chuwech, achi'el ri qabanon-pe y chuqa' achi'el kibanon-pe ri qate-qatata', ri qa-rey y ri e aj-raqen chupan ri tinamit Jerusalem y ri ch'aqa' chik tinamit richin ri Judá. Y toq xqaben keri', kan pa ruk'iyal ri qaway xk'oje'. Xojkikot y kan utz k'a oj beneq y kan man jun ruk'ayewal ri xpe pa qawi'.

Wuj Richin ri K'uxla'anik 4:9

Kan más wi k'a utz ruwa-kiq'ij ri xeken chi espada chuwech ri xeken roma wayjal. Rije' xa kan eqal-eqal na k'a xpe ri kikamik, roma man jun chik k'o kik'in richin nikitej.

Wuj Richin ri Q'axanri'il 11:15

Wi chaq chupan samaj kere' yinaya-wi, más utz tawelesaj ri nuk'aslen. Wi rat kan qitzij yinawajo', tabana' kere', richin chi man nintej ta chik poqon, xcha'.

Wuj Richin ri Q'axanri'il 11:20

xa kan richin jun ik', kan xtikitej k'a ti'ij k'a toq xtikiben na xib y kan jumul k'a xtikixowaj, roma man xkiya' ta wejqalen yin Jehová ri ink'o chi'ikojol, y xa xe'oq' janila chinuwech y xkibij chi achike roma xe'el-pe pa ruwach'ulew Egipto. Keri' tabij chike, xcha' ri Jehová.

Wuj Richin ri Q'axanri'il 14:2

Y konojel k'a xkichop yech'on chirij ri Moisés y chuqa' chirij ri Aarón y nikibila' k'a: Más ta utz xa ta xojken kan pan Egipto, o re wawe' pa tz'iran ruwach'ulew.

Wuj Richin ri Q'axanri'il 14:3

¿Achike roma toq ri Jehová nrajo' yojrukusaj chupan ri jun ruwach'ulew ri'? Roma xaxe nibeqaliba-qi' chutza'n espada. Y ri qixjayilal y ri qalk'ual ri ek'o, xaxe richin yebeqajacha' kan pa kiq'a' ri e etzelanel qichin. Más utz nuben chiqe roj wi yojtzolej chik el pan Egipto.

Wuj Richin ri Q'axanri'il 16:13

Roma man xaxe ta xojawelesaj-pe ri pa ruwach'ulew ri akuchi jebel xojwa' y wakami nawajo' yojakamisaj kan chi wayjal chupan re tz'iran ruwach'ulew re'. Y man xaxe ta ri', roma kan nawajo' chi yak'oje' pa qawi', richin yapa'e' chiqij rik'in ri aq'atbel-tzij.

Wuj Richin ri Q'axanri'il 16:41

Jak'a pa ruka'n q'ij chire ronojel ri', kan konojel ri winaqi' richin ri tinamit xexebeloj yan chik chikij ri Moisés y ri Aarón, y nikibila' k'a: Ja rix xixkamisan kichin ri winaqi' richin ri Jehová, yecha'.

Wuj Richin ri Q'axanri'il 21:5

Roma ri' rije' itzel xech'on chik chirij ri Dios y chirij ri Moisés y xkibij: ¿Achike roma toq xojawelesaj-pe pan Egipto xaxe richin yojken kan wawe' pa tz'iran ruwach'ulew? Roma xa kan maneq k'a qaway, maneq k'a qaya', y re wey re naya' chiqe re wawe' xa nimulun chik qak'u'x roma y kan man yojruchop ta chuqa', xecha'.

Hechos 26:29

Ri Pablo xubij chire: Wi chi'anin o man chi'anin ta, ri Dios xtuben ta k'a chawe achi'el xuben wik'in yin. Jak'a man nurayibel ta chi yixtz'apex pa cárcel, achi'el banon chuwe yin, ri in ximil rik'in cadena, xcha' ri Pablo.

1 Corintios 4:8

Rix nina' chi k'o chik ronojel iwik'in, y man jun chik ri nik'atzin chiwe. Nina' chi kan k'o chik q'atbel-tzij pan iq'a', y roj man yojk'atzin ta chiwe. Jebel ta ri' wi ta kan k'o chik q'atbel-tzij pan iq'a', richin chi roj yojok ta chuqa' q'atoy taq tzij iwik'in rix.

2 Corintios 11:1

Nink'utuj k'a utzil chiwe chi kinikoch'o' chik juba', rik'in ri nuch'ujerik, roma k'a k'o ri ninwajo' ninbij chiwe.

Deut 28:67

Y kan ronojel k'a ri ye'itz'et, kan xtik'en rukiy. Ri paq'ij xtibij chi k'ate' ta k'a niq'equmer yan qa, y ri chaq'a' xtibij chi k'ate' ta niseqer yan pe, roma ri nimalej xibinri'il ri xtik'oje' iwik'in.

Deut 8:3

Stape' xuben chiqe richin xqatej wayjal, k'ari' xuteq-pe ri aj-chikajil-wey chiqe, ri ni roj ni ta ri qati't-qamama' man jun bey qatz'eton, richin nuk'ut chiqawech chi man xaxe ta rik'in wey yojk'ase-wi xa kan rik'in chuqa' ri ruch'abel ri Dios.

Wuj Richin ri Josúe 7:7

K'ari' ri Josué xubij: ¡Ajaw Jehová! ¿Achike roma xak'owisaj-pe re tinamit re' chupan ri raqen-ya' Jordán? ¿Xaxe kami richin yojajech chike ri amorreo richin yojkik'is? K'ate' ta xojk'oje' ta kan ri juk'an-apo chire ri raqen-ya' Jordán.