Ex 13:10 - Kaqchiquel Bible

¹⁰ Jare' k'a ri nubij ri Jehová chi k'o chi niqaben, k'atzinel xtiqanimaq'ijuj re jun q'ij re', ronojel juna'.

Ex 13:10 Iomraidhean Croise

Ex 12:14

Y re q'ij re' kan k'o chi xtinimaq'ijuj rix, chuqa' keri' xtikiben ri iwijatzul ri xkepe chi wiq chi tanaj. Kan keri' k'a ri k'o chi niben richin jantape'.

Ex 12:17

Kan xtinimaq'ijuj k'a ri q'ij richin ri nimaq'ij richin ri kaxlan-wey ri maneq ch'amilej-q'or rik'in, roma chupan ri q'ij ri' xixinwelesaj-pe pa ruk'ayewal ri chiri' pan Egipto. Y roma ri' kan xtichajij k'a re jun pixa' re'. Chi wiq chi tanaj kan kere' k'a xtiben beneq ruwech.

Ex 12:42

Y ri aq'a' ri' ri Jehová kan xk'oje' k'a kik'in, richin yeruchajij, richin xerelesaj-pe ri israelita pan Egipto. Y roma ri' ri israelita ronojel juna', nikinimaq'ijuj y yek'ase' chi jun aq'a'. Keri' k'a nikiben chi wiq chi tanaj.

Ex 13:5

Kan ja k'a q'ij ri' y ja ik' ri' xqojnimaq'ijun toq ri Jehová xqojrukusaj chupan ri ruwach'ulew ri rusujun chike ri qati't-qamama', richin nuya' chiqe roj, ri kiruwach'ulew ri winaqi' cananeo, ri hitita, ri amorreo, ri heveo y ri jebuseo, ruwach'ulew ri akuchi niwachin ronojel ruwech tiko'n.

Ex 23:15

Xtinimaq'ijuj k'a ri q'ij richin ri kaxlan-wey ri maneq ch'amilej-q'or rik'in y wuqu' k'a q'ij xtitej re jun ruwech kaxlan-wey re', achi'el ri nubin chiwe. Xtiben k'a re nimaq'ij re' chupan ri ik' Abib, roma chupan ri ik' ri' toq xixel-pe pan Egipto. Y kan man jun k'a chiwe rix ri xtipe chinuwech yin y man jun sipanik ruk'amon-pe chuwe.

Wuj Richin ri Chojmirisabelri'il 23:6

Y chupan ri q'ij wolajuj, xtichop-el richin ninimaq'ijuj ri kaxlan-wey ri maneq ch'amilej-q'or rik'in, richin niya' nuq'ij yin. Y wuqu' k'a q'ij nitej ri kaxlan-wey ri'.