Ex 11:3 - Kaqchiquel Bible

³ Ri Jehová kan xuben k'a chike ri winaqi' aj-Egipto chi xsilon kánima chuya'ik ri xk'utux chike. Y chuqa' ri Moisés kan jun nimalej achin chikiwech ri e aj-raqen, ri aj-Egipto y chikiwech chuqa' konojel ri ch'aqa' chik winaqi'.

Ex 11:3 Iomraidhean Croise

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

Wuj Richin ri Rutikeribel 39:21

Jak'a ri Jehová kan xuto-wi ri José y xujoyowaj k'a ruwech, y xuben chi utz xtz'et roma ri aj-raqen richin ri cárcel y chuqa' xuben chi utz nitz'et ri rubanobal.

2 Sam 7:9

Y kan ink'o k'a pe awik'in xabakuchi at beneq-wi, y kan e nuch'akon konojel ri etzelanel awichin. Wakami k'a, kan xtinnimirisaj ri abi' achi'el ri kibi' ri e nima'q taq achi'a' ri ek'o wawe' chuwech re ruwach'ulew.

Ester 9:4

roma rija' xok jun nimalej aj-raqen chupan ri q'atbel-tzij richin ri rey Asuero, y ri runimirinen q'ij-q'ij beneq pa jotol. Roma ri' ri rutzijol xtalutej pa ronojel nima'q taq ruwach'ulew.

Wuj Richin Bix Chire ri Dios 106:46

Xuben k'a chike ri winaqi' ri e uk'uayon-el kichin pa ximonri'il, chi xkijoyowaj kiwech.

Ex 12:35

Y chuqa' xkiben achi'el ri ruchojmilal ri ruya'on ri Moisés chike, y xkik'utuj-el chike ri aj-Egipto ronojel ri e banon rik'in saqipueq y q'anapueq, y chuqa' jebejoj taq tzieq richin nikikusaj.

Ex 12:36

Y ri Jehová xuben k'a chike ri aj-Egipto chi kan xkiya-el ronojel ri xkik'utuj ri israelita. Keri' kan k'iy k'a ri kibeyomel ri aj-Egipto ri xkimej-el chuwi-kiq'a'.

Ex 3:21

Y yin kan xtinben k'a chike ri winaqi' aj-Egipto chi kan utz xkixkitz'et y roma ri' kan k'o k'a ri xtikiya-el chiwe richin man choj keri' yixbe.

Wuj Richin ri Isaías 60:14

Kan janila xtikiqasaj-ki' chiwech ri winaqi' ri xetz'ilon iwichin, y konojel k'a ri xe'etzelan iwichin kan xkexuke' chiwech. Kan xtikibij chi ri itinamit Sión jari' ri nutinamit yin, ri in loq'olej richin ri Israel.

Hechos 7:22

Roma ri' ri Moisés kan xtijox-wi jebel rik'in ronojel ruwech etamabel ri k'o kik'in ri nima'q taq winaqi' aj-Egipto. Y kan niq'alajin toq k'o nubij y toq k'o nuben.

Deut 34:10

Kan man jun bey chik k'a xk'oje' jun q'alajirisey ruch'abel ri Dios chikikojol ri israelita achi'el ri Moisés ri achoq ik'in xch'on-wi ri Jehová naqaj y kan xtzijon rik'in.

Deut 34:11

Ri Dios xuteq richin xuben ronojel ruwech nima'q taq banobel richin retal pan Egipto chuwech ri rey y ri rusamajela' y chuwech chijun ri ruwach'ulew. Y kan man jun chik k'a wineq xk'oje' achi'el ri Moisés,

Wuj Richin ri Josúe 4:14

Chupan k'a ri q'ij ri', ri Jehová xunimirisaj ruq'ij ri Josué chikiwech konojel ri ruwinaq, kan xkiya' k'a rejqalen y xkinimaj k'a rutzij ri Josué ronojel q'ij chire ri ruk'aslen, achi'el xkiben rik'in ri Moisés.

Apocalipsis 3:9

Roma ri' xtinben chi xkexuke' chiwech ri jun tzobaj winaqi' ri e richin ri Satanás ri nikibij chi e judío y xa man qitzij ta. Kere' xtinben chike richin tiketamaj chi yin kan yixinwajo'.