Ex 13:9 - Kaqchiquel Bible

⁹ Y re' kan man xtiqamestaj ta k'a y kan xtuben chiqe chi kan achi'el jun etal chirij ri qaq'a' y ri nik'aj-qawech, richin keri' ri rupixa' ri Jehová kan jantape' xtoqaqa chiqak'u'x, roma ri Jehová rik'in ri nimalej ruchuq'a' xojrelesaj-pe pan Egipto.

Ex 13:9 Iomraidhean Croise

Wuj Richin ri Nehemías 1:10

Y ri xaben kik'in ri qate-qatata' chi xe'akol rik'in ri nimalej y janila awuchuq'a', keri' tabana' qik'in roj ri atinamit.

Wuj Richin Bix Chire ri Dios 136:11

Chuqa' xerelesaj-pe ri qati't-qamama' chikikojol rije': Roma ri rujoyowanik rija' kan richin jantape'.

Wuj Richin Bix Chire ri Dios 136:12

Xuben ronojel re' rik'in nimalej uchuq'a': Roma ri rujoyowanik rija' kan richin jantape'.

Wuj Richin Bix Chire ri Dios 89:13

Ri aq'a' rat kan k'o-wi ruchuq'a'. Y rat kan at ch'akonel.

Ex 12:14

Y re q'ij re' kan k'o chi xtinimaq'ijuj rix, chuqa' keri' xtikiben ri iwijatzul ri xkepe chi wiq chi tanaj. Kan keri' k'a ri k'o chi niben richin jantape'.

Ex 12:41

Y kan chupan k'a ri ruk'isibel q'ij richin ri 430 juna' ri', jari' toq ri tzobaj richin ri tinamit Israel, xe'el-el ri chiri'.

Ex 13:14

Y toq ri chua'q-kabij xtikik'utuj chiqe ri qalk'ual chi achike roma kere' niqaben, roj xtiqabij k'a chike: Roj janila k'a k'iy juna' ri xojyuqe' pa samaj ri pan Egipto y k'a ja na ri Jehová ri xkolon-pe qichin, rik'in ri nimalej ruchuq'a' rija'.

Ex 13:16

Y re' kan man xtiqamestaj ta k'a, y kan xtuben chiqe chi kan achi'el jun etal chirij ri qaq'a' y ri nik'aj-qawech, roma ri Jehová rik'in ri nimalej ruchuq'a' xojrelesaj-pe pan Egipto, xcha'.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Ex 3:20

Roma ri', yin kan xtinben chi xtiqaqa ruk'ayewal pa ruwi' ri Egipto, kan xtinben chi xkebanatej banobel ri man jun bey e tz'eton ta. K'a chirij ri' xtuya-el q'ij chiwe richin xkixbe.

Ex 7:4

Ri rey kan man xkixrak'axaj ta k'a. Jak'a yin kan xtink'ut k'a ri nimalej wuchuq'a' pa ruwi' ri Egipto rik'in nima'q taq ruk'ayewal. Y pa taq tzobaj k'a xkixinnuk' richin xkixinwelesaj-el rix ri ix nutinamit.

Wuj Richin Etamabel-Tzij 1:9

Roma re' kan xke'ok jun wiqobel ri nik'oje' pan ijolon, kan xke'ok k'a chuqa' achi'el jun ichinaj ri nikiwiq jebel ri ruwa taq ik'u'x.

Wuj Richin Etamabel-Tzij 3:21

Rix walk'ual alaboni', kan jantape' k'a tik'oje' ri na'oj y ri utzilej ch'obonik iwik'in, kan man tiya' q'ij richin chi nisach-el chiwech.

Wuj Richin Etamabel-Tzij 7:23

Y ri' nunabej k'a, toq ri rusase' xkuyu yan roma jun ch'ab; nuben k'a achi'el nuben jun tz'ikin ri choj niberuya-ri' pa pikbel, y man retaman ta chi chiri' niberujacha' kan ri ruk'aslen.

Wuj Richin ri Nimalej Bix 8:6

Kan kinaya' k'a pan awánima. Kan tabana' chuwe achi'el jun awetal chirij ri aq'a', roma ri ajowabel más ruchuq'a' chuwech ri kamik, y chuwech ri jul richin muqbel. Ri ajowabel kan achi'el jun nimalej q'aq'.

Wuj Richin ri Isaías 27:1

Chupan ri q'ij ri' ri Jehová kan xtuya' ruk'ayewal rik'in ri ru-espada, pa ruwi' ri nimalej chikop ri k'o pa palou. Xtukamisaj ri dragón ri k'o chupan ri palou, rik'in jun espada ri janila rey.

Wuj Richin ri Isaías 40:10

Kan xtoqaqa k'a ri Jehová k'iytisanel richin ronojel, y kan qonojel k'a xqojk'oje' chuxe' ri ruq'atbal-tzij rija'. Kan k'o k'a sipanik ri xtuk'en-pe. Y xtipe richin noruya' ri utzilej rajel ruk'exel.

Wuj Richin ri Isaías 44:5

Rije' xtikibij chi ri e israelita, kan e wichin yin. Chuqa' xtikitz'ibaj chirij ri kiq'a' ri nubi' yin.

Wuj Richin ri Isaías 49:16

Yin kan jantape' ixk'o pa wánima, achi'el xa ta tz'iban ri ibi' pa nuq'a'. Kan jantape' k'o chinuk'u'x ri tz'aq ri sutiyon-iwij, richin jantape' choj ek'o.

Wuj Richin ri Isaías 51:9

Y ri winaqi' nikibij: Jak'a rat Jehová, kan takusaj k'a ri awuchuq'a'. Kan takusaj achi'el xakusaj ri ojer kan kik'in ri winaqi' chi wiq chi tanaj. Ja rat xak'ajin richin ri Rahab*f12* y xakamisaj ri nimalej chikop ri'.

Wuj Richin ri Isaías 59:21

Pa ruwi' ronojel re' ri Jehová xubij: Yin kan xtinben jun jikibel-tzij iwik'in, chi ri nu-Espíritu kan man xtel ta chik iwik'in rix, y ri nutijonik ri ik'ulun, kan man xtimestaj ta kan, y ni ta kik'in ri iwijatzul richin tibe-q'ij tibe-seq, xcha'.

Wuj Richin ri Jeremías 22:24

Yin Jehová ri k'aslik Dios, yich'on pa ruwi' ri rey Jeconías*f8* ruk'ajol ri Joaquim. Stape' rija' kan k'o ta janila rejqalen achi'el ri lipq'a' ri k'o chirij ri ruwi' nuq'a' ri k'o pa wijkiq'a', yin kan xtinwelesaj-el chupan ri ruq'atbal-tzij roma ri rumak.

Dn 9:15

Wakami k'a, Ajaw qa-Dios roj, ja rat ri xatelesan-pe richin ri atinamit pan Egipto rik'in ri nimalej awuchuq'a', y roma ri' kan janila xanimirisaj ri abi', y kan keri' ri abanon-pe. Man rik'in ri' roj kan oj makuwineq-wi chawech; kan qabanon k'a ri itzel taq banobel.

Joel 2:11

Ri Jehová kan ik'owineq chikiwech ri nikiben oyowal pa rubi' rija'; kan nuben chi niq'alajin ri ruch'abel chikij. Kan man e ajlatel ta ri ek'o rik'in, ri nikiben ri nubij rija' kan janila kuchuq'a'. Roma kan janila nim ri q'ij richin ri Jehová, kan nuya' janila xibinri'il. Y re' kan man jun nikoch'on.

Wuj Richin ri Q'axanri'il 15:39

Ri retz'aba'l ri ruchi' ri itziaq ri' kan xtik'atzin k'a chiwe richin toq nitzu-qa, noqaqa chi'ik'u'x ronojel ri nupixa' ri nuya'on chiwe yin y xkixok k'a nimey taq tzij y man xtiben ta ri itzel taq rayinik ni man xtitzu' ta chik ruwech.

San Mateo 23:5

Rije' nikibanala' k'a ri utz, jak'a man richin ta chi utz nikiben chuwech ri Dios. Rije' xaxe richin chi ketz'et y kenimex koma ri winaqi'. Y tikitz'eta' k'a ri retal ri kik'uan chirij ri kiq'a' y ri nik'aj-kiwech, ri ek'o mokaj ruch'abel ri Dios chupan. Y chuqa' más nima'q raqen nikibanala' chire ri retz'aba'l ruchi' taq kitziaq retal chi kan kijachon-ki' pa ruq'a' ri Dios.

Romanos 10:8

Jak'a ri yojqa' chuwech ri Dios niqabij: Ri ch'abel man nej ta k'o-wi chawe rat; xa pan awánima k'o-wi, y pan achi' chuqa', yojcha'. Y ja ch'abel ri' richin kuqubabel-k'u'x rik'in ri Cristo ri niqatzijoj roj.

Deut 30:14

Man keri' ta, roma ri ch'abel kan naqaj chiqe roj k'o-wi, kan qetaman chik y k'o chik pa taq qánima richin niqataqej.

Deut 5:15

Toqaqa k'a chi'ik'u'x toq xixxime' pa samaj pan Egipto, y yin Jehová ri in i-Dios rik'in k'a wuchuq'a' xixinwelesaj-pe, y roma ri xinben iwik'in, roma ri' k'o chi nichajij ri q'ij richin uxlanen.

Deut 6:21

Rix xtibij chike: Roj xojxime' pa samaj kik'in ri aj-Egipto, jak'a ri Jehová xojrelesaj-pe chiri' rik'in ri nimalej ruchuq'a'.

Deut 6:6

Kan tiya' k'a pan iwánima ronojel ri ch'abel ri xinbij chiwe wakami;

Deut 6:8

Kan tixima' chirij ri iq'a' re ruchojmilal re' y keri' chuqa' tixima-el nik'aj iwech richin jun retal.

Apocalipsis 18:8

Y roma ri', xa kan pa jun q'ij k'a xkepe ronojel ruwech ruk'ayewal pa ruwi'; kamik, oq'ej y wayjal. Y pa ruk'isibel xa xtiya'ox ruq'aq'al roma ri niq'aton-tzij pa ruwi' kan ja ri ajaw Dios ri kan k'o ronojel uchuq'a' pa ruq'a', xcha'.

Wuj Kichin ri To'onela' 2:12

Xkiya' k'a kan ri Jehová ri ki-Dios ri kati't-kimama' ri xelesan-pe kichin pa ruwach'ulew Egipto, y xa xekitzeqelibej ri ch'aqa' chik dios, ri ek'o pa taq tinamit chikinaqaj rije', y kan xkiya' kiq'ij; y rik'in ri' xkiyek royowal ri Jehová.