Ex 15:8 - Kaqchiquel Bible

⁸ Xa rik'in ok ri kaq'iq' ri nel pan atza'n, xumol-ri' ri ya'. Ri ya' ri janila nisilon, xuben achi'el tz'aq ri pa taq ruxikin ri ruxe-qa ri ya' kan chi'anin k'a xkowir.

Ex 15:8 Iomraidhean Croise

2 Sam 22:16

Xeri' xbeq'alajin-pe ri nima'q taq siwan ri ek'o chupan ri palou, y kan xtz'etetej k'a ri ruxe' ri ruwach'ulew. Ronojel re' xa roma ri ruch'abel ri Jehová, roma ri nimalej ruxla'.

Wuj Richin ri Achin Job 4:9

Y ja winaqi' re' ri xkerukamisaj ri Dios rik'in ri kaq'iq' ri nel-pe pa ruchi'; y kan xkeruk'is k'a el jumul rik'in ri xkeruxupuj-el rik'in royowal.

Wuj Richin Bix Chire ri Dios 33:7

Ja rija' xmolon ruchi' ri ya' richin xuya' pa taq kik'ojelibal. Xumol ruchi' ri ya' richin xuya' pa taq yakbel-ya'.

Wuj Richin Bix Chire ri Dios 78:13

Ri Dios kan xuch'er k'a ri palou y xeruq'axaj chupan. Xuq'et k'a ri ya', y kan achi'el tz'aq xuben chire.

Ex 14:29

Jak'a ri winaqi' israelita, pa chaqi'j xeq'ax chupan ri Kaqa-Palou y ri ya' kan achi'el k'a tz'aq ri xuben pa kijkiq'a' y pa kajxokon.

Wuj Richin ri Isaías 11:4

Xtuq'et k'a tzij pa ruchojmilal pa kiwi' ri man jun k'o kik'in, chuqa' kan pa ruchojmilal xtuq'et-tzij pa kiwi' ri man kinimirisan ta ki'. Ronojel ri xtubij, jari' ri xtibanatej chupan chijun ruwach'ulew, Y rija' kan xkerukamisaj k'a konojel ri e banoy taq etzelal.

Wuj Richin ri Isaías 37:7

Rija' kan xtuben chire ri rey aj-Asiria richin nrak'axaj jun itzel rutzijol, xaxe richin titzolej pa ruruwach'ulew. Y toq xtapon chiri', ri Dios xtukamisaj, xcha' ri Isaías.

Wuj Richin ri Habacuc 3:10

Toq ri juyu' xatkitz'et, kan xkixibij-ki'. Xq'ax k'a ri nimalej raqen-ya' richin ri job. Ri palou kan niwajin k'a, rokik ri ya' nibolqo't y rik'in uchuq'a' nipa'e' chikaj.

Wuj Richin ri Habacuc 3:15

Xabiyin k'a pa ruwi' ri palou, achi'el xa ta at ch'okol-el chirij jun kiej.

2 Tesalonicenses 2:8

jari' toq xtibek'ulun-pe ri itzel achin ri', jak'a ri ajaw Jesús xa xtuxupuj-el richin xtukamisaj, toq xtipe chik jun bey rik'in ri rusaqil ri ruk'ojlemal.

Wuj Richin ri Josúe 3:13

Y toq ri e sacerdote ri e uk'uayon ri káxa richin ri Jehová ri rajaw chijun ri ruwach'ulew xkepa'e' chupan ri raqen-ya', ri ya' ri' kan xtich'aratej, roma ri ya' ri xulan-pe kan xtipa'e' y xtumol-ri', xcha'.

Wuj Richin ri Josúe 3:16

ri ya' ri xulan-pe xpa'e' y xumol kan ri', y ri akuchi xumol kan ri' ri ya' ri', kan janila nej chike rije' y chunaqaj ri tinamit rubini'an Adam ri k'o chunaqaj ri jun chik tinamit rubini'an Saretán, ri ya' ri beneq pa xulan xapon k'a chupan ri Tzayi-Choy y ri winaqi' xeq'ax-apo pa chaqi'j pa ruchojmilal ri tinamit Jericó.