Ex 15:1 - Kaqchiquel Bible

¹ K'ari' ri Moisés y konojel ri ruwinaq xkibixaj ri rubi' ri Jehová y kere' k'a nubij ri bix ri xkibixaj: Xtiqabixaj k'a rubi' ri Jehová, roma rija' kan xq'alajin chi k'o ruq'ij-ruk'ojlen. Xuben chike ri kiej y ri e ch'okolibeyon kichin chi xemuqutej kan chupan ri palou.

Ex 15:1 Iomraidhean Croise

Wuj Richin ri Nehemías 9:11

Chuqa' xach'er k'a ri ya' ri' chikiwech rije' richin pa chaqi'j xe'ik'o-wi. Jak'a ri e oqotey kichin xaben chi xejiq' pa ruk'u'x ri ya' achi'el jun abej.

Wuj Richin ri Achin Job 36:24

Kan toqaqa k'a chi'ak'u'x rat chi nanimirisaj ruq'ij ri Dios, roma ri nima'q taq rubanobal, kan achi'el ri kibanalon-pe ri wineq, ojer ri'.

Wuj Richin Bix Chire ri Dios 105:43

Xrelesaj k'a pe ri rutinamit rik'in kikoten. Y rik'in k'a raqoj-chi'ij richin kikoten xe'el-pe chiri' ri e rucha'on rija'.

Wuj Richin Bix Chire ri Dios 106:12

K'ari' rije' xkikuquba' kik'u'x rik'in ri ruch'abel. K'ari' xkibixaj ri rubi'.

Wuj Richin Bix Chire ri Dios 107:15

Rije' k'o chi nikimatioxij chire ri Jehová, roma ri rajowabal man k'isel ta, y roma ri nima'q taq banobel ri nuben kik'in ri winaqi'.

Wuj Richin Bix Chire ri Dios 107:8

Rije' k'o chi nikimatioxij chire ri Jehová, roma ri rajowabal man k'isel ta, y roma ri nima'q taq banobel ri nuben kik'in ri winaqi'.

Wuj Richin Bix Chire ri Dios 32:7

Ja rat ri at nutobal. Kan xkinato' k'a chuwech ri bis. Kan xtaben k'a chuwe richin xkibixan roma kikoten.

Wuj Richin Bix Chire ri Dios 76:6

Rik'in ri ach'olinik rat Jehová, kan xek'is k'a ri ki-carruaje y ri kikiej.

Wuj Richin Bix Chire ri Dios 76:7

Kan xaxe wi k'a rat ri k'o akiy ¿Achike ta k'a wineq xtitikir xtupaba-ri' chawech toq awoyowal?

Ex 14:26

Jari' toq ri Jehová xubij chire ri Moisés: Tayaka' ri aq'a' pa ruwi' ri Kaqa-Palou, richin chi ri ya' ri' kerumuqu' la aj-Egipto, la achi'a' e ch'okol chirij kiej y la ki-carruaje chuqa', xcha'.

Ex 14:27

Y jari' toq ri Moisés xuyek k'a ri ruq'a' pa ruwi' ri ya' ri' y kan jari' toq ri ya' rik'in ruchuq'a' xtzolej pa ruk'ojelibal chupan ri jun nimaq'a' ri'. Y ri aj-Egipto nikikanoj k'a achike rubanik nikiben richin ye'animej, jak'a ri ya' man xuya' ta chik q'ij chike; keri' xuben ri Jehová kik'in ri aj-Egipto pa runik'ajal ri Kaqa-Palou.

Ex 15:21

Y ri María kere' k'a ri xubixaj: Qojbixan chire ri Jehová qonojel, roma jun jebelej ch'akoj ri xuben. Rija' xuben chike ri kiej y ri e ch'okolibeyon kichin, chi xemuqutej kan chupan ri ya'.

Ex 18:11

Wakami jebel k'a xq'alajin chinuwech chi ja ri Jehová jari' ri más nim chikiwech ri ch'aqa' chik dios, roma xuya' rutojbalil pa kiwi' ri winaqi' ri nim xkina-ki', roma xekiya' pa tijoj-poqonal ri israelita, xcha'.

Wuj Richin Etamabel-Tzij 29:6

Chire ri wineq itzel, ri rumak kan jun pikbel ri nichapo richin; jak'a ri wineq utz, kan nik'ases ri ránima y nikikot chupan ri ruk'aslen.

Wuj Richin ri Isaías 42:10

Tiqabixaj k'ak'a' bix chire ri Jehová, y chuqa' chijun ruwach'ulew ri ek'o janila nej. Kixbixan chuqa' chi'iwonojel rix ri yixbiyin pa ruwi' ri palou, konojel ri winaqi' ri ek'o pa taq'aj ruwach'ulew, y konojel chikopi' ri ek'o pa ya'.

Wuj Richin ri Jeremías 51:21

Ja rix ri xixinkusaj richin xe'ik'is ri kiej y ri yech'oke' chikij taq kiej, y richin chuqa' xenk'is ri carruaje y ri ye'uk'uan kichin.

Os 2:17

Xtinwelesaj k'a pa ruchi' ri kibi' ri ch'aqa' chik dios. Kan man jun bey chik k'a xtunataj ri kibi'.

Wuj Richin ri Q'axanri'il 21:17

Ja k'a toq xbanatej ri', jari' toq ri winaqi' israelita xkibixaj k'a re jun bix re': ¡Xabulbu'x-pe ya' chupan ri pozo! ¡Roma ri' yatqak'ul k'a rik'in bix!

Colosenses 2:15

Y rik'in ri' xq'alajin chi ri Cristo k'o más ruchuq'a' chikiwech ri ángel, y ri k'o uchuq'a' pa kiq'a' ri ek'o pa kaq'iq'. Toq xken chuwech cruz, xuqasaj kiq'ij y xeruxim-el konojel richin xetzeqe-el chirij achi'el xeruchop-pe pan oyowal.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.