Ex 11:4 - Kaqchiquel Bible

⁴ Y toq ri Moisés k'a k'o na chiri' rik'in ri rey, xubij chire: Jare' ri nubij ri Jehová: Pa nik'aj-aq'a' xkiq'ax chupan chijun ri Egipto.

Ex 11:4 Iomraidhean Croise

2 Sam 5:24

Y ri Dios xubij k'a chi ri David k'o chi nroyobej k'a toq xtrak'axaj chi achi'el k'o ri nibiyin pa kitum ri che' ri'. K'ari' toq ri David xtijote-el chi'anin chikij, roma jari' xtik'o-el ri Jehová chikiwech richin yerukamisaj ri achi'a' aj-Filistea.

Wuj Richin ri Achin Job 34:20

Ri wineq xabachike k'a ramaj noqaqa ri kamik rik'in, rik'in juba' pa nik'aj-aq'a', o xabachike ri noqaqa chikij ri chi'aq'a' y xkek'is konojel, ri winaqi' ri kan k'o janila uchuq'a' pa kiq'a' xa xkeken chuqa' y man ruq'a' ta wineq ri xtibano-el chike.

Wuj Richin Bix Chire ri Dios 60:10

¿Man ja ta kami rat Jehová ri xa oj amalin kan, y man at beneq ta chik qik'in toq yojbe pa labal?

Wuj Richin Bix Chire ri Dios 81:5

Jare' ri xuya' chike ri qati't-qamama', toq rija' xyakatej chikij ri aj-Egipto. Xak'axatej k'a jun rutzijol ri man jun bey ak'axan, y kere' xubij:

Ex 12:12

Y chupan chuqa' ri aq'a' ri' xkiq'ax chupan chijun ri ruwach'ulew richin Egipto y kan xkenkamisaj k'a konojel ri e nabey taq al alaboni' chikikojol ri winaqi'. Y keri' chuqa' chikikojol ri kawej. Y xtinq'et k'a tzij pa kiwi' ri dios richin Egipto. Ja yin Jehová ri yibin.

Ex 12:23

Toq ri Jehová xtiq'ax richin yerukamisaj ri aj-Egipto, kan xtutz'et k'a ri kik' chuchi' ri iwachoch y ri kamisanel kan choj k'a xtiq'ax-el y man jun xtuben ta kan chiwe.

Ex 12:29

Y pa nik'aj-aq'a' ri Jehová xerukamisaj k'a konojel ri e nabey taq al alaboni' ri aj-Egipto. Xken k'a ri nabey ruk'ajol ri rey, ri niq'aton-tzij. Chuqa' xeken konojel ri nabey taq al alaboni' kichin konojel y chuqa' kichin ri ek'o pa cárcel y ri nabey taq kal ri kawej.

Wuj Richin ri Isaías 42:13

Ri Jehová kan xtipe achi'el jun achin ri maneq xibinri'il chuwech, y achi'el jun aj-labal ri kan yakatajineq-pe royowal. Xtisik'in richin xtuchop oyowal, y xkeruch'ek ri e etzelanel richin.

Am 4:10

Xinteq-pe nimalej taq yabil pan iwi' achi'el ri xinya' pa kiwi' ri aj-Egipto, Xinben chi ri alaboni' xeken kan chupan ri labal. Chuqa' ri e etzelanel iwichin xkimej kan ri ikiej. Xinben chi xiseq kichuwil ri kaminaqi' ri chiri' ri akuchi ixk'o-wi-qa. Man rik'in ri' man xtzolej ta pe ik'u'x wik'in. Yin Jehová ri yibin.

Am 5:17

Toq yin xkipe richin nonya' ruk'ayewal pan iwi', ri raqoj-chi'ij kan xtapon chupan ri ulew richin tikobel uva. Yin Jehová ri yibin.

Wuj Richin ri Miqueas 2:13

Ri Miqueas xubij: Ri Jehová xtiwulan ri ruchi' ri tinamit ri akuchi ek'o-wi pa ximonri'il ri rutinamit rija', richin xkerelesaj-pe. Ja rija' ri ki-rey ri xtinabeyej-pe chikiwech; y rije' xtikitzeqelibej-pe.

San Mateo 25:6

Jak'a ri pa nik'aj-aq'a' xak'axatej k'a ruch'abel jun ri kan rik'in janila ruchuq'a' nich'on y nubij: Jari' peteneq ri ala' ri xtik'ule'. Kan kixel k'a pe chuk'ulik, xcha'.