Ex 13:3 - Kaqchiquel Bible

^3-4 Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Ex 13:3 Iomraidhean Croise

Wuj Richin ri Rutikeribel 15:16

Y ri rukaj sol chire ri awijatzul xketzolin chik pe chupan re ruwach'ulew re', roma man jani tik'o ruwi' ri kimak ri rijatzul ri Hamor richin ninwelesaj ri ruwach'ulew chike, xcha' ri Dios.

1 Crón 16:12

Kan toqaqa k'a chiqak'u'x ronojel ri meyel taq rubanobal ri rubanon qik'in, Man tiqamestaj ri rubanobal ri xaxe qik'in roj xuben-wi. Kan toqaqa k'a chiqak'u'x ri ruchojmilal ri rubin chiqe.

Wuj Richin ri Nehemías 1:10

Y ri xaben kik'in ri qate-qatata' chi xe'akol rik'in ri nimalej y janila awuchuq'a', keri' tabana' qik'in roj ri atinamit.

Wuj Richin Bix Chire ri Dios 105:5

Toqaqa chiqak'u'x ri meyel taq banobel ri rubanon rija'. Toqaqa chiqak'u'x ri pixa' ri eleneq pa ruchi'.

Wuj Richin Bix Chire ri Dios 114:1

Toq ri winaqi' israelita xe'el-pe pan Egipto, toq ri e rijatzul kan ri Jacob xe'el-pe chupan ri ruwach'ulew ri xa man kichin ta rije',

Wuj Richin Bix Chire ri Dios 136:11

Chuqa' xerelesaj-pe ri qati't-qamama' chikikojol rije': Roma ri rujoyowanik rija' kan richin jantape'.

Wuj Richin Bix Chire ri Dios 136:12

Xuben ronojel re' rik'in nimalej uchuq'a': Roma ri rujoyowanik rija' kan richin jantape'.

Wuj Richin Bix Chire ri Dios 89:14

Rat kan jantape' k'a naq'et-tzij pa ruchojmilal y jantape' naben ri nabij, ri awajowabal kan nitz'etetej.

Ex 12:15

Wuqu' q'ij k'a xtitej kaxlan-wey ri maneq ch'amilej-q'or rik'in. Roma ri' kan ja yan ri pa nabey k'o chi niwelesaj-el ronojel ch'amilej-q'or ri k'o pan iwachoch. Roma xabachike ri xtitijo kaxlan-wey ri k'o ch'amilej-q'or rik'in chupan ri wuqu' q'ij, kan xtelesex k'a el chi'ikojol.

Ex 12:17

Kan xtinimaq'ijuj k'a ri q'ij richin ri nimaq'ij richin ri kaxlan-wey ri maneq ch'amilej-q'or rik'in, roma chupan ri q'ij ri' xixinwelesaj-pe pa ruk'ayewal ri chiri' pan Egipto. Y roma ri' kan xtichajij k'a re jun pixa' re'. Chi wiq chi tanaj kan kere' k'a xtiben beneq ruwech.

Ex 12:19

Wuqu' q'ij k'a man nik'oje' ta ch'amilej-q'or pan iwachoch, roma wi jun iwinaq o jun chike ri man iwinaq ta, ri nutej ta kaxlan-wey ri k'o ch'amilej-q'or rik'in, kan xtelesex k'a el chi'ikojol.

Ex 12:2

Re ik' re' kan xtok ri nabey ik' chire ri juna' ri kan iwichin rix.

Ex 12:41

Y kan chupan k'a ri ruk'isibel q'ij richin ri 430 juna' ri', jari' toq ri tzobaj richin ri tinamit Israel, xe'el-el ri chiri'.

Ex 12:42

Y ri aq'a' ri' ri Jehová kan xk'oje' k'a kik'in, richin yeruchajij, richin xerelesaj-pe ri israelita pan Egipto. Y roma ri' ri israelita ronojel juna', nikinimaq'ijuj y yek'ase' chi jun aq'a'. Keri' k'a nikiben chi wiq chi tanaj.

Ex 12:8

Chupan ri aq'a' ri' xtitej sa'on ti'ij. Xtitej chuqa' kaxlan-wey ri maneq ch'amilej-q'or rik'in y k'ayilej-ichaj.

Ex 13:14

Y toq ri chua'q-kabij xtikik'utuj chiqe ri qalk'ual chi achike roma kere' niqaben, roj xtiqabij k'a chike: Roj janila k'a k'iy juna' ri xojyuqe' pa samaj ri pan Egipto y k'a ja na ri Jehová ri xkolon-pe qichin, rik'in ri nimalej ruchuq'a' rija'.

Ex 13:9

Y re' kan man xtiqamestaj ta k'a y kan xtuben chiqe chi kan achi'el jun etal chirij ri qaq'a' y ri nik'aj-qawech, richin keri' ri rupixa' ri Jehová kan jantape' xtoqaqa chiqak'u'x, roma ri Jehová rik'in ri nimalej ruchuq'a' xojrelesaj-pe pan Egipto.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Ex 20:8

Toqaqa k'a chi'ik'u'x ri q'ij richin uxlanen, richin chi nich'er chuwe yin.

Ex 23:15

Xtinimaq'ijuj k'a ri q'ij richin ri kaxlan-wey ri maneq ch'amilej-q'or rik'in y wuqu' k'a q'ij xtitej re jun ruwech kaxlan-wey re', achi'el ri nubin chiwe. Xtiben k'a re nimaq'ij re' chupan ri ik' Abib, roma chupan ri ik' ri' toq xixel-pe pan Egipto. Y kan man jun k'a chiwe rix ri xtipe chinuwech yin y man jun sipanik ruk'amon-pe chuwe.

Ex 3:20

Roma ri', yin kan xtinben chi xtiqaqa ruk'ayewal pa ruwi' ri Egipto, kan xtinben chi xkebanatej banobel ri man jun bey e tz'eton ta. K'a chirij ri' xtuya-el q'ij chiwe richin xkixbe.

Ex 34:18

Kan xtichajij k'a ri nimaq'ij richin ri kaxlan-wey ri maneq ch'amilej-q'or rik'in; wuqu' k'a q'ij xtitej ri kaxlan-wey ri', kan achi'el ri nubin chik chiwe, kan xtinimaq'ijuj k'a chupan ri ik' Abib, roma ja ik' ri' toq xixel-pe pan Egipto.

Ex 6:1

Jari' toq ri Jehová Dios xubij chire ri Moisés: Wakami xtabetz'eta' ri xtinbenbana' rik'in ri rey, rik'in ri wuchuq'a' yin. Rija' xtuya-el q'ij chiwe y xkixroqotaj-el chupan ri rutinamit, xcha' ri Jehová.

Ex 6:6

Wakami k'a kabiyin y tabebij chike ri awinaq: Ja yin Jehová, y ja yin xkinelesan-el iwichin chuxe' ri kowilej taq samaj y xkixtotej k'a el chuwech ri ilinri'il, y rik'in ri nimalej wuchuq'a', yin xtinq'et-tzij pa kiwi' rik'in nima'q taq ruk'ayewal.

Ex 6:7

Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.

Ex 7:4

Ri rey kan man xkixrak'axaj ta k'a. Jak'a yin kan xtink'ut k'a ri nimalej wuchuq'a' pa ruwi' ri Egipto rik'in nima'q taq ruk'ayewal. Y pa taq tzobaj k'a xkixinnuk' richin xkixinwelesaj-el rix ri ix nutinamit.

Wuj Richin ri Jeremías 34:13

Yin Jehová ri i-Dios kere' ninbij: Yin xinben jun jikibel-tzij kik'in ri ite-itata' ri q'ij toq xenwelesaj-pe pa ruwach'ulew Egipto, toq ek'o pa ximonri'il y xinbij chike chi

Dn 9:15

Wakami k'a, Ajaw qa-Dios roj, ja rat ri xatelesan-pe richin ri atinamit pan Egipto rik'in ri nimalej awuchuq'a', y roma ri' kan janila xanimirisaj ri abi', y kan keri' ri abanon-pe. Man rik'in ri' roj kan oj makuwineq-wi chawech; kan qabanon k'a ri itzel taq banobel.

San Mateo 10:12

Y toq k'ari' yixok-apo chupan ri jay ri yixbek'oje-wi kan, kixq'ejelon k'a.

San Lucas 22:19

Keri' chuqa' xuk'en-apo ri kaxlan-wey, y toq rumatioxin chik chire ri Dios, xuper y xuya' chike ri rutijoxela' y xubij: Kan titija' k'a. Roma jare' ri nuch'akul ri kan xtijach pan ik'exel rix. Kan tibana' k'a richin jun natabel wichin yin, xcha'.

1 Corintios 11:24

Y toq rija' rumatioxin chik chire ri Dios, xuper ri kaxlan-wey ri', y xubij chike ri rutijoxela': Tik'ama' y titija' re kaxlan-wey re', roma jare' ri nuch'akul ri kan xtijach pan ik'exel rix. Kan titija' k'a, richin natabel wichin, xcha' ri Jesús.

1 Corintios 5:8

Keri' roj tiqanimaq'ijuj k'a ri q'ij richin ri qasolbelri'il chire ri mak, y ri' ja ri rukamik ri Cristo. Qojok k'a achi'el ri kaxlan-wey ri maneq ch'amilej-q'or rik'in, nel chi tzij chi qojch'on qitzij y tz'aqet ta ri qak'aslen.

Efesios 1:19

Yich'on rik'in pan iwi' roma ninwajo' chi rix chuqa' xtiq'ax ta chiwech chi kan janila nim ri ruchuq'a' ri Dios ri k'o qik'in roj ri qakuquban qak'u'x rik'in. Y ri uchuq'a' ri' junan rik'in ri uchuq'a' ri xukusaj,

Deut 13:10

Kan tik'aqa' k'a chi abej y keri' niken, roma xrajo' xixruch'er kan rik'in ri Jehová ri qa-Dios ri xojelesan-pe pan Egipto ri akuchi xixxime' pa samaj.

Deut 13:11

Richin keri' chijun tinamit Israel xtikak'axaj y xtik'oje' xibinri'il kik'in, richin man jun chik tibanon jun etzelal keri'.

Deut 13:5

Jak'a ri wineq ri nubij chi q'alajirisey ruch'abel ri Dios o k'o ri yerachik'ala' y xa man keri' ta, kan k'o chi nikamisaj, roma xa yixrutaqchi'ij richin nipaba-iwi' chuwech ri Jehová ri qa-Dios ri xojelesan-pe pan Egipto ri akuchi xixxime' pa samaj. Rija' xaxe k'a nrajo' yixruch'er kan chire ri bey ri rubin ri Jehová ri qa-Dios chi nitzeqelibej. Jun wineq keri' kan tikamisex richin tik'is-el ri etzelal chi'ikojol.

Deut 13:6

Y wi ta xa jun inimal, jun ichaq', jun ik'ajol, jun imi'al, o ri iwixjayil o jun iwach'alal ri kan janila niwajo', nutej ruq'ij chiwij pan ewel y nubij chiwe chi tiya' kiq'ij ch'aqa' chik dios ri man jun bey iwetaman ruwech, ni ta ri iwati't-imama' man xketamaj ta chuqa' kiwech.

Deut 15:15

Man timestaj chi roj chuqa' xojxime' pa samaj chiri' pan Egipto, y ri Jehová ri qa-Dios xojrelesaj-pe chiri'. Roma ri' wakami ninbij re jun ruchojmilal re' chiwe.

Deut 16:1

Toq napon ri ik' Abib kan tibana' ri nimaq'ij richin natabel toq ri Jehová xuya' ri Solbelri'il, richin niya' ruq'ij-ruk'ojlen rija', roma chupan jun aq'a' chire ri ik' ri' jari' toq rija' xojrelesaj-pe pan Egipto.

Deut 16:12

Toqaqa k'a chi'ik'u'x chi roj chuqa' xojxime' pa samaj chupan ri ruwach'ulew Egipto, roma ri', kan tibana' k'a ronojel re ninbij chiwe wakami.

Deut 16:3

Ri ti chikop ri' nitej rik'in kaxlan-wey ri maneq ch'amilej-q'or rik'in. Wuqu' k'a q'ij nitej ri kaxlan-wey keri'. Re' nuk'exewachuj ri tijoj-poqonal, roma kan chi'anin k'o chi xojel-pe pan Egipto. Keri', kan chijun k'a ik'aslen toqaqa chi'ik'u'x ri q'ij toq xojel-pe pan Egipto.

Deut 24:18

Man k'a timestaj chi rix chuqa' xixxime' pa samaj pan Egipto, y ri Jehová ri qa-Dios xixelesan-pe chiri'. Roma ri' ninbij chiwe richin kan titaqej ronojel re'.

Deut 24:22

Toqaqa k'a chi'ik'u'x chi rix chuqa' kan man jun xk'oje' iwik'in toq xixk'oje' pan Egipto; roma ri' yin nibij chiwe chi titaqej ronojel re'.

Deut 26:8

Xe'awelesaj-pe pan Egipto rik'in nimalej awuchuq'a'; xe'awelesaj-pe rik'in nima'q y meyel taq banobel. Toq xe'awelesaj-pe, ri aj-Egipto kan xkik'en rukiy.

Deut 4:34

Kan man jun chik k'a dios ri nuben achi'el xuben ri qa-Dios roj, ri xojrucha' chikikojol ri ch'aqa' chik nimalej tzobaj winaqi' achi'el xuben qik'in roj richin xojrelesaj-pe pan Egipto, ri kan rik'in k'iy tejtobenik, rik'in nima'q taq retal, rik'in nima'q taq banobel, rik'in labal y rik'in nimalej uchuq'a'. Rik'in k'a ronojel banobel re' ri kan xe'itz'et rik'in ri runaq' taq iwech, xojrelesaj-wi-pe,

Deut 5:15

Toqaqa k'a chi'ik'u'x toq xixxime' pa samaj pan Egipto, y yin Jehová ri in i-Dios rik'in k'a wuchuq'a' xixinwelesaj-pe, y roma ri xinben iwik'in, roma ri' k'o chi nichajij ri q'ij richin uxlanen.

Deut 5:6

Ja yin Jehová ri i-Dios, ri xinelesan-pe iwichin ri chiri' pan Egipto, akuchi xixyuqe-wi pa samaj.

Deut 6:12

man timestaj k'a ri Jehová ri xixelesan-pe pa ruwach'ulew Egipto, ri akuchi xixxime' pa samaj.

Deut 6:21

Rix xtibij chike: Roj xojxime' pa samaj kik'in ri aj-Egipto, jak'a ri Jehová xojrelesaj-pe chiri' rik'in ri nimalej ruchuq'a'.

Deut 7:8

Ri Jehová ri qa-Dios kan yojrajo', y roma ri' xuben k'a ri rujikiban chik chike ri qati't-qamama'. Rik'in ronojel ruchuq'a' xojrukol-pe pa kiq'a' ri aj-Egipto y xojrelesaj-pe chiri' ri akuchi xqatej-wi poqon roma xojya'ox pa kowilej taq samaj.

Deut 8:14

man tiya' q'ij richin ninimirisaj-iwi' rik'in ronojel ri k'o iwik'in, richin man timestaj ri Jehová ri qa-Dios ri xojelesan-pe pan Egipto ri akuchi xqatej-wi poqon y xojxime' pa samaj.

Deut 9:12

Y ri Jehová xubij chuwe: Kabiyin y kaqaqa-el chi'anin, roma ri tinamit ri xe'awelesaj-pe pan Egipto kan chi'anin xkich'er kan ki' wik'in; xa kan man xkitaqej ta ri xinbij chike; xa xkiben jun wachibel ri banon rik'in q'anapueq ri ya'erisan pa q'aq'.

Wuj Richin ri Josúe 24:17

roma ja ri Jehová ri qa-Dios ri xojelesan-pe roj y ri qate-qatata' pa ruwach'ulew Egipto chire ri ilinri'il. Y chiqawech k'a roj xuben ri nima'q taq banobel richin retal, y chuqa' kan xojruchajij chijun ri bey ri akuchi xojbiyin-wi-pe y ri pa taq tinamit ri akuchi xojq'ax-wi.

Wuj Kichin ri To'onela' 2:12

Xkiya' k'a kan ri Jehová ri ki-Dios ri kati't-kimama' ri xelesan-pe kichin pa ruwach'ulew Egipto, y xa xekitzeqelibej ri ch'aqa' chik dios, ri ek'o pa taq tinamit chikinaqaj rije', y kan xkiya' kiq'ij; y rik'in ri' xkiyek royowal ri Jehová.

Wuj Kichin ri To'onela' 6:8

ri Jehová xuteq-pe jun q'alajirisey ruch'abel, y kere' ri xubij chike: Ri Jehová ri qa-Dios nubij: Ja yin ri xinelesan-pe iwichin ri chiri' pan Egipto, y xixinwelesaj-pe chuxe' ri ilinri'il.