Ex 15:5 - Kaqchiquel Bible

⁵ Ri palou ri' xerumuq k'a; xebek'oje' kan chuxe', achi'el ri abej.

Ex 15:5 Iomraidhean Croise

Wuj Richin ri Nehemías 9:11

Chuqa' xach'er k'a ri ya' ri' chikiwech rije' richin pa chaqi'j xe'ik'o-wi. Jak'a ri e oqotey kichin xaben chi xejiq' pa ruk'u'x ri ya' achi'el jun abej.

Wuj Richin Bix Chire ri Dios 106:11

Ri ya' kan xumuq k'a kij ri e etzelanel kichin. Kan man jun k'a chike rije' ri xk'ase' ta kan.

Ex 14:28

Toq ri ya' ri' xutz'apej-ri', kan xqaqa-wi pa kiwi' ri carruaje, ri kiej y pa kiwi' ri aj-labal ri e richin ri rey ri xe'ok-apo chikij ri israelita chupan ri Kaqa-Palou y kan man jun k'a chike rije' ri xkolotej ta kan.

Ex 15:10

Jak'a rat Jehová Dios xateq-pe ri nimalej kaq'iq'; y ri palou xerumuq kan rije'. Y choj xebe chuxe' ya' achi'el nuben ri chajipueq; choj xebe chuxe' ri ya', ri kan xbusku'l-qa chikij.

Ex 15:16

Xtiqaqa nimalej xibinri'il pa kiwi', roma ri ruchuq'a' ri aq'a', Roma ri' xkememur, achi'el jun abej, ri man jun nitikir nubij. k'a toq q'axineq chik na ri atinamit rat Jehová. K'a toq q'axineq chik na re tinamit re xakol-pe.

Wuj Richin Etamabel-Tzij 8:24

Yin kan yisamej chik k'a toq man jani ek'o ta ri siwan chupan ri nimalej taq palou, toq kan k'a man jani ek'o ta ri kalaxbal ri nimalej taq raqen-ya'.

Ez 27:34

Wakami xa kan xwuluwu' y xbe chuxe' ri ya'. Y chuqa' kan xbe-qa k'a chuxe' ri ya' ronojel ri k'o rik'in, y konojel ri winaqi' kan xebe-qa chuxe' ri ya' junan rik'in ri beyomel ri'.

Wuj Richin ri Jonás 2:2

Y kere' k'a xubij: Chupan ri nuq'axo'n xich'on awik'in rat, Jehová, y kan xinawak'axaj k'a. Toq xik'oje' chuwi' kamik xich'on awik'in, y kan xawak'axaj ri nuch'abel.

Wuj Richin ri Miqueas 7:19

Tabana' utzil tajoyowaj chik k'a qawech, y tamestaj ronojel ri qamak. Ronojel ri itzel taq qabanobal tak'aqa-el chupan ri palou.

San Mateo 18:6

Xabachike k'a wineq ri xtibanon chi nimakun ri más ruqasan-ri' chike ri yetzeqeliben wichin, ri nibanon ri etzelal ri', más ta utz xa nixim-el chuqul jun nimalej abej richin ke'en, y keri' nik'aq chupan ri palou.

Apocalipsis 18:21

Y jari' k'a toq jun ángel ri kan janila ruchuq'a', xberuli'ej-pe jun nimalej abej richin nuke'ej trigo. K'ari' ri ángel ri' rik'in ronojel ruchuq'a' xuk'eq ri abej ri' chupan ri palou, y xubij: Kere' xtiban chire ri Babilonia richin chi tik'is jumul. Ri tinamit ri' man xtitz'etetej ta chik.